Ti Kayo a Nasapa nga Agriing

Ti kayo nga almendro ket maysa kadagiti agarup 30 a kayo a nadakamat iti Biblia. Maysa dayta kadagiti kasapaan a kayo nga agsabong kalpasan ti winter. Pink wenno puraw dagiti sabongna. Mabalin a mangrugi a makita dagita iti maudi a paset ti Enero. Isu met la gayam a ti literal a kaipapanan ti Hebreo a naganna ket “daydiay agriing.” Kasano a kasta met ti ar-aramiden daydiay Namarsua iti dayta a kayo?

Iti footnote ti Jeremias 7:​25, inladawan ni Jehova ti bagina kas nasapa a bumangbangon. Kastoy ti ibaga ti Marso 15, 2011 a ruar Ti Pagwanawanan: “No kasano a nasapa nga ‘agriing’ ti kayo nga almendro, ‘nasapa met a bumangon’ ni Jehova iti piguratibo nga anag tapno . . . mangpakdaar iti ilina maipapan iti dakes a pagbanagan ti kinasukirda. . . . Ken saan nga aginana​—‘agtalinaed a siririing’​—agingga a matungpal ti sinaona.”—Jer. 1:​11, 12.

Iti Biblia, nausar met dagiti puraw a sabong ti kayo nga almendro a mangiladawan iti uban dagiti nataengan. (Ecl. 12:5) Ken mabalin a gapu iti kinapintas dagita, nausarda a pagtuladan iti disenio dagiti sangsanga iti kandelero iti tabernakulo.—Ex. 37:​17-20.