Eskediul ti Gimong ti Serbisio
Lawas ti Hulio 10
12 min: Lokal a pakaammo. Dagiti napili a Pakaammo iti Ministeriotayo iti Pagarian. Komentuan ti report iti tay-ak ti serbisio iti Abril para iti pagilian ken iti lokal a kongregasion. Dakamaten ti kahon a “Kitaenyo ti Makinlikud a Panid,” sa idemostra ti maysa kadagiti naisingasing a presentasion nga epektibo iti lokal a teritoria.
15 min: “Dikam Mabalin ti Agsardeng nga Agsao.” Limitaran ti introduksion iti nakurkurang ngem maysa a minuto, a sarunuen ti saludsod ken sungbat. Ipaganetget dagiti rason no apay nga ipasnektayo unay ti annongentayo a panangasaba. Iraman dagiti napateg a punto iti Enero 15, 1997, a Pagwanawanan, panid 23-4.
18 min: “Maaramid Koma ti Isuamin a Bambanag a Maipaay a Pakapabilgan.” Pagsaritaan ti dua a panglakayen daytoy nga artikulo. Basaen ti tunggal parapo ken dagiti naisitar a teksto. Pagminaren dagiti nainaig a prinsipio. Ipaganetget a masapul ti pannakaawat no agnegosio wenno agpuonan. Repasuen ti balakad iti Marso 15, 1997, a Pagwanawanan, panid 18-19, 22.
Kanta 15 ken pangserra a kararag.
Lawas ti Hulio 17
10 min: Lokal a pakaammo. Report ti kuenta. Ilawlawag iti apagbiit no kasano nga usaren ti broshur a Nasantuan a Nagan a pangtulong iti interesado a mangapresiar iti kinapateg ti panangammo ken panangusar iti personal a nagan ti Dios.—Kitaenyo ti libro a Panakirinnason, panid 182-3.
15 min: “‘Ikasabam ti Sao’ a Buyogen ti Kinaganat.” Limitaran ti introduksion iti nakurkurang ngem maysa a minuto, a sarunuen ti saludsod ken sungbat. Iraman dagiti komento iti libro a Ti Ministeriotayo, panid 170. Mangipaay iti sumagmamano a praktikal a singasing no kasano a parang-ayen ti trabaho a panangasaba kadagiti sumaganad a bulan.
20 min: Siasino ti Rumbeng a Pagtuladanyo? Iyadalan ti ama ti pamiliana a kaduana ti maysa wenno dua a tin-edyer nga annak. Di pay unay nabayag a nadlawna a masansan a pagsarsaritaan dagiti annakna dagiti nalatak nga atleta, artista, popular iti TV, ken musikero. Iyebkasna ti pannakaseknan agsipud ta ti kastoy a pannakakayaw ket mangiparangarang iti espiritu ti lubong. Pagsasaritaanda ti Mayo 22, 1998, nga Agriingkayo!, panid 12-14. Mautob dagiti agtutubo nga adda peggad ti panangidolo kadagiti mabigbigbig iti lubong ket umanamongda nga awan pagimbaganna kadagiti Kristiano ti nailubongan a kinalatak. Pagsasaritaanda dagiti pagimbagan ti panangmatmat kadagiti nagannak, panglakayen, ken dadduma pay a mapagulidanan iti kongregasion—ken nangnangruna ni Jesu-Kristo—kas pagtuladanda.
Kanta 34 ken pangserra a kararag.
Lawas ti Hulio 24
5 min: Lokal a pakaammo.
15 min: Panangirekomenda iti Bagbagitayo kas Ministro ti Dios. Pagsaritaan ti dua a ministerial nga adipen ti Nainkasuratan a pammagbaga iti Disiembre 15, 1998, a Pagwanawanan, panid 19-20. Bigbigenda a masapul a salimetmetanda ti nasayaat a takderda kas ministerial nga ad-adipen ken repasuenda ti personal a maaramidanda tapno maipakita nga itungtungpalda dagiti annongenda. Makitada ti pateg ti panagbalin a nasayaat nga ulidan iti tay-ak ti ministerio ken pagsaritaanda dagiti wagas no kasanoda a makatulong kadagiti panglakayen a mangipaay iti personal a tulong kadagiti sabsabali. Umanamongda a kayatda nga aramiden ti amin a kabaelanda tapno matulonganda ti kongregasion a mangbigbig iti kinaganat ti panawen ket dumakkel ken rumang-ayda iti naespirituan.
