იერემია

47 აი, რა უთხრა იეჰოვამ იერემია წინასწარმეტყველს ფილისტიმელებზე,+ ვიდრე ფარაონი დაამარცხებდა ღაზას, 2 აი, რა თქვა იეჰოვამ:

„წყლები მოედინება ჩრდილოეთიდან

და ღვარცოფად იქცევა.

დატბორავს მიწას და ყველაფერს, რაც მასზეა,

ქალაქსა და მის მკვიდრთ.

მოთქმას მოჰყვება ხალხი

და იგლოვებენ იმ მიწის მკვიდრნი.

3 როცა მისი ულაყების თქარუნს,

საბრძოლო ეტლების გრიალს

და ბორბლების ხმაურს გაიგონებენ,

მამებიც კი არ მოტრიალდებიან თავიანთი შვილების გადასარჩენად,

ხელში ძალა გამოეცლებათ,

4 ვინაიდან მოდის ფილისტიმელთა+ განადგურების დღე,

მოსპობს ტვიროსსა+ და სიდონში+ დარჩენილ ყველა მათ მოკავშირეს.

იეჰოვა გაანადგურებს ფილისტიმელთ,

კუნძულ ქაფთორზე*+ დარჩენილთ.

5 გაქაჩლდება* ღაზა.

აშკელონი დადუმდა.+

მათ ველზე დარჩენილებო,

როდემდე დაისერავთ თავს?!+

6 იეჰოვას მახვილო,+

როდემდე უნდა ბობოქრობდე?!

ჩაეგე ქარქაშში,

დამშვიდდი და დადუმდი.

7 როგორ არ უნდა ბობოქრობდეს,

როცა თვით იეჰოვამ უბრძანა?!

აშკელონისა და ზღვისპირეთის+ წინააღმდეგ

აღმართა ის“.