Eskediul ti Gimong ti Serbisio
Lawas ti Oktubre 9
8 min: Lokal a pakaammo. Dagiti napili a Pakaammo iti Ministeriotayo iti Pagarian.
12 min: “Agmulakayo iti Nawadwad Ngem Buyogen ti Kinaannad.” Saludsod ken sungbat.
25 min: “Ti Baro a Milenio—Ania a Masakbayan ti Agur-uray Kenka?” Narayray a panangusig ti manangaywan iti serbisio. Kalpasan a maibasa ti pakaammo nga adda iti Hulio 3, 2000, a surat ti Sosiedad kadagiti panglakayen, maikkan iti maysa a kopia ti Kingdom News No. 36 ti tunggal maysa a timmabuno. Kalpasanna, mausig ti artikulo babaen ti saludsod ken sungbat. Dakamaten dagiti lokal nga urnos para iti naan-anay a pannakawanas ti teritoria. Ilawlawag no kasano a matulongan dagiti kabbaro ken ubbing tapno maikarida nga agbalin a di bautisado nga agibumbunannag. Mangidemostra iti ababa a presentasion.
Kanta 53 ken pangserra a kararag.
Lawas ti Oktubre 16
10 min: Lokal a pakaammo. Report ti kuenta. Ipalagip kadagiti agibumbunannag nga iti ngudo ti lawas, maitampok ti magasin a Pagwanawanan ken Agriingkayo! agraman ti Kingdom News No. 36.
15 min: “Dagiti Alikamen a Makaisuro, Makagutugot, ken Makapabileg.” (Parapo 1 ken 2 laeng.) Palawag. Repasuen iti apagbiit ti pakasaritaan ti panangaramid ti Sosiedad kadagiti video. (Kitaenyo ti libro a Manangiwaragawag, panid 600-601.) Paregtaen ti amin a no mabalbalin buyaenda ti video a Jehovah’s Witnesses—The Organization Behind the Name kas panagsagana sakbay a mapagsasaritaan dayta iti Gimong ti Serbisio iti lawas ti Oktubre 30. Dagidiay addaan iti video mabalinda nga ipabulod dayta kadagidiay awanan, wenno nalabit agkakaduada nga agbuya.
20 min: Maiparangarangtayo Amin ti Espiritu ti Panagpayunir. Panagsarita ti konduktor ti panagadal iti libro ken ti katulonganna, a naibasar iti Oktubre 15, 1997 a Pagwanawanan, panid 22-3. Usigenda no apay a nasayaat no ad-adu pay koma dagiti payunir iti kongregasion ken no kasano a makatulong ti amin tapno maragpat daytoy a kalat.
Kanta 131 ken pangserra a kararag.
Lawas ti Oktubre 23
10 min: Lokal a pakaammo.
20 min: “Naballigi a Pannakiraman iti Makaispal-Biag a Ministeriotayo.” Palawag ken demostrasion. Kalpasan ti ababa nga introduksion, mangiparang iti dua a demostrasion a naibasar iti parapo 2-4. No malpas ti kada demostrasion, saludsodan dagiti agdengdengngeg no kasano nga iyataday ti presentasion iti nadumaduma a kasasaad iti lokal a teritoria.
15 min: Agsagana a Naimbag Para Kadagiti Gimong. Palawag ken pagsasaritaan ti tallaong. Ti gunggona a magun-odtayo kadagiti gimong ket agpannuray unay iti no kasano kaanep ti panagsaganatayo. Repasuen dagiti praktikal a singasing iti Marso 1, 1998 a Pagwanawanan, panid 15-16, parapo 8-11.
Kanta 211 ken pangserra a kararag.
Lawas ti Oktubre 30
8 min: Lokal a pakaammo.
12 min: Kapkapadasan iti Panangiwaras iti Kingdom News No. 36. Paisalaysay iti nagduduma nga agibumbunannag dagiti makaparegta a resulta ti panagiwarasda iti Kingdom News No. 36.
25 min: Jehovah’s Witnesses—The Organization Behind the Name. Pagsasaritaan ti tallaong. Usigen dagiti saludsod iti parapo 3 ti “Dagiti Alikamen a Makaisuro, Makagutugot, ken Makapabileg.” Mangted kadagiti singasing no kasano a mausar ti video a pangtulong kadagiti interesado a mangammo a nasaysayaat iti organisasiontayo.—Kitaenyo ti Oktubre 1, 1992, Pagwanawanan, panid 30-1. (Palagip: Kadagiti kongregasion a di makagun-od iti video, maiparang ti palawag a “Panangipaay Kadagiti Makaay-ayo a Daton ken Jehova,” a naibatay iti Pebrero 1, 1999, Pagwanawanan, panid 20-22.)
Kanta 15 ken pangserra a kararag.
Lawas ti Nobiembre 6
15 min: Lokal a pakaammo. Repasuen ti nagapuananen iti panangiwaras iti Kingdom News No. 36. Ipakaammo no kasanot’ kaadun ti teritoria a natrabaho ken no ania ti kasapulan tapno mairingpas agingga inton Nobiembre 17.
20 min: Ania ti Patientayo? Sarungkaran ti maysa a kabsat a lalaki ti tao a nagsaludsod iti, “Ania ti isursuro dagiti Saksi ni Jehova a mangiduma kadakuada kadagiti sabali a relihion?” Usigen dagiti punto a nadakamat iti kahon iti panid 6 ti Oktubre 1, 1998 a Pagwanawanan.
10 min: Panagkanta—Napateg a Paset ti Panagdayawtayo. Ti konduktor ti panagadal iti libro kasaritana ti dua nga agibumbunannag maipapan iti panagkantada kadagiti gimong ti kongregasion. Napaliiwna a kasla saan a narayray ti panagkantada. Iranudna ti sumagmamano a punto iti Pebrero 1, 1997 a Pagwanawanan, panid 27-8. Usigenda ti liriko ti maysa kadagiti makanta iti Panagadal iti Pagwanawanan ita a lawas, kas naisingasing iti Hulio 1, 1999 a Pagwanawanan, panid 20, parapo 12. Nabnabiag ti panangyebkastayo iti naimpusuan a panangidayaw ken Jehova no napasnek ti panagkantatayo.
Kanta 223 ken pangserra a kararag.