Yibuka Nkento ya Loti

Sambu na nki nkento ya Loti talaka na nima ntangu bo vandaka kutina Sodome? Biblia me tuba yo ve. (Kuy 19:17, 26) Ntangu Yezu vandaka kupesa lukebisu yai, ziku nkento ya Loti vandaka kibeni ti mpusa ya bima na yandi ya kinsuni yina yandi bikisaka. (Luk 17:31, 32) Inki beto lenda sala sambu beto vidisa ve luzingu na beto bonso nkento ya Loti? Beto fwete bika ve nde bima ya kinsuni kubaka kisika ya ntete na luzingu na beto. (Mat 6:33) Yezu tubaka nde beto “lenda sala ve bonso bampika sambu na Nzambi mpi sambu na Kimvwama.” (Mat 6:24) Kansi nki beto fwete sala kana beto me mona nde bima ya kinsuni me yantika kubaka kisika ya ntete na luzingu na beto? Beto fwete samba Yehowa na kusadisa beto na kuzaba nki kisika beto lenda sala bansoba na luzingu mpi kikesa yina ta sadisa beto na kusala bansoba yango.

YIBUKA VIDEO YA BITINI TATU YIBUKA NKENTO YA LOTI, MPI PESA BAMVUTU NA BANGIUFULA YAI:

• 

  Inki mutindu nzala ya kuvanda ti mbongo mingi kumaka kuyala luzingu ya Gloria, mabanza, kutuba mpi bisalu na yandi?

• Sambu na nki disolo ya nkento ya Loti kele lukebisu sambu na beto bubu yai?

• Inki mutindu kusadila minsiku ya Biblia sadisaka Joe ti dibuta na yandi?

• Inki mutindu banduku ya Anna ya kisalu bebisaka kimpeve na yandi?

• Sambu na nki beto kele na mfunu ya kikesa kana bo ke pusa beto na kusosa ntete mbongo?

• Inki mutindu Brian ti Gloria vutukilaka kikalulu na bo ya kutula mambu ya kimpeve na kisika ya ntete?

• Inki minsiku ya Biblia me sadisa nge na video yai?