მარცხნივ: ქარიშხალი „იანი“, აშშ, ფლორიდა, 2022 წლის სექტემბერი (Sean Rayford/Getty Images); შუაში: დედა თავის ვაჟთან ერთად ევაკუაციის დროს, უკრაინა, დონეცკი, 2022 წლის ივლისი (Alex Chan Tsz Yuk/SOPA Images/LightRocket via Getty Images); მარჯვნივ: მასობრივი ტესტირება კორონავირუსზე, ჩინეთი, პეკინი, 2022 წლის აპრილი (Kevin Frayer/Getty Images)
ᲘᲤᲮᲘᲖᲚᲔᲗ!
2022 წელი: სრული ქაოსი მსოფლიოში — რას ამბობს ბიბლია?
2022 წელს ახალ ამბებში ხშირად გვესმოდა ინფორმაცია ომის, ეკონომიკური პრობლემებისა და სტიქიების შესახებ. აღსანიშნავია, რომ ამ მოვლენების გამომწვევ რეალურ მიზეზს მხოლოდ ბიბლია გვიხსნის.
რეალური მიზეზი
2022 წელს განვითარებული მოვლენები იმაზე მიანიშნებს, რომ ბიბლიური წინასწარმეტყველების თანახმად, „ბოლო დღეებში“ ვცხოვრობთ (2 ტიმოთე 3:1). ეს პერიოდი 1914 წელს დაიწყო. დააკვირდით, როგორ ცხადყოფს წელს განვითარებული მოვლენები, რომ, რაც ბიბლიამ იწინასწარმეტყველა, სრულდება:
„ომები“ (მათე 24:6).
„2022 წელს ევროპამ კიდევ ერთხელ იწვნია ომის საზარელი შედეგები“.a
იხილეთ სტატია „რუსეთის შეჭრა უკრაინაში“.
„საკვების უკმარისობა“ (მათე 24:7).
„2022 წელს მსოფლიოში უპრეცედენტო შიმშილობა დაფიქსირდა“.b
იხილეთ სტატია „უკრაინის ომის გამო მსოფლიოს სასურსათო კრიზისი ემუქრება“.
„ეპიდემიები“ (ლუკა 21:11).
„პოლიომიელიტის მწვავე ვირუსული დაავადება კვლავ იკრებს ძალას, მაიმუნის ყვავილმა არაერთი პრობლემა გამოიწვია, კორონავირუსი კი ისევ დიდ ზიანს აყენებს მსოფლიოს. კაცობრიობა დაუცველია ასეთი საშიში გადამდები დაავადებებისგან“.c
იხილეთ სტატია „კოვიდპანდემიას 6 მილიონზე მეტი ადამიანი ემსხვერპლა“.
„საზარელი მოვლენები“ (ლუკა 21:11).
„სიცხე, გვალვა, ტყის ხანძრები და წყალდიდობები. 2022 წლის ზაფხული ისტორიაში შევიდა ასეთი ექსტრემალური ამინდის მოვლენებით, რომლებმაც დიდი ზიანი მიაყენა არაერთ ტერიტორიას, ათასობით ადამიანის სიცოცხლე იმსხვერპლა და მილიონობით ადამიანი უსახლკაროდ დატოვა“.d
იხილეთ სტატია „რეკორდულად მაღალი ტემპერატურა მთელ მსოფლიოში“.
„არეულობები“ (ლუკა 21:9).
„ეკონომიკური კრიზისის, განსაკუთრებით კი ინფლაციის, გამო 2022 წელს ყველაზე მეტი საპროტესტო აქცია მოეწყო არაერთი ხელისუფლების წინააღმდეგ“.e
იხილეთ სტატია „მსოფლიოში ინფლაციის დონე სწრაფად იზრდება“.
რას უნდა ველოდოთ 2023 წელს?
დარწმუნებით ვერავინ იტყვის, როგორ შეიძლება განვითარდეს მოვლენები 2023 წელს. თუმცა ერთი რამ ზუსტად ვიცით, რომ ძალიან მალე ღვთის სამეფო, ზეციერი ხელისუფლება, ძირეულ ცვლილებებს მოახდენს დედამიწაზე (დანიელი 2:44). სწორედ ეს ხელისუფლება დაუსვამს წერტილს ადამიანთა ტანჯვას და სისრულეში მოიყვანს ღვთის ნებას დედამიწასთან დაკავშირებით (მათე 6:9, 10).
მოგიწოდებთ, დააკვირდეთ, როგორ სრულდება მსოფლიოში მიმდინარე მოვლენებით ბიბლიური წინასწარმეტყველება და გაითვალისწინოთ იესოს რჩევა, რომელმაც თქვა: „იფხიზლეთ!“ (მარკოზი 13:37). თუ გსურთ, გაიგოთ, როგორ შეუძლია ბიბლიას დღესვე თქვენი და თქვენი ოჯახის დახმარება და როგორ გვისახავს ის უკეთესი მომავლის იმედს, გთხოვთ, დაგვიკავშირდით.
a წყარო: AP News, “2022 Was Year the Horror of War Returned to Europe,” by Jill Lawless (2022 წლის 8 დეკემბერი).
b წყარო: World Food Programme, “A Global Food Crises.”
c წყარო: JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD (2022 წლის 22 სექტემბერი).
d წყარო: Earth.Org, “What’s Behind the Record-Breaking Extreme Weather Events of Summer 2022?” by Martina Igini (2022 წლის 24 ოქტომბერი).
e წყარო: Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman (2022 წლის 8 დეკემბერი).