² Biblia ketuba kyeleka mosi ya muntu lenda buya ve ntangu yo ketuba nde: “Kana nge landa bantu ya mayele, nge ta kuma mpi mayele; kana nge landa bazoba, nge mpi ta kuma zoba.” (Bingana 13:20) Kingana yai ketubila ve bangwisana ya zulu-zulu. Ngogo “landa” ya bo mesadila na verse yai kepesa ngindu ya kinduku ya ngolo.a Ntangu yo ketubila verse yai, mukanda mosi ya ketendulaka Biblia ketuba nde: “Kulanda muntu mosi ketendula kuzola mpi kukangama ti yandi.” Keti nge kendima ve nde beto kevandaka ti kikalulu ya kulanda mbandu ya bantu yina beto kezolaka? Ya kyeleka, sambu beto kevandaka ti kinduku ya mawi ti bantu yina beto kezolaka, bo lenda wumba beto na mutindu ya mbote to ya mbi.