ᲙᲐᲓᲛᲘᲔᲚᲘ

[ღმერთი შეეგება; ღმერთი წინ მიდის]

ლევიანი, რომელიც ზერუბაბელთან ერთად იერუსალიმში დაბრუნდა. კადმიელს მისი ოჯახის წევრებიც გაჰყვნენ (ეზრ. 2:1, 2, 40; ნემ. 7:6, 7, 43; 12:1, 8, 24). თავის ვაჟებთან ერთად ის ტაძრის აღდგენით სამუშაოებს მეთვალყურეობდა (ეზრ. 3:9).

სამშობლოში დაბრუნებიდან (ძვ. წ. 537) ნეემიას დროს (ძვ. წ. 455) იეჰოვას წინააღმდეგ ერის მიერ ჩადენილი ცოდვების აღიარებამდე, რასაც ბეჭდის დასმით „მტკიცე შეთანხმების“ დადასტურება მოჰყვა (ნემ. 9:4, 5, 38; 10:1, 9, 10), იმდენად დიდი ხანი იყო გასული, რომ შეუძლებელია, კადმიელი ყველა ამ მოვლენის მონაწილე ყოფილიყო. უდავოა, უკანასკნელი ორი შემთხვევის დროს კადმიელს მისი სახლის ერთ-ერთი წევრი წარმოადგენდა.