Gimong ti Serbisio iti Nobiembre
Lawas ti Nobiembre 3-9
10 min: Dagiti lokal a pakaammo. “Naimbag a Damag iti Internet.” Dagiti napili a Pakaammo iti Ministeriotayo iti Pagarian. Komentuan ti report iti tay-ak ti serbisio iti Agosto para iti pagilian ken ti lokal a kongregasion.
15 min: “Silulukat ti Dakkel a Ruangan iti Trabaho.” Palawag ti panglakayen, a pakairamanan ti pannakisarita kadagiti agdengdengngeg. Paregtaen amin a makabael tapno ikagumaanda ti makiraman nga ad-adda pay iti trabaho a panangasaba. Iraman ti sumagmamano a balakad a naidatag iti Agosto 15, 1988, a Pagwanawanan, panid 22.
20 min: “Surnadanyo Dagiti Addaan Interes iti Kingdom News.” Saludsod ken sungbat. Idemostra dagiti presentasion iti parapo 6. Iti maysa kadagitoy, ipakita ti pannakairugi ti panagadal iti Biblia.
Kanta 144 ken pangserra a kararag.
Lawas ti Nobiembre 10-16
7 min: Dagiti lokal a pakaammo. Report ti kuenta. Ipakaammo iti kongregasion no ania a teritoria ti saan pay a nawarasan iti Kingdom News No. 35. Paregtaen amin a makiramanda a naan-anay iti daytoy maudi a lawas ti naisangsangayan a kampania.
23 min: “1997 a ‘Pammati iti Sao ti Dios’ a Kombension Distrito.” (Parapo 1-13) Saludsod ken sungbat. Basaen ti parapo 8, 10, ken 13. Ipaganetget ti Nainkasuratan a kinapateg ti naannad a panangmantener iti natakneng a langa ken kababalintayo kas Kristiano ken ti umiso a panangaywan kadagiti annaktayo.
15 min: “Tulonganyo Dagiti Di Manamati nga Assawa.” Panagsarita ti dua a panglakayen a maseknan iti ad-adda pay a panangam-ammo a personal kadagiti di manamati nga assawa. Usigenda met dagiti singasing a naidatag iti Mayo 15, 1989, a Pagwanawanan, panid 17-18, parapo 6-9. Iraman dagiti kapadasan iti Oktubre 1, 1995, a Pagwanawanan, panid 10-11, parapo 11-12.
Kanta 148 ken pangserra a kararag.
Lawas ti Nobiembre 17-23
10 min: Dagiti lokal a pakaammo. Ibalabala dagiti naisangsangayan nga urnos iti tay-ak ti serbisio para inton Nobiembre 27. Mangiburay iti sumagmamano a lokal a kapadasan kabayatan ti kampania iti Kingdom News No. 35.
20 min: “1997 a ‘Pammati iti Sao ti Dios’ a Kombension Distrito.” (Parapo 14-21) Saludsod ken sungbat. Basaen ti parapo 14 ken dagiti naisitar a kasuratan. Ipaganetget a nasken ti kinaurnos ken konsiderasion kadagiti sabsabali, nangnangruna no maipapan iti pagtugawan. Ingudo babaen ti ababa a palawag a mangrepaso iti “Dagiti Palagip iti Kombension Distrito.”
15 min: “Ania ti Ibagak?” Pagsasaritaan ti tallaong. Basaen ti umuna a parapo iti panid 8 ti libro a Panakirinnason, a mangilawlawag no kasano a nadisenio ti libro a tumulong kadatayo a mangasaba a sieepektibo iti nadumaduma a topiko iti Biblia. Iyilustrar babaen iti maysa wenno dua a demostrasion a naisagana a naimbag.
Kanta 151 ken pangserra a kararag.
Lawas ti Nobiembre 24-30
8 min: Dagiti lokal a pakaammo.
15 min: Nasayaat a Kababalin iti Pagadalan iti Libro ti Kongregasion. Apresiarentayo ti kinamanagpadagus dagiti pamilia a mangipausar iti pagtaenganda iti panagadal iti libro. Mabalin nga adda ramanen daytoy a panagsagana [dagiti bumalay] ken pannakasingada. No tumabtabunotayo, ipakitatay koma ti nasayaat a kababalin, panagraem ken konsiderasion, a pakairamanan dagiti sumaganad: (1) Agpigadtayo koma a naimbag sakbay a sumrektayo, tapno saan a marugitan ti datar. (2) Aywanan koma dagiti nagannak dagiti annakda, a siguraduenda a natalna dagiti ubbing ken agtalinaedda iti paset ti pagtaengan a nairanta a pagadalan. (3) Nupay nalabit bassit ti grupo ken medio saan a pormal ti kasasaad, gimong daytoy ti kongregasion ket agkawestayo koma a kas iti panagkawestayo no mapantayo idiay Kingdom Hall. (4) Paababaen koma ti asosasion kalpasan ti gimong kas panangipakita iti konsiderasion iti bumalay. (5) Nupay agpamerienda sagpaminsan ti bumalay kalpasan ti panagadal, maawatantay koma amin a saan a rumbeng a namnamaen wenno kiddawen dayta.
22 min: Agaramidkayo Kadagiti Adalan, nga Isuroyo Ida. Panagsasarita nga idauluan ti panglakayen a kaduana ti tallo wenno uppat nga agibumbunannag, ket sungbatanda dagiti saludsod a naibasar iti libro a Ti Ministeriotayo, panid 88-92: (1) Apay a napateg dagiti panagsarungkar para iti epektibo a ministerio? Kasano a mapagballigian ti karit iti trabaho a panagsarungkar? (2) Apay a kasta unay ti panangipaganetgettayo iti panangirugi kadagiti panagadal iti Biblia? Kasanotayo nga agbalin a nasigo a mangyadal? (3) Apay a napateg nga iturongtayo dagiti estudiante iti organisasion? Kasanotay a maaramidan daytoy? Isalaysay met ti grupo no kasano a nakatulong kadakuada dagiti suplemento dagiti nabiit pay a Ministeriotayo iti Pagarian a Hunio 1996 ken Marso ken Abril 1997 no maipapan kadagitoy a banag.
Kanta 160 ken pangserra a kararag.