Eskediul ti Gimong ti Serbisio

Lawas ti Abril 8

Kanta 39

13 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Paregtaen ti tunggal maysa a mangbuya iti video a Young People Ask​—How Can I Make Real Friends? kas panagsagana iti maysa a diskusion iti Gimong ti Serbisio iti lawas ti Abril 22. Babaen ti panangusar kadagiti singasing iti panid 8, paidemostra ti dua a presentasion no kasano nga ipaima ti Abril 15 a Pagwanawanan ken Abril 22 nga Agriingkayo!

12 min: Lokal a kasapulan.

20 min: “Aramidenyo ti Naimbag Kadagiti Amin.”a Pagsaludsodan ti maysa wenno dua nga agibumbunannag no kasanoda a palpalawaen ti ministerioda.

Kanta 157 ken pangserra a kararag.

Lawas ti Abril 15

Kanta 101

10 min: Lokal a pakaammo. Report ti kuenta.

15 min: Dakayo a Payunir Itultuloyyo a Tulongan Dagiti Sabsabali. Panagsasarita nga idauluan ti manangaywan iti serbisio, a kaduana ti maysa a konduktor ti Panagadal iti Libro ti Kongregasion, maysa a payunir, ken maysa nga agibumbunannag. Irepaso ti manangaywan iti serbisio ti programa a Pioneers Assist Others kas naibalabala iti Setiembre 1998 a Ti Ministeriotayo iti Pagarian, panid 4. Kalpasanna, kasaritana ti tunggal maysa iti grupo maipapan iti pasetda iti programa ken no kasano a maitungtungpal ti panggep dayta. Ania ti naaramidanen tapno agballigi dayta? Awisen ti manangaywan iti serbisio ti amin nga agibumbunannag nga ipakaammoda kenkuana no tarigagayanda ti matulongan iti ministerio. Dagidiay natulongan iti kallabes ket mabalin a matulongan iti sabali a benneg ti ministerio.

20 min: “Ti Rag-o nga Itden ti Amin-Tiempo a Serbisio.”b Paregtaen dagiti agtutubo nga agaplikar kas auxiliary pioneer bayat ti bakasion dagiti estudiante.

Kanta 199 ken pangserra a kararag.

Lawas ti Abril 22

Kanta 90

10 min: Lokal a pakaammo. Babaen ti panangusar kadagiti singasing iti panid 8, paidemostra iti maysa a ministerial nga adipen no kasano nga iparang ti Mayo 1 a Pagwanawanan ken maysa a kabsat a babai a mangiparang iti Mayo 8 nga Agriingkayo!

10 min: Managsapsapakayo Koma! Maysa a palawag. Dagiti aktibidad a nainaig iti panagdayaw ken panagserbi ti kangrunaan a napateg a banag, nga agkasapulan iti “naituding a tiempo.” (Ecl. 3:1) Dagiti gimong ti kongregasion ken taripnong sakbay ti panangasaba ket rumbeng nga insigida a mangrugi iti naituding nga oras. Nikaanoman a naladaw ni Jehova iti panangitungpalna kadagiti aktibidadna. (Hab. 2:3) Managladladawtayo kadi? No dadduma, saan a maliklikan ti maladaw. Ngem no organisadotayo, saantayo nga agbalin a managladladaw, a sumangpet kalpasan ti panglukat a kanta ken kararag ti gimong wenno no nalpasen ti taripnong sakbay ti panangasaba. Pagsasaritaan dagiti praktikal a pamay-an tapno mapatanor dagiti nasaysayaat nga ugali a mangipasigurado iti panagbalintayo a managsapsapa kadagiti amin a naespirituan nga aktibidad.—Kitaenyo ti Hunio 15, 1990, a Pagwanawanan, panid 29.

25 min: “Positibo a Reaksion!”c Iti parapo 1, palubosan dagiti kakabsat a mangipaay iti kanayonan nga ababa nga ebkas maipapan iti video a Young People Ask​—How Can I Make Real Friends? Sa pagsasaritaan a dagus kadagiti agdengdengngeg ti tunggal saludsod a naiparang iti parapo 2-7. Inton Hunio, repasuentayo ti video nga Our Whole Association of Brothers. (Palagip: Kadagiti kongregasion nga awanan iti daytoy a video, mabalin a maipalawag ti tema nga “Agkarelihionan nga Agassawa​—Apay a Napateg,” naibasar iti Agosto 8, 1999 nga Agriingkayo!, panid 18-20.)

Kanta 191 ken pangserra a kararag.

Lawas ti Abril 29

Kanta 162

10 min: Lokal a pakaammo. Palagipan dagiti agibumbunannag nga itedda ti reportda iti tay-ak ti serbisio para iti Abril.

15 min: “Ti Panangikasaba iti Pagarian Tumulong a Mangispal iti Biag!”d Pagkomentuen dagiti agdengdengngeg no kasano a mayaplikar dagiti kasuratan.

20 min: Panagsukimat nga Usaren ti Libro a Panakirinnason. Pannakisarita iti tallaong. Iti ministerio, masansan nga adda dagiti saludsod maipapan kadagiti topiko a saan a nailista iti sidong “Dagiti Kangrunaan a Tema” (panid 5-6) iti libro a Panakirinnason. Dakkel ti pakausaranna ti “Indese” (panid 439-45) iti panangsapul iti Nainkasuratan a pammaneknek iti patpatientayo. Awisen dagiti agdengdengngeg a sukimatenda ti sungbat dagiti sumaganad a saludsod babaen ti panangkita iti indese iti baba ti tunggal italiko a sao: Ania ti panangmatmat ti Kristiano iti kanta ken bandera ti pagilian? Apay nga ipalubos ti Dios ti didigra? Kasanoyo nga ilawlawag ti panangmatmat ti Biblia iti diborsio? Apay ken kaano a nasken nga agdalungdong no dadduma dagiti kakabsat a babbai? Ania ti namunganayan ti Aldaw Dagiti Inna? Kasanotayo nga ammo a literal a numero ti 144,000 a nadakamat iti Biblia? Ania ti kaipapanan ti pangngarig maipapan iti nabaknang a tao ken ni Lazaro? Paregtaen ti tunggal maysa nga usarenda iti ministerio ti libro a Panakirinnason.

Kanta 28 ken pangserra a kararag.

Lawas ti Mayo 6

Kanta 141

5 min: Lokal a pakaammo.

15 min: “Agtultuloy a Magunggonaan iti Ti Pagwanawanan ken Agriingkayo!” Palawag ti manangaywan iti serbisio a pakipasetan dagiti agdengdengngeg. Komentuan met ti Pakaammo iti panid 7 maipapan iti sagut a suskripsion.

25 min: “Dagiti Pamilia a Natibker iti Naespirituan​—Kasano?”e Kalpasan a mapagsaritaan ti artikulo, isalaysay ti sumagmamano a praktikal a kapadasan iti Pebrero 15, 1999, a Pagwanawanan, panid 10-12.

Kanta 17 ken pangserra a kararag.

[Dagiti Footnote]