10 min: Panagsurat Kadagiti Tattao a Ditay Madandanon. Palawag ken pagsasaritaan ti tallaong. Yantangay awan unayen ti madandanon a tattao kadagiti pagtaengan, nagballigi ti dadduma nga agibumbunannag babaen ti panagsurat. Utobenyo dagitoy a singasing: Dagiti surat ket masapul nga ababa, naibatay iti Kasuratan, ken nadayaw. Dikay agipatulod kadagiti anonymous letter (sursurat a di ammo ti naggapuanda). Isuratyo wenno imakinilyayo koma a nadalus ken nalaka a basaen. Itedyo ti address ti Kingdom Hall ken dagiti oras ti gimong ti kongregasion agraman ti imbitasion a tumabuno. Diyo us-usaren ti return address ti Sosiedad. Repasuenyo dagiti singasing iti libro a Giya ti Eskuelaan, panid 86-8, ken ti Saludsod iti Kahon ti Nobiembre 1996 a Ministeriotayo iti Pagarian.
15 min: Agusar Kadagiti Epektibo nga Introduksion. Mangpili iti dua wenno tallo nga introduksion iti panid 9-15 ti libro a Panakirinnason, ken isalaysay no kasano nga usaren dagitoy a sieepektibo iti teritoriayo. Saludsoden kadagiti agdengdengngeg, “Aniada nga introduksion ti us-usarenyo no adda kasabaanyo iti lansangan, iti impormal, wenno iti sabali pay a pamay-an?” Idemostra ti maysa wenno dua nga introduksion sigun iti ipalubos ti oras.
Kanta 54 ken pangserra a kararag.
Lawas ti Hulio 31
15 min: Lokal a pakaammo. Palagipan ti amin nga itedda dagiti reportda iti tay-ak ti serbisio para iti Hulio. Awisen dagiti agdengdengngeg a mangisalaysay kadagiti personal a kapadasanda iti daytoy a bulan kabayatan ti panagiwarasda kadagiti broshur.
12 min: Lokal a kasapulan.
18 min: “Ap-apresiarenyo Kadi ti Kinaanus ni Jehova?” Saludsod ken sungbat. Iraman dagiti maitutop a komento maipapan iti mabayag a panagitured ni Jehova.—Kitaenyo ti Insight, Tomo 2, panid 263-4.
Kanta 75 ken pangserra a kararag.
Lawas ti Agosto 7
10 min: Lokal a pakaammo.
17 min: “Managbabainkayo Kadi?” Saludsod ken sungbat. Mangisalaysay iti makaparegta a kapadasan iti 1997 Yearbook, panid 43-4.
18 min: Agmasiribkayo Para iti Masakbayanyo. Palawag ti panglakayen. Tarigagayan dagiti agtutubo ti mangnanam iti naragsak a masakbayan a kaduada dagiti ay-ayatenda. Nupay natural daytoy, masapul nga iyaplikarda ti nadiosan a patigmaan tapno agballigida. (Prov. 19:20) Kadagiti agtutubo, napigsa ti panagduyosda iti kasungani a sekso. No saan a makontrol ti rikrikna, dakes dagiti ibungana. Adu ti tumaud a saludsod maipapan iti kinanainsiriban ti emosional a rikna dagiti tin-edyer iti kasungani a sekso, a mangpatanor iti romantiko a relasion nga agturong iti pannaki-date. Repasuen ti balakad iti libro a Saludsod nga Iyimtuod ti Agtutubo, panid 231-5. Itampok dagiti kangrunaan a punto iti Nobiembre 15, 1999, a Pagwanawanan, panid 18-23, a mangipakita iti kinapateg ti panangitungpal dagiti agtutubo iti amin nga obligasionda iti Dios. Paregtaen dagiti tin-edyer a mangutob iti daytoy a balakad ken pakisaritaanda dayta kadagiti nagannakda no addaanda kadagiti saludsod.
Kanta 101 ken pangserra a kararag.