Әйүп

 3 Төбемнен шырағының жарығы түсіп тұратын,

Нұрының арқасында түнекте де жүре беретінмін+.

 4 Бұл менің өмірімнің ең жарқын кездері еді,

Құдай жақын досым ретінде шатырымда болушы еді+.

 5 Бұл Құдірет Иесі* менен бас тартпаған,

Балаларым да көз алдымда жүрген кез болатын.

 6 Аяғымды қаймаққа жуатынмын,

Мен үшін жартастардан зәйтүн майы ағып тұратын+.

 7 Шіркін, қала қақпасының алдына шығып+,

Алаңдағы орнымда отыратын кездерді айтсаңшы+!

 8 Мені көргенде, жастар жол беретін,

Тіпті қарттар да орындарынан түрегеліп тұратын+.

 9 Бекзадалар сөздерін тыйып,

Алақандарымен ауыздарын жабатын.

10 Беделді кісілердің үні шықпай,

Тілдері таңдайларына жабысып қалатын.

11 Сөзім құлағына жеткендер жылы лебізін білