No Kasano ti Agsagana iti Makaparegta a Komento

No agkomentotayo kadagiti gimongtayo, maparegtatayo dagiti kakabsat. (Heb. 10:​24, 25) Kasanotayo a makapagsagana kadagiti makaparegta a komento?

• Agkararagka ken Jehova. Kiddawem a tulongannaka a makaaramid iti komento a mangidaydayaw kenkuana ken mangparegta iti sabsabali.—Sal. 35:18.

• Agkomentoka iti bukodmo a sasao. No ti komentom ket saanmo la a basbasaen iti publikasion, maparegtam ti dadduma ta mangngegda ti ebkas ti pammatim ken Jehova.

• Ababa laeng koma ti komentom. No ababa ken simple ti komentom, kaaduanna a mas makaparegta dayta ken ad-adu pay ti makapagkomento.—Prov. 10:19.

• Kanayon koma a positibo ti komentom. Saanka koma nga agkomento tapno mangbalakad, mangpasagid, wenno mangkritikar iti kongregasion wenno iti maysa a kabsat.

Uray no saanka a naawagan nga agkomento, maparegtam latta ti dadduma. Kasano? Dumngegka a naimbag kadagiti komentoda, ken komendaram ida.—Prov. 10:21.