ხელის თითები ბიბლიაში ზოგჯერ ხელის სინონიმად არის გამოყენებული. „თითები“ და „ხელები“ ერთი და იმავე აზრის ხაზგასასმელად გამოიყენება (ფს. 144:1).

ეგვიპტის დატოვებიდან სამი თვის შემდეგ ისრაელი დამოუკიდებელ ერად ჩამოყალიბდა, როცა სინას მთასთან კანონის შეთანხმების მონაწილე გახდა (ებ. 9:19, 20). ამ ერის კანონთა კრებულის საფუძველი „ღვთის თითით ნაწერი“ ათი მცნება იყო, რომელსაც 600-ზე მეტი სხვა კანონი თუ წესი დაემატა. ძველად არც ერთ სხვა ერს არ ჰქონია ასეთი მრავლისმომცველი კანონთა კრებული. მასში დეტალურად იყო აღწერილი, თუ როგორი ურთიერთობა უნდა ჰქონოდა კაცს ღმერთთან თუ მოყვასთან (გმ. 31:18; 34:27, 28).