KAFLI 32
Ríki Guðs er við völd núna
Ríki Guðs tók við völdum á himni árið 1914. Þá hófust líka síðustu dagar mannlegra stjórna. Hvernig vitum við það? Skoðum spádóma Biblíunnar og ástand heimsins og hegðun fólks síðan 1914.
1. Hvað sagði Biblían fyrir?
Í Daníelsbók í Biblíunni var sagt fyrir að ríki Guðs myndi byrja að stjórna þegar tímabil sem er kallað „sjö tíðir“ tæki enda. (Daníel 4:16, 17) Nokkrum öldum seinna talaði Jesús um þetta sama tímabil sem ‚tilsettan tíma þjóðanna‘ og sagði að því væri ekki enn lokið. (Lúkas 21:24) Tíðirnar sjö tóku enda árið 1914, eins og við munum sjá.
2. Hvaða ástand ríkir í heiminum og hvernig hefur fólk hagað sér frá 1914?
Lærisveinar Jesú spurðu hann: „Hvert verður tákn þess að þú sért nærverandi og að lokaskeið þessarar heimsskipanar sé hafið?“ (Matteus 24:3) Jesús svaraði með því að segja frá mörgu sem myndi gerast eftir að hann byrjaði að ríkja sem konungur í ríki Guðs á himni. Á meðal þess sem hann taldi upp voru stríð, hungursneyðir og jarðskjálftar. (Lestu Matteus 24:7.) Biblían sagði auk þess fyrir að „á síðustu dögum“ yrðu „erfiðir tímar“ vegna hegðunar fólks. (2. Tímóteusarbréf 3:1–5) Þetta ástand og þessi hegðun fólks hefur verið sérstaklega áberandi síðan 1914.
3. Hvers vegna hefur ástandið í heiminum versnað svo mikið síðan ríki Guðs tók til starfa?
Stuttu eftir að Jesús var krýndur konungur í ríki Guðs fór hann í stríð á himni gegn Satan og illu öndunum. Satan tapaði stríðinu. Biblían segir: „Honum var kastað niður til jarðar og englum hans var kastað niður með honum.“ (Opinberunarbókin 12:9, 10, 12) Satan er bálreiður vegna þess að hann veit að honum verður tortímt. Þess vegna veldur hann kvöl og þjáningum um alla jörðina. Það er því engin furða að ástandið í heiminum skuli vera svona slæmt. Ríki Guðs mun leysa öll þessi vandamál.
KAFAÐU DÝPRA
Kynntu þér hvernig við vitum að Guðsríki tók til starfa árið 1914 og hvaða áhrif það ætti að hafa á okkur.
4. Spádómar Biblíunnar benda til ársins 1914
Guð lét Nebúkadnesar, konung Babýlonar til forna, dreyma spádómlegan draum. Þessi draumur og ráðning Daníels gefa til kynna að hann eigi bæði við stjórn Nebúkadnesars og ríki Guðs. – Lesið Daníel 4:17.a
Lesið Daníel 4:20–26 og notið síðan skýringarmyndina til að svara eftirfarandi spurningum:
(A) Hvað sá Nebúkadnesar í draumnum? – Sjá 20. og 21. vers.
(B) Hvernig færi fyrir trénu? – Sjá 23. vers.
(C) Hvað átti að gerast við lok ‚tíðanna sjö‘? – Sjá 26. vers.
Hvernig tengist draumurinn um tréð ríki Guðs?
SPÁDÓMURINN (Daníel 4:20–36)
Stjórn
(A) Risastórt tré.
Stjórn stöðvuð
(B) „Höggvið tréð“ og látið „sjö tíðir“ líða.
Stjórn komið á aftur
(C) „Þú munt halda ríki þínu.“
Fyrri uppfylling
(D) Hvern táknaði tréð? – Sjá 22. vers.
(E) Hvernig var stjórn hans stöðvuð? – Lesið Daníel 4:29–33.
(F) Hvað gerðist hjá Nebúkadnesari eftir „sjö tíðir“? – Lesið Daníel 4:34–36.
FYRRI UPPFYLLING
Stjórn
(D) Nebúkadnesar, konungur í Babýlon.
Stjórn stöðvuð
(E) Eftir 606 f.Kr. missir Nebúkadnesar vitið og er ófær um að ríkja í sjö ár.
Stjórn komið á aftur
(F) Nebúkadnesar fær vitið aftur og tekur að ríkja á ný.
Seinni uppfylling
(G) Hverja táknaði tréð? – Lesið 1. Kroníkubók 29:23.
(H) Hvernig var stjórn þeirra stöðvuð? Hvernig vitum við að þeir ríktu ekki á meðan Jesús var á jörðinni? – Lesið Lúkas 21:24.
(I) Hvar og hvenær var þessari stjórn komið á aftur?
SEINNI UPPFYLLING
Stjórn
(G) Konungar í Ísrael sem standa fyrir stjórn Guðs.
Stjórn stöðvuð
(H) Jerúsalem er lögð í eyði, en það stöðvar stjórn konungsættarinnar í Ísrael í 2.520 ár.
Stjórn komið á aftur
(I) Jesús tekur að ríkja á himni sem konungur Guðsríkis.
Hversu langar eru tíðirnar sjö?
Sumir hlutar Biblíunnar hjálpa okkur að skilja aðra hluta hennar. Í Opinberunarbókinni segir til dæmis að þrjár og hálf tíð samsvari 1.260 dögum. (Opinberunarbókin 12:6, 14) Sjö tíðir eru tvöfalt lengri, eða 2.520 dagar. Stundum talar Biblían um dag til að tákna ár. (Esekíel 4:6) Það á við um tíðirnar sjö sem eru nefndar í Daníelsbók. Þær tákna 2.520 ár.
5. Heimurinn hefur breyst frá 1914
Jesús sagði fyrir hvernig ástandið í heiminum yrði eftir að hann tæki við völdum sem konungur. Lesið Lúkas 21:9–11 og ræðið síðan eftirfarandi spurningu:
Hvað af þessu hefur þú séð eða heyrt um?
Páll postuli lýsti því hvernig fólk yrði á síðustu dögum mannlegra stjórna. Lesið 2. Tímóteusarbréf 3:1–5 og ræðið síðan eftirfarandi spurningu:
Hvað af þessu hefur þú séð í fari fólks nú á dögum?
6. Sýndu að þú trúir að ríki Guðs hafi tekið við völdum á himni
Lesið Matteus 24:3, 14 og ræðið síðan eftirfarandi spurningar:
Hvaða mikilvæga starf sýnir að ríki Guðs er við völd?
Hvernig getur þú tekið þátt í þessu starfi?
Ríki Guðs stjórnar núna og bráðlega mun það taka fulla stjórn yfir jörðinni. Lesið Hebreabréfið 10:24, 25 og ræðið síðan eftirfarandi spurningu:
Hvað ætti hvert og eitt okkar að gera þegar við „sjáum að dagurinn nálgast“?
Hvað myndirðu gera ef þú kæmist að einhverju sem gæti hjálpað öðrum og bjargað þeim?
EINHVER GÆTI SPURT: „Af hverju tala Vottar Jehóva svona mikið um 1914?“
Hvernig myndir þú svara því?
SAMANTEKT
Spádómar Biblíunnar og ástandið í heiminum sýna að ríki Guðs er núna við stjórn. Við sýnum að við trúum því með því að segja öðrum frá því og sækja safnaðarsamkomur.
Upprifjun
Hvað gerðist þegar tíðunum sjö lauk sem sagt er frá í Daníelsbók?
Hvað sannfærir þig um að ríki Guðs hafi byrjað að starfa 1914?
Hvernig geturðu sýnt að þú trúir að ríki Guðs stjórni núna?
KANNAÐU
Kynntu þér hvað sagnfræðingar og aðrir segja um breytingarnar í heiminum frá 1914.
Lestu um hvaða áhrif spádómurinn í Matteusi 24:14 hafði á mann nokkurn.
„Hafnabolti átti hug minn og hjarta“ (Varðturninn nr. 3 2017)
Hvernig vitum við að spádómurinn í Daníel kafla 4 á við um ríki Guðs?
„Hvenær tók ríki Guðs til starfa? (1. hluti)“ (Varðturninn 1. nóvember 2014)
Hvað gefur til kynna að þær „sjö tíðir“ sem minnst er á í Daníel kafla 4 hafi endað árið 1914?
„Hvenær tók ríki Guðs til starfa? (2. hluti)“ (Varðturninn 1. janúar 2015)
a Sjá síðustu tvær greinarnar í rammanum „Kannaðu“ í þessum kafla.