Sálmur

105 Þakkið Jehóva,+ ákallið nafn hans,

gerið afrek hans kunn meðal þjóðanna!+

 2 Syngið fyrir hann, lofsyngið* hann,

hugleiðið* öll máttarverk hans.+

 5 Munið eftir máttarverkunum sem hann vann,

kraftaverkum hans og dómunum sem hann kvað upp,+

 6 þið afkomendur Abrahams þjóns hans,+

þið synir Jakobs, hans útvöldu.+

 8 Hann minnist sáttmála síns að eilífu,+

loforðsins sem hann gaf þúsund kynslóðum,+

 9 sáttmálans sem hann gerði við Abraham+

og eiðsins sem hann sór Ísak.+

10 Hann gaf Jakobi hann sem lög

og Ísrael sem varanlegan sáttmála.

11 Hann sagði: „Ég gef þér Kanaansland,+

gef þér það að erfðahlut.“+

12 Á þeim tíma voru þeir fáir að tölu,+

já, mjög fáir, og þeir voru útlendingar í landinu.+

13 Þeir reikuðu um frá einni þjóð til annarrar,

frá einu ríki til annars.+

14 Hann leyfði engum að kúga þá+

en þeirra vegna ávítaði hann konunga+

15 og sagði: „Snertið ekki mína smurðu

og gerið spámönnum mínum ekki mein.“+

16 Hann lét hungursneyð ganga yfir landið+

og svipti þá öllum birgðum brauðs.*

17 Hann sendi á undan þeim mann,

Jósef, sem var seldur í þrælkun.+

18 Þeir fjötruðu hann á fótum*+

og settu járn um háls hans.

19 Allt þar til loforðið rættist+

fágaði orð Jehóva hann.

20 Konungurinn lét leysa hann úr haldi,+

drottnari þjóðanna frelsaði hann.

21 Hann gerði hann að herra yfir heimili sínu,

fól honum yfirráð yfir öllum eigum sínum+

22 og vald til að fara með* höfðingja sína eins og honum þóknaðist

og veita öldungum sínum visku.+

23 Síðan kom Ísrael til Egyptalands+

og Jakob bjó sem útlendingur í landi Kams.

24 Guð gerði fólk sitt frjósamt,+

hann gerði það öflugra en andstæðingana.+

25 Hann lét þá fá hatur á fólki sínu,

brugga launráð gegn þjónum sínum.+

26 Hann sendi Móse þjón sinn+

og Aron+ sem hann hafði útvalið.

27 Þeir gerðu tákn hans meðal Egypta,

kraftaverk hans í landi Kams.+

29 Hann breytti vatninu í blóð

og drap fiskinn.+

30 Landið varð morandi í froskum,+

jafnvel í herbergjum konungs.

31 Hann skipaði broddflugum að gera innrás

og mýflugum að leggja undir sig landið.+

32 Hann breytti regninu í hagl

og sendi eldingar* yfir landið.+

33 Hann eyðilagði vínvið þeirra og fíkjutré

og braut trén á landsvæði þeirra.

34 Hann sagði að engisprettur skyldu gera innrás,

óteljandi ungar engisprettur.+

35 Þær gleyptu allan gróður í landinu

og gleyptu í sig ávöxt jarðarinnar.

36 Síðan banaði hann öllum frumburðum í landinu,+

frumgróða karlmennsku þeirra.

37 Hann leiddi fólk sitt út með silfur og gull+

og í ættkvíslum hans var enginn sem hrasaði.

38 Egyptar fögnuðu þegar Ísraelsmenn fóru

því að þeir voru dauðhræddir við þá.+

39 Hann breiddi út ský til að skýla þeim+

og lýsti þeim með eldi um nætur.+

40 Þeir báðu um kjöt og hann sendi þeim kornhænsn,+

hann saddi þá með brauði af himni.+

41 Hann opnaði klett og vatn spratt fram,+

það streymdi eins og fljót um eyðimörkina.+

42 Hann mundi eftir heilögu loforði sínu við Abraham þjón sinn+

43 og leiddi fólk sitt fagnandi út,+

sína útvöldu með gleðiópi.

Þeir eignuðust það sem aðrir höfðu erfiðað fyrir+

45 til að þeir skyldu halda ákvæði hans+

og fylgja lögum hans.