Yezaya

7 Na bilumbu ya Ahazi+ mwana ya Yotami mwana ya Uziya, ntotila ya Yuda, Resini ntotila ya Siria ti Peka+ mwana ya Remalia ntotila ya Izraele kwisaka kutombuka sambu na kunwanisa Yeruzalemi, kansi yandi* kukaka ve kubotula yo.+ 2 Bo songaka nzo ya Davidi nde: “Siria me vukisa basoda ti Efrayimi.”

Yo yina ntima ya Ahazi ti ntima ya bantu na yandi yantikaka kutekita, mutindu banti ya mfinda ke nikanaka na mupepe.

3 Ebuna Yehowa tubilaka Yezaya nde: “Basika kwenda kukutana ti Ahazi, nge ti mwana na nge ya bakala Sheare-yashubi,*+ na nsuka ya nzila* ya kiziba ya zulu+ yina ke nataka masa, pene-pene ya nzila ya nene ya kilanga ya muntu ya ke yobisaka bilele. 4 Nge fwete tubila yandi nde, ‘Vanda pima. Kuwa boma ve, mpi kulemba ve nitu sambu na bansimbulu zole yai ya kitini ya nti ya ke pia tiya, sambu na makasi ya ngolo ya Resini ti Siria mpi ya mwana ya Remalia.+ 5 Sambu Siria ti Efrayimi mpi mwana ya Remalia me kana kusala nge mbi mpi ke tuba nde: 6 “Beto tombuka sambu na kunwanisa Yuda, beto fwa yo* mpi beto bedisa yo,* ebuna beto tula mwana ya Tabeele ntotila+ na yo.”

7 “‘Yehowa Mfumu ya Kuluta Nene me tuba nde:

10 Yehowa tubilaka diaka Ahazi nde: 11 “Lomba kidimbu mosi na Yehowa Nzambi na nge;+ yo lenda vanda mudindu kibeni bonso Maziamu* to nda kibeni bonso zulu.” 12 Kansi Ahazi tubaka nde: “Mono ta lomba ve, mono ta meka mpi ve Yehowa.”

13 Ebuna Yezaya tubaka nde: “O nzo ya Davidi, beno wa. Keti yo me fwana ve mutindu beno ke meka kikalulu ya kukanga-ntima ya bantu? Keti beno fwete meka mpi kikalulu ya kukanga-ntima ya Nzambi?+ 14 Yo yina Yehowa ta pesa beno kidimbu: Tala! Mwana-nkento* ta baka divumu mpi ta buta mwana-bakala,+ mpi yandi ta pesa yandi zina Emanuele.*+ 15 Yandi ta dia manteka ti bwiki na ntangu yandi ta zaba mutindu ya kubuya mambu ya mbi mpi ya kusola mambu ya mbote. 16 Sambu na ntwala nde mwana-bakala kuzaba mutindu ya kubuya mambu ya mbi mpi ya kusola mambu ya mbote, bo ta yambula+ kibeni insi ya bantotila yina zole ya beno ke waka boma. 17 Yehowa ta natila nge ti bantu na nge ti nzo ya tata na nge ntangu mosi ya me salamaka ntete ve tuka kilumbu yina Efrayimi kabwanaka ti Yuda,+ sambu yandi ta nata ntotila ya Asiria.+

18 “Na kilumbu yina, Yehowa ta bula mwita sambu na kubinga banzinzi na bamasa ya fioti ya Nile ya Ezipte mpi baniosi na insi ya Asiria, 19 ebuna bo yonso ta kwisa mpi ta vanda na zulu ya miwanda ya nda, na zulu ya bampwasa yina kele na matadi, na zulu ya tu-banti yonso ya bansende, mpi na zulu ya bisika yonso ya masa.

20 “Na kilumbu yina, na nsadisa ya lutebu mosi ya bo me defa pene-pene ya Nzadi,* na nsadisa ya ntotila ya Asiria,+ Yehowa ta kulula ntu mpi mika ya makulu, ebuna yo ta katula mpi mandefo.

21 “Na kilumbu yina, muntu mosi ta bikisa na luzingu mwana-ngombe mosi ya kimvuka ya bangombe mpi mameme zole. 22 Sambu miliki* ta vanda mingi, yandi ta dia manteka; sambu konso muntu yina ke bikala na insi ta dia manteka ti bwiki.

23 “Na kilumbu yina, konso kisika yina banti ya vinu vandaka 1 000, yina vandaka na ntalu ya mbongo 1 000 ya bibende, yo ta vanda kaka ti tu-banti ya bansende ti matiti ya mbi. 24 Bantu ta kwenda kuna ti batolo-tolo mpi minduki ya batolo-tolo, sambu insi yonso ta kuma tu-banti ya bansende mpi matiti ya mbi. 25 Mpi bangumba yonso yina bo vandaka kukatula matiti ti nsengo, nge ta kwenda ve pene-pene sambu na boma ya tu-banti ya bansende ti matiti ya mbi; yo ta kuma kisika ya kudisa bangombe mpi ntoto yina mameme ta niataka.”