JESURUN

[Daydiay Napalungdo].

Nadayaw a titulo maipaay iti Israel. Iti Griego a Septuagint, agbalin ti “Jesurun” kas termino iti panangipateg, ta naipatarus a “dungdungnguen.” Ti awag a “Jesurun” ket nagserbi koma a pammalagip iti Israel maipapan iti pannakaawagna kas ili a nakitulagan ni Jehova, ngarud pammalagip iti pagrebbenganna nga agtalinaed a napalungdo wenno nalinteg. (De 33:5, 26; Isa 44:2) Iti Deuteronomio 32:15, nausar ti nagan a Jesurun iti negatibo a kaipapanan. Imbes nga agtignay ti Israel maitunos iti naganna a Jesurun, nagbalin ketdi a nasubeg, a pinanawanna ti Nangaramid kenkuana ken inumsina ti Manangisalakanna.