Ebi A Rẹ Noo Ọne Ebe Nan Yẹ

Bhi ẹkẹ ọne ebe nan, uwẹ dẹ miẹn Baibo nan ha tie ukpẹdẹ-ukpẹdẹ bi ọta nan gbẹn rẹ zilo nyan ọne Baibo. Ẹmhọanta nọn ghe, uwẹ dẹ sabọ tie ebe ukpẹdẹ bhi ẹghe nọn hi ki rẹ yẹẹ uwẹ. Ọrẹyiriọ, ẹbho ne bunbun kere ghe, ọsewewiẹ mhẹn nẹ nin ele rẹ ha tie ọle. Bhiriọ, ele ki sabọ ha ria eria nyan emhin nin ele luẹ bhi ọne ebe ukpẹdẹ bhi ọne uri-ẹdẹ nin. Ọ manman mhẹn nin azagba-uwa rẹ ha tie ebe ukpẹdẹ kugbe. Bhi otọ agbọn rebhe, ẹghe nin ene ribhi Bẹtẹ rẹ le ebale ọsewewiẹ, ọle ele rẹ kugbe tie ebe ukpẹdẹ.

Ọkhẹughe nan gbẹn ọbhi odotọ ebe ukpẹdẹ ẹdẹ-ẹdẹ rẹkpa mhan rẹ lẹn eji ọne ebe ukpẹdẹ da dagbare. Bhi ọsi ijiẹmhin, a tẹmhọn ebi “w24.04 2 ¶1, 3” mundia nan bhi odotọ ọle. Uwẹ dẹ yẹ miẹn emhin ne bunbun luẹ bhi ọne uhọnmhọn-ọta nan da re ọne ebe ukpẹdẹ dagbare.