გალატელების მიმართ

3 ოჰ, უგუნურო გალატელებო, ასე ვინ აგიბნიათ თავგზა თქვენ,+ ვისაც ასე ცხადად აღგიწერეს ძელზე გაკრული იესო ქრისტე?!+ 2 ერთი რამ მინდა გკითხოთ: იმიტომ მიიღეთ სული, კანონს რომ იცავდით, თუ იმიტომ, რომ იწამეთ მოსმენილი?+ 3 ნუთუ ასეთი უგუნურები ხართ? თავიდან ღვთის სულს მიჰყვებოდით და ახლა ხორციელ გზაზე სიარულით ამთავრებთ?+ 4 სულ ტყუილად გამოიარეთ ამდენი ტანჯვა? არა მგონია, ასე იყოს. 5 მაშ, რატომ გაძლევთ ის სულს და რატომ ახდენს სასწაულებს+ თქვენ შორის? იმიტომ, რომ კანონს იცავთ თუ იმიტომ, რომ გწამთ მოსმენილი? 6 აბრაამიც ხომ „ერწმუნა იეჰოვას და ეს სიმართლედ ჩაეთვალა“.+

7 თქვენ იცით, რომ აბრაამის შთამომავლად ის ითვლება, ვისაც რწმენა აქვს.+ 8 წმინდა წერილმა განჭვრიტა, რომ ღმერთი რწმენის საფუძველზე გაამართლებდა უცხოტომელებს, და წინასწარ ახარა აბრაამს, შენით იკურთხებაო ყველა ხალხი.+ 9 მაშასადამე, ყველა, ვისაც რწმენა აქვს, კურთხეულია მორწმუნე აბრაამის მსგავსად.+

10 ყველა, ვინც კანონზეა დანდობილი, დაწყევლილია, ვინაიდან დაწერილია: „წყეული იყოს, ვინც არ ასრულებს ყველაფერს, რაც კანონის გრაგნილშია ჩაწერილი“.+ 11 ცხადია, რომ კანონით ღვთის წინაშე ვერავინ ჩაითვლება მართლად,+ რადგან, როგორც დაწერილია: „მართალი რწმენით იცოცხლებს“.+ 12 კანონი კი რწმენას არ ეფუძნება, მასში მხოლოდ ეს წერია: „ვინც იცავს ამ ყოველივეს, იცოცხლებს“.+ 13 ქრისტემ გამოგვისყიდა,+ რითაც გაგვათავისუფლა+ კანონის წყევლისგან და თავად გახდა დაწყევლილი ჩვენ ნაცვლად, რადგან დაწერილია: „დაწყევლილია ყოველი ძელზე დაკიდებული“.+ 14 ეს იმიტომ მოხდა, რომ აბრაამის კურთხევა ხალხებს იესო ქრისტეს მეშვეობით მიეღოთ,+ რათა დაპირებული სული+ რწმენით მიგვეღო.

15 ძმებო, ერთ მაგალითს მოგიყვანთ: ადამიანის მიერ დადებულ შეთანხმებასაც კი არავინ აუქმებს და არავინ არაფერს ამატებს. 16 დაპირებები აბრაამსა და მის შთამომავალს მიეცა;+ არ თქმულა: „შენს შთამომავლებს“, როგორც მრავალზე, არამედ როგორც ერთზე — „შენს შთამომავალს“, და ეს ქრისტეა.+ 17 ამასაც ვიტყვი: ღვთის მიერ დადებულ ამ შეთანხმებას ძალას ვერ უკარგავს 430 წლის შემდეგ+ მიღებული კანონი და ვერ აუქმებს დანაპირებს. 18 კანონზე რომ ყოფილიყო დამოკიდებული მემკვიდრეობის მიღება, მაშინ ის დანაპირებზე აღარ იქნებოდა დამოკიდებული, მაგრამ ღმერთმა დანაპირების მეშვეობით უწყალობა ის აბრაამს.+

19 მაშ, რისთვისღა იყო საჭირო კანონი? ცოდვების გამოსააშკარავებლად,+ სანამ მოვიდოდა შთამომავალი,+ რომელსაც მიეცა დაპირება; კანონი ანგელოზების მეშვეობით,+ შუამავლის ხელით გადმოგვეცა.+ 20 როცა შეთანხმებას მხოლოდ ერთი მხარე ჰყავს, შუამავალი არ არის საჭირო; და ეს ერთი მხარე ღმერთია. 21 მაშ, კანონი ღვთის დაპირებებს ეწინააღმდეგება? არავითარ შემთხვევაში! თუმცა კანონს სიცოცხლის მონიჭება რომ შესძლებოდა, მისივე მეშვეობით ჩავითვლებოდით მართლად. 22 მაგრამ წმინდა წერილმა ყოველივე ცოდვას დაუმორჩილა, რათა მას, ვინც იესო ქრისტეს ირწმუნებდა, რწმენის საფუძველზე მიეღო დანაპირები.

23 რწმენის მოსვლამდე კანონი გვიწევდა მეთვალყურეობას და მის მოლოდინში კანონს ვიყავით მიბარებულნი.+ 24 ამგვარად კანონი გახდა ქრისტემდე მიმყვანი+ ჩვენი აღმზრდელი, რათა რწმენით ჩავთვლილიყავით მართლად.+ 25 ახლა კი, როცა რწმენა მოვიდა,+ აღარ ვსაჭიროებთ აღმზრდელს.+

26 ასე რომ, თქვენ ყველანი ღვთის ძეები ხართ+ ქრისტე იესოსადმი რწმენით,+ 27 რადგან ყველა, ვინც ქრისტეში მოინათლეთ, ქრისტეთი ხართ შემოსილი.+ 28 აღარ არსებობს არც იუდეველი და არც ბერძენი,+ არც მონა და არც თავისუფალი,+ არც კაცი და არც ქალი,+ რადგან თქვენ ყველანი ერთნი ხართ ქრისტე იესოსთან ერთობაში.+ 29 და, თუკი ქრისტესნი ხართ, ნამდვილად აბრაამის შთამომავლები ხართ+ და, დანაპირების თანახმად,+ მემკვიდრეები.+