9 ავიდნენ მთაზე მოსე, აარონი, ნადაბი, აბიჰუ, ისრაელის 70 უხუცესი 10 და იხილეს ისრაელის ღმერთი.+ მის ფეხქვეშ საფირონის ქვაფენილის მსგავსი რაღაც იყო, ზეცასავით წმინდა.+

6 მეფე უზიას სიკვდილის+ წელს ვიხილე ამაღლებულ ტახტზე მჯდომი იეჰოვა;+ მისი სამოსის კალთები ტაძარს ავსებდა. 2 სერაფიმები იდგნენ მის ზემოთ. თითოეულს ექვსი ფრთა ჰქონდა; ორით სახეს იფარავდნენ, ორით — ფეხებს, ხოლო ორით დაფრინავდნენ.

 3 ერთი მეორეს გასძახოდა:

„წმინდაა, წმინდაა, წმინდაა იეჰოვა, ლაშქართა ღმერთი!+

ყველაფერი დედამიწაზე მის დიდებას ირეკლავს!“

27 დავინახე რაღაც, ოქროსა და ვერცხლის შენადნობივით მოელვარე, ცეცხლისმაგვარი სინათლე,+ რომელიც იფრქვეოდა იქიდან, რაც მის წელსა და ზედა ნაწილს ჰგავდა; რაღაც ცეცხლისმაგვარი+ მის წელს ქვემოთაც დავინახე. იგი ბრწყინვალებით იყო გარემოცული. 28 ეს ბრწყინვალება წვიმიან დღეს ღრუბლებში გამოჩენილ ცისარტყელას ჰგავდა;+ აი, ასეთი იყო ის მბრწყინავი სინათლე. ეს იეჰოვას დიდების მსგავსი რამ იყო.+ როცა ეს ვიხილე, პირქვე დავემხვე და გავიგონე, რომ ვიღაც ლაპარაკობდა.

2 მაშინვე სულმა მომიცვა და დავინახე, რომ ზეცაში ტახტი იდგა და ტახტზე ვიღაც იჯდა.+ 3 ტახტზე მჯდომი შესახედაობით იასპსა+ და სარდიონს ჰგავდა და ტახტს ზურმუხტისფერი ცისარტყელა ჰქონდა შემოვლებული.+