• Mabalinmo ti Makigayyem ken Jehova
    Agbiagka a Naragsak iti Agnanayon!—Leksion iti Biblia a Makatulong Kenka

    • 5. Ti kayat ni Jehova nga aramiden dagiti gagayyemna

      Adda dagiti ekspektarentayo nga aramiden dagiti gagayyemtayo.

      • Ania ti kayatmo nga aramiden dagiti gagayyemmo para kenka?

      Basaen ti 1 Juan 5:3, sa pagsaritaan daytoy a saludsod:

      • Ania ti ekspektaren ni Jehova kadagiti gagayyemna?

      Mabalin nga adda dagiti masapul a balbaliwantayo kadagiti ugali ken ar-aramidtayo tapno makapagtulnogtayo ken Jehova. Basaen ti Isaias 48:17, 18, sa pagsaritaan daytoy a saludsod:

      • Apay a kayat ni Jehova a mangaramid iti panagbalbaliw dagiti gagayyemna?

      Karpintero a mangyaw-awat iti helmet iti katrabahona.

      Ibaga ti nasayaat a gayyem ti pagsayaatantayo ken ti aramidentayo tapno maprotektarantayo. Kasta met ti aramiden ni Jehova kadagiti gagayyemna

  • Kasanotayo a Maipakita nga Ay-ayatentayo ni Jehova?
    Agbiagka a Naragsak iti Agnanayon!—Leksion iti Biblia a Makatulong Kenka
    • Leksion 34. Lalaki nga adda iti siudad nga agpampanunot bayat a nakatangad.

      LEKSION 34

      Kasanotayo a Maipakita nga Ay-ayatentayo ni Jehova?

      Mariknam kadi a nadekdekketka itan iti Dios ngem idi damom ti agadal iti Biblia? Kayatmo kadi nga itultuloy a palagdaen ti pannakigayyemmo kenkuana? No wen, laglagipem a no makitkita ni Jehova nga umun-uneg ti ayatmo kenkuana, ad-adda met nga ayaten ken ipategnaka. Kasanom a maipakita nga ay-ayatem isuna?

      1. Kasanotayo a maipakita nga ay-ayatentayo ni Jehova?

      Maipakitatayo nga ay-ayatentayo ni Jehova no agtulnogtayo kenkuana. (Basaen ti 1 Juan 5:3.) Saanna a piliten ti asinoman nga agtulnog kenkuana. Imbes ketdi, ik-ikkannatayo amin iti oportunidad nga agpili no agtulnogtayo kenkuana wenno saan. Apay? Kayat ngamin ni Jehova a ‘naimpusuan nga agtulnogtayo.’ (Roma 6:17) Kayatna a sawen, kayatna nga agtulnogka kenkuana saan a gapu ta obligadoka, no di ket gapu ta ay-ayatem isuna. Nadisenio ti Seksion 3 ken 4 daytoy a libro a mangtulong kenka tapno maipakitam ti ayatmo ken Jehova babaen ti panangaramidmo iti pagayatanna ken panangliklik iti kagurana.

      2. Apay a mabalin a narigat nga ipakita ti ayattayo ken Jehova?

      “Adu ti rigat daydiay nalinteg.” (Salmo 34:19) Marigrigatantayo amin gapu iti kinaimperpektotayo. Ken mabalin met nga agproblematayo iti pinansial ken maipasangotayo iti kinaawan hustisia ken dadduma pay a pakarigatan. No maipasangotayo kadagiti problema, mabalin a marigatantayo nga agtulnog ken Jehova. Ngamin, kasla nalaklaka nga aramiden ti di umiso no dadduma. Ngem no aramidem ti amin a kabaelam nga agtulnog ken Jehova, ipakpakitam nga isu ti kapatgan kenka. Pampaneknekam met a napudnoka kenkuana. No aramidem dayta, agbalin met a napudno kenka. Saannakanto a pulos panawan.​—Basaen ti Salmo 4:3.

      AMMUEM TI AD-ADU PAY

      Kitaem no apay a napateg ken Jehova ti kinatulnogmo, ken ammuem no ania ti makatulong kenka nga agmatalek kenkuana.

      3. Ti isyu a nakairamanam

      Sigun iti libro ti Biblia a Job, inakusaran ni Satanas ni Job ken ti amin a mayat nga agserbi ken Jehova. Basaen ti Job 1:1, 6–2:10, sa pagsaritaan dagitoy saludsod:

      • Sigun ken Satanas, apay a nagtulnog ni Job ken Jehova?​—Kitaen ti Job 1:9-11.

      • Ania ti akusasion ni Satanas iti amin a tattao a pakairamanam?​—Kitaen ti Job 2:4.

      Basaen ti Job 27:5b, sa pagsaritaan daytoy a saludsod:

      • Kasano nga impakita ni Job a talaga nga ay-ayatenna ni Jehova?

      Ni Satanas a mangkarkarit ken Jehova. Kueskuestionaranna ti kinamatalek ni Job, a napno ti bagina iti busali, ken ti maysa a sister nga agserserbi ita ken Jehova.

      Pinaneknekan ni Job nga ay-ayatenna ni Jehova babaen ti panagtalinaedna a matalek kenkuana

      Mapaneknekantayo nga ay-ayatentayo ni Jehova no agtalinaedtayo a matalek kenkuana

      4. Paragsakem ti puso ni Jehova

      Basaen ti Proverbio 27:11, sa pagsaritaan dagitoy a saludsod:

      • Ania ti marikna ni Jehova no aramidem ti husto ken agtulnogka kenkuana? Apay?

      5. Kayam ti agbalin a napudno ken Jehova

      Gapu ta ay-ayatentayo ni Jehova, ibagatayo iti sabsabali ti maipapan kenkuana. No matalektayo kenkuana, aramidentayo dayta uray narigat. I-play ti VIDEO, sa pagsaritaan dagiti sumaruno a saludsod.

      VIDEO: Idepensam ti Pammatim Uray Busorendaka (5:09)

      • Marigatanka kadi a mangibaga iti sabsabali iti maipapan ken Jehova?

      • Iti video, ania ti nakatulong ken Grayson tapno malabananna ti butengna?

      Nalaklaka ti agbalin a matalek wenno napudno ken Jehova no ayatentayo dagiti ay-ayatenna ken guraentayo dagiti kagurana. Basaen ti Salmo 97:10, sa pagsaritaan dagitoy a saludsod:

      • Base iti nasursurom, ania dagiti kayat ni Jehova? Ania met dagiti kagurana?

      • Kasanom a masursuro nga ayaten ti naimbag ken guraen ti dakes?

      6. Pagsayaatantayo no agtulnogtayo ken Jehova

      Kanayon a kasayaatan ti panagtulnog ken Jehova. Basaen ti Isaias 48:17, 18, sa pagsaritaan dagitoy a saludsod:

      • Panagkunam, makapagtalektayo kadi a kanayon nga ammo ni Jehova ti kasayaatan para kadatayo? Apay?

      • Ania dagiti nakitamon a naitulong kenka ti panagadalmo iti Biblia ken ti panangam-ammom iti pudno a Dios a ni Jehova?

      KUNA TI DADDUMA: “Awan bibiang ti Dios iti ar-aramidek.”

      • Ania a teksto ti mabalinmo nga usaren a mangipakita nga adda epektona ken Jehova ti ar-aramidentayo?

      SUMARIO

      Maipakitam ti ayatmo ken Jehova no agtulnogka kenkuana ken no agtultuloyka a matalek uray adda dagiti pakarigatan.

      Rebiu

      • Ania ti nasursurom iti ulidan ni Job?

      • Kasanom a mapaneknekan nga ay-ayatem ni Jehova?

      • Ania ti makatulong kenka tapno agtultuloyka a matalek ken Jehova?

      Padasem Daytoy

      AGDISKOBREKA PAY

      Ammuem no kasanoka nga agbalin a napudno ken Jehova ken iti kongregasion.

      “Napudnoka Kadagiti Napudno Kenka” (16:49)

      Ammuem ti ad-adu pay maipapan iti akusasion ni Satanas kadagiti tattao.

      “Nagtalinaed a Natarnaw ni Job” (Ti Biblia​—Ania ti Mensahena? seksion 6)

      Kitaem no kasano a maipakita uray dagiti agtutubo nga ay-ayatenda ni Jehova.

      Paragsakem ni Jehova (8:16)

      Kasano a maitultuloy ti maysa nga agtutubo nga aramiden ti kayat ni Jehova uray piliten dagiti padana nga agtutubo nga agaramid iti madi?

      Labanam ti Dakes nga Impluensia ti Kakadua! (3:59)