• Hvernig getum við tekið góðar ákvarðanir?
    Von um bjarta framtíð – biblíunámskeið

    • 5. Taktu tillit til samvisku annarra

      Við tökum öll ólíkar ákvarðanir. Hvernig getum við tekið tillit til samvisku annarra? Tökum tvö dæmi:

      Dæmi 1: Systir sem er vön að fylgja ákveðinni tísku flytur í nýjan söfnuð þar sem sú tíska truflar margar systur.

      Lesið Rómverjabréfið 15:1 og 1. Korintubréf 10:23, 24 og ræðið síðan eftirfarandi spurningar:

      • Hvaða ákvörðun gæti þessi systir tekið í samræmi við þessi vers? Hvað myndir þú gera ef samviska einhvers bannaði þeim að gera eitthvað sem samviska þín leyfir þér að gera?

      Dæmi 2: Bróðir veit að Biblían fordæmir ekki að drekka áfengi í hófi en hann velur að halda sig frá því sjálfur. Hann hittir bræður og systur og sum þeirra neyta áfengis.

      Lesið Prédikarann 7:16 og Rómverjabréfið 14:1, 10 og ræðið síðan eftirfarandi spurningar:

      • Hvaða ákvörðun gæti bróðirinn tekið í samræmi við þessi vers? Hvað myndir þú gera ef þú sæir einhvern gera eitthvað sem samviska þín bannar þér?

      Hvað hjálpar þér að taka góðar ákvarðanir?

      Kona að biðja.

      1. Biddu Jehóva að hjálpa þér að ákveða hvað þú eigir að gera. – Jakobsbréfið 1:5.

      Sama kona notar Biblíuna, biblíutengd rit og tölvu við rannsókn.

      2. Rannsakaðu Biblíuna og biblíutengd rit til að finna meginreglur sem eiga við. Þú getur líka leitað ráða hjá reyndum trúsystkinum.

      Sama kona að hugleiða.

      3. Íhugaðu hvaða áhrif ákvörðunin mun hafa á samvisku þína og annarra.