KAFLI 25

Hver er fyrirætlun Guðs með okkur?

Prentuð útgáfa

Biblían segir að menn lifi „stutta ævi, fulla af áhyggjum“. (Jobsbók 14:1) Vill Guð að líf okkar sé þannig? Ef ekki, hver er þá fyrirætlun hans með okkur? Verður hún einhvern tíma að veruleika? Skoðaðu hughreystandi svör Biblíunnar.

1. Hvers konar líf vill Jehóva að við eigum?

Jehóva vill að við eigum eins gott líf og mögulegt er. Þegar hann skapaði Adam og Evu setti hann þau í Edengarðinn, fallegan paradísargarð. „Guð blessaði þau og sagði við þau: ‚Verið frjósöm, fjölgið ykkur og fyllið jörðina. Leggið hana undir ykkur.‘“ (1. Mósebók 1:28) Jehóva vildi að þau eignuðust börn, gerðu alla jörðina að paradís og önnuðust dýrin. Fyrirætlun hans var að allt mannkynið nyti fullkominnar heilsu og lifði að eilífu.

Fyrirætlun Guðs hefur ekki breyst þó að lífið sé ekki þannig núna.a (Jesaja 46:10, 11) Hann óskar þess enn þá að hlýðnir menn lifi að eilífu við fullkomnar aðstæður. – Lestu Opinberunarbókina 21:3, 4.

2. Hvernig getum við lifað innihaldsríku lífi nú þegar?

Jehóva skapaði okkur með andlega þörf, það er að segja löngun til að kynnast honum og tilbiðja hann. (Lestu Matteus 5:3–6.) Hann vill að við eigum hann að nánum vini, ‚göngum á öllum vegum hans, elskum hann og þjónum honum af öllu hjarta‘. (5. Mósebók 10:12; Sálmur 25:14) Ef við gerum það getum við verið hamingjusöm þrátt fyrir vandamál. Að þjóna Jehóva gefur lífinu gildi og tilgang.

KAFAÐU DÝPRA

Kynntu þér hve mikinn kærleika Jehóva sýndi þegar hann undirbjó jörðina fyrir okkur og hvað orð hans segir um tilgang lífsins.

Adam og Eva horfa á fallega garðinn sem þau búa í og er fullur af gróðri og dýrum.

3. Jehóva hefur yndislega fyrirætlun með mannkynið

Spilið MYNDBANDIÐ og ræðið síðan eftirfarandi spurningu:

MYNDBAND: Hvers vegna skapaði Guð jörðina? – útdráttur (1:41)

Hvers vegna skapaði Guð fallegu jörðina okkar?

Lesið Prédikarann 3:11 og ræðið síðan eftirfarandi spurningu:

Hvað segir þetta þér um Jehóva?

4. Fyrirætlun Jehóva hefur ekki breyst

Lesið Sálm 37:11, 29 og Jesaja 55:11 og ræðið síðan eftirfarandi spurningu:

Hvernig vitum við að fyrirætlun Jehóva með okkur hefur ekki breyst?

A. Hús í niðurníðslu. Þakið er að gefa sig, rúðurnar í gluggunum eru brotnar og garðurinn er fullur af rusli. — Hægt er að laga hús sem er í niðurníðslu. Eins ætlar Guð að lagfæra jörðina fyrir þá sem elska hann þó að mannkynið í heild hafi farið illa með hana.

B. Núna er búið að gera sama húsið upp. Það er fallegt og garðurinn snyrtilegur. — Hægt er að laga hús sem er í niðurníðslu. Eins ætlar Guð að lagfæra jörðina fyrir þá sem elska hann þó að mannkynið í heild hafi farið illa með hana.

5. Að þjóna Jehóva gefur lífinu gildi

Það færir okkur hamingju að vita hver tilgangur lífsins er. Spilið MYNDBANDIÐ og ræðið síðan eftirfarandi spurningu:

MYNDBAND: Ég fann tilgang lífsins (5:03)

Hvernig gagnaðist það Terumi að finna tilgang lífsins?

Lesið Prédikarann 12:13 og ræðið síðan eftirfarandi spurningu:

Hvað á Jehóva skilið að við gerum fyrir hann þar sem hann hefur gert svo margt fyrir okkur?

EINHVER GÆTI SPURT: „Hver er tilgangur lífsins?“

Hvernig myndirðu svara því?

SAMANTEKT

Jehóva vill að við njótum lífsins að eilífu við fullkomnar aðstæður hér á jörðinni. Ef við þjónum honum af öllu hjarta hefur líf okkar raunverulegt gildi nú þegar.