Sálmur

115 Gefðu ekki okkur, Jehóva, ekki okkur

heldur* nafni þínu dýrðina+

því að þú ert tryggur í kærleika þínum og trúfastur.+

 3 Guð okkar er á himnum,

hann gerir það sem hann vill.

 4 Skurðgoð þeirra eru silfur og gull,

handaverk manna.+

 5 Þau hafa munn en geta ekki talað,+

augu en geta ekki séð.

 6 Þau hafa eyru en geta ekki heyrt,

nef en finna enga lykt.

 7 Þau hafa hendur en geta ekki gripið,

fætur en geta ekki gengið.+

 8 Þeir sem búa þau til verða eins og þau+

og sömuleiðis allir sem treysta á þau.+

 9 Ísrael, treystu á Jehóva+

– hann er hjálp ykkar og skjöldur.+

10 Ætt Arons,+ treystu á Jehóva

– hann er hjálp ykkar og skjöldur.

11 Þið sem óttist Jehóva, treystið á Jehóva+

– hann er hjálp ykkar og skjöldur.+

Hann blessar ætt Ísraels,+

hann blessar ætt Arons.

13 Jehóva blessar þá sem óttast hann,

jafnt háa sem lága.*

14 Jehóva lætur ykkur fjölga,

ykkur og börnum ykkar.+

15 Jehóva blessi ykkur,+

skapari himins og jarðar.+

16 Himnarnir tilheyra Jehóva+

en jörðina hefur hann gefið mönnunum.+

17 Hinir dánu lofa ekki Jah,+

enginn sem hnígur niður í þögn dauðans.*+

18 En við lofum Jah

héðan í frá og að eilífu.