იესო ნავეს ძე
23 კარგა ხანი გავიდა მას შემდეგ, რაც მოასვენა იეჰოვამ ისრაელი+ მტრებისგან. უკვე მოხუცებული და ხანში შესული იყო იესო ნავეს ძე,+ 2 როცა მოუხმო მთელ ისრაელს,+ უხუცესებს, თავკაცებს, მსაჯულებსა და მთავრებს+ და უთხრა: „მოვხუცდი და ხანში შევედი. 3 თავად ნახეთ ყველაფერი, რაც იეჰოვამ, თქვენმა ღმერთმა, თქვენი გულისთვის დამართა ამ ერებს, რადგან თქვენი ღმერთი იეჰოვა იბრძოდა თქვენთვის.+ 4 წილისყრით+ მოგეცით ჯერაც განუდევნელი ხალხების მიწა თქვენი ტომების სამკვიდროდ+ და იმ ხალხების მიწაც, რომლებიც გავანადგურე+ იორდანიდან დასავლეთით, დიდ ზღვამდე*. 5 თქვენი ღმერთი იეჰოვა დევნიდა მათ თქვენ წინ.+ თქვენი გულისთვის განდევნა ისინი და დაეუფლეთ მათ მიწას იმ დაპირებისამებრ, რომელიც თქვენმა ღმერთმა იეჰოვამ მოგცათ.+
6 სიმტკიცე და გაბედულება გმართებთ, რომ დაიცვათ და შეასრულოთ ყველაფერი, რაც მოსეს კანონის წიგნშია ჩაწერილი,+ და არ გადაუხვიოთ მისგან არც მარჯვნივ და არც მარცხნივ,+ 7 არ შეერიოთ იმ ერებს,+ თქვენ შორის რომ დარჩნენ. არც კი ახსენოთ მათი ღმერთების სახელები,+ არ დაიფიცოთ ისინი და თაყვანი არ სცეთ მათ.+ 8 ისევე უერთგულეთ იეჰოვას, თქვენს ღმერთს,+ როგორც დღემდე ერთგულობდით. 9 განდევნის იეჰოვა თქვენ წინ დიდ და ძლიერ ერებს;+ დღემდე ხომ ვერავინ დაგიდგათ წინ?!+ 10 თითო ათასს განდევნით,+ რადგან თქვენი ღმერთი იეჰოვა იბრძვის თქვენთვის,+ როგორც დაგპირდათ.+ 11 გიყვარდეთ თქვენი ღმერთი იეჰოვა+ და ასე დაიცავთ თავს.+
12 მაგრამ, თუ გადაუხვევთ და დაუახლოვდებით იმ ერებიდან დარჩენილებს,+ თქვენ შორის რომ არიან, დაუმოყვრდებით+ და შეერევით მათ, ისინი კი — თქვენ, 13 იცოდეთ, რომ თქვენი ღმერთი იეჰოვა აღარ განდევნის თქვენი გულისთვის იმ ერებს;+ მახედ და ხაფანგად გექცევიან ისინი, შოლტად — ფერდებისთვის+ და ეკლებად — თვალებისთვის, სანამ არ აღიგვებით ამ მადლიანი მიწიდან, რომელიც იეჰოვამ, თქვენმა ღმერთმა, მოგცათ.
14 მე უკვე ვკვდები; კარგად იცით, რომ არ გამტყუნებულა არცერთი დანაპირები, რომელიც იეჰოვამ, თქვენმა ღმერთმა, თქვენ სასიკეთოდ მოგცათ, ყველა შეგისრულათ, არცერთი არ გამტყუნებულა.+ 15 როგორც ყველა დანაპირები შეგისრულდათ, რომელიც თქვენმა ღმერთმა იეჰოვამ თქვენ სასიკეთოდ მოგცათ,+ ისევე გეწევათ იეჰოვას ყველა წყევლაც, სანამ არ აღიგვებით ამ მადლიანი მიწიდან, რომელიც თქვენმა ღმერთმა იეჰოვამ მოგცათ.+ 16 თუ დაარღვევთ იეჰოვას, თქვენი ღვთის მიერ თქვენთან დადებულ შეთანხმებას, წახვალთ და თაყვანს სცემთ სხვა ღმერთებს, განრისხდება იეჰოვა+ და მყისვე აღგგვით იმ მადლიანი მიწიდან, რომელიც მოგცათ“.+