Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Mayi 15

“Inki mvutu nge lenda pesa na ngyufula yai? [Tanga ngyufula yina kele na lutiti ya zulu. Na nima, bika muntu yango kupesa mvutu.] Biblia kepesa beto kikuma ya kuvanda ti kivuvu. [Tanga Matayo 6:​9, 10.] Zulunalu yai ketendula mutindu Kimfumu ya Nzambi tasala nde luzolo ya Nzambi kusalama awa na ntoto.”

Réveillez-vous! Mayi

“Keti nge keyindula nde Nzambi meyidikaka dezia na ntwala mambu ya beto kesalaka mpi mambu yina takumina beto na nsuka? [Bika muntu yango kupesa mvutu.] Na kutadila verse yai ya Biblia, Nzambi kepesaka bantu nzila ya kupona mutindu ya bo tazinga luzingu na bo. [Tanga Kulonga 30:19.] Disolo yai kemonisa mambu ya Biblia ketuba sambu na dyambu yai.” Songa disolo yina keyantika na lutiti 12.

Nzozulu ya Nkengi Yuni 1

“Bilumbu yonso beto kewaka bansangu ya bantu ya kesalaka mambu ya mbi. [Pesa mbandu mosi ya bantu ya teritware na beno mezaba.] Keti nge mekudiyulaka dezia kana kele ti ngolo mosi ya mbi ya kemonanaka ve mpi ya kepusaka bantu na kusala mambu? [Bika muntu yango kupesa mvutu. Na nima, tanga Kusonga 12:12.] Zulunalu yai kemonisa mutindu beto lenda kuditanina.”

Réveillez-vous! Yuni

“Mu kezola kuzaba mabanza na nge na mambu yina verse yai ketuba. [Tanga 1 Timoteo 6:10.] Keti nge keyindula nde bantu yina ketulaka mbongo ti kuzwa bima ya kinsuni na kisika ya ntete mpenza na luzingu na bo kemonaka mpenza mpasi sambu na yo? [Bika muntu yango kupesa mvutu.] Zulunalu yai ketendula malanda ya mbi ya kusosa bimvwama.”