Krus ti Kristiano Sakbay ni Constantino?

“TI TANDA ti krus ket maysan a simbolo a nakadadaan unayen nga adda iti ngangngani isuamin a pagaammo a kultura. Ti kaipapananna ti nanglisin kadagiti antropologo, nupay no ti pannakausarna iti arte ti panamompon itudtudona a naimbag a daytat’ maysa a salaknib maibusor iti dakes. Iti kasumbangirna, ti nalatak a crux ansata ti Egipto, a nailadawan a rumrummuar manipud iti ngiwat, ket mabalin a tuktukoyenna ti biag wenno ti anges. Ti sapasap a panangusar ti tanda ti krus ti mamagbalin nga ad-adda a nakaay-ay-ay ti nakaro a kinakurang met ti krus kadagiti bangbangkay dagiti immuna a Kristiano, nangnangruna iti aniaman nga espesipiko a panangtukoy iti pasamak idiay Golgotha. Kaaduan nga eskolar ti umanamong itan a ti krus, kas maysa a naarte a panangtukoy iti paspasamak ti pasion, ti saan a masarakan kasakbayan iti panawen ni Constantino.”​—Ante Pacem​—Archaeological Evidence of Church Life Before Constantine (1985), ni Propesor Graydon F. Synder, panid 27.