‘ჩვენ პატიოსანი ხალხი გვჭირდება’

დღევანდელ ქვეყნიერებაში პატიოსნება იშვიათია. მიუხედავად ამისა, ქრისტიანებისთვის ეს ძირითადი მოთხოვნაა. პავლე წერდა: «გვსურს ყველაფერში კეთილად [„პატიოსნად“, აქ] ვიქცეოდეთ» (ებრაელთა 13:18). სწორედ ამის გაკეთება სურდა ვილმას, ფაენცაში (იტალია) მცხოვრებ იეჰოვას ერთ-ერთ მოწმეს.

გაზეთში „ილ რესტო დელ კარლინო“ (Il Resto del Carlino) ნათქვამია, რომ ქალაქის სუპერმარკეტის გარეთ საფულის პოვნისთანავე, რომელშიც დიდი თანხა იდო, ვილმამ „უყოყმანოდ“ ჩააბარა ის პოლიციაში, რათა პატრონისთვის დაებრუნებინათ.

ამ ამბის გაგებისთანავე ქალაქის მერმა ვილმას მოკლე სამადლობელი წერილი გაუგზავნა. „ქალაქის სახელით, — წერდა ის, — გულწრფელად გმადლობთ თქვენი შესანიშნავი მოქმედებისთვის. ჩვენს სახელოვან ქალაქ ფაენცას კეთილი და პატიოსანი ხალხი სჭირდება“.

მიუხედავად იმისა, ხედავს ხალხი კეთილ საქმეებს თუ არა, ჩვენ ყოველთვის უნდა ვცდილობდეთ, ვიყოთ პატიოსნები. როგორც საღვთო წერილი მოგვიწოდებს, ჩვენ „ვცდილობთ კეთილისათვის არა მარტო უფლის წინაშე, არამედ ადამიანის წინაშეც“ (2 კორინთელთა 8:21).