1 Bakorinto

3 Yo yina bampangi, mono vandaka ve na mpila ya kutubila beno mutindu bo ke tubilaka bantu ya kimpeve,+ kansi bonso bantu ya kinsuni, bonso bana ya fioti+ na Kristu. 2 Mono pesaka beno miliki,* kansi madia ya ngolo ve, sambu beno vandaka ntete ngolo ve. Ata ntangu yai beno kele kaka ngolo ve,+ 3 sambu beno kele kaka bantu ya kinsuni.+ Ntangu kimpala mpi kuswana kele na kati na beno, keti beno kele ve bantu ya kinsuni+ mpi keti beno ke tambula ve mutindu bantu ke tambulaka? 4 Sambu ntangu muntu mosi ke tuba nde, “Mono kele muntu ya Polo,” kansi ya nkaka ke tuba nde, “Mono kele muntu ya Apolo,”+ keti beno ke sala ve mambu bonso bantu?

5 Ebuna Apolo kele nani? Ya kieleka, Polo kele nani? Bo kele bansadi+ yina na nzila na bo beno kumaka kukwikila, mutindu Mfumu pesaka kisalu na konso muntu. 6 Mono kunaka,+ Apolo losaka masa,+ kansi Nzambi muntu vandaka kuyedisa yo, 7 yo yina, muntu yina kele mfunu kele ve muntu yina ke kunaka to muntu yina ke losaka masa, kansi Nzambi yina ke yedisaka yo.+ 8 Ebuna muntu yina ke kunaka mpi muntu yina ke losaka masa ke salaka na bumosi,* kansi konso muntu ta baka matabisi na yandi na kutadila kisalu na yandi.+ 9 Sambu beto kele banduku ya kisalu ya Nzambi. Beno kele kilanga ya Nzambi yina yandi ke kuna, nzo ya Nzambi.+

10 Na kutadila ntima ya mbote ya nene ya Nzambi yina yandi me monisilaka mono, mono tulaka fondasio+ bonso muntu ya me zaba kutunga mbote, kansi muntu ya nkaka ke tunga na zulu na yo. Kansi bika konso muntu kulanda kukeba mutindu yandi ke tunga na zulu na yo. 11 Sambu ata muntu mosi ve lenda tula fondasio ya nkaka na zulu ya fondasio yina bo me tulaka, yina kele Yezu Kristu.+ 12 Ebuna, kana muntu kusadila wolo, arza, matadi ya ntalu, banti, matiti, to nianga sambu na kutunga na zulu ya fondasio yina, 13 kisalu ya konso muntu ta monana mutindu yo kele, sambu kilumbu ta monisa yo, sambu yo ta monana na nzila ya tiya;+ tiya yina ta meka kisalu yina konso muntu me tunga. 14 Kana kisalu ya muntu yina yandi me tunga na zulu na yo kubikala, yandi ta baka matabisi; 15 kana kisalu ya muntu kupia tiya, yandi ta vidisa bima, kansi yandi mosi ta guluka; ata mpidina yo ta vanda bonso nde yandi me guluka na tiya.

16 Keti beno me zaba ve nde beno kele tempelo ya Nzambi+ mpi nde mpeve ya Nzambi ke zingaka na kati na beno?+ 17 Kana muntu kufwa tempelo ya Nzambi, Nzambi ta fwa yandi; sambu tempelo ya Nzambi kele ya santu, mpi beno kele tempelo yina.+

18 Muntu kudikusa ve: Kana muntu mosi na kati na beno ke yindula nde yandi kele mayele na ngidika yai ya bima,* bika yandi kuma zoba, sambu yandi kuma mayele. 19 Sambu mayele ya nsi-ntoto yai kele buzoba na meso ya Nzambi, sambu bo me sonikaka nde: “Yandi ke kangaka bantu ya mayele na mayele na bo mosi ya mbi.”+ 20 Mpi diaka nde: “Yehowa* me zaba nde bangindu ya bantu ya mayele kele mpamba.”+ 21 Yo yina, ata muntu mosi ve kudikumisa sambu na mambu yina bantu ke sala; sambu bima yonso kele ya beno, 22 yo vanda Polo, Apolo, Sefasi,*+ nsi-ntoto, luzingu, lufwa, bima yina kele ntangu yai, to bima yina ta kwisa, bima yonso kele ya beno; 23 ebuna beno kele bantu ya Kristu;+ mpi Kristu kele muntu ya Nzambi.