26 Ebuna Eliakimi mwana ya Hilkia, Shebna,+ mpi Yoa tubilaka Rabshake+ nde: “Pardo, tubila bansadi na nge na ndinga ya Kiarami,* sambu beto lenda bakisa yo;+ kutubila beto ve na ndinga ya Bayuda na makutu ya bantu yina kele na zulu ya kibaka.”+

37 Kansi Eliakimi mwana ya Hilkia, yina vandaka mfumu ya nzo, sekretere Shebna, mpi Yoa mwana ya Asafi muntu ya ke sonikaka mambu, kwisaka na Ezekiasi ti bilele na bo ya kupasuka mpi bo songaka yandi mambu yina Rabshake tubaka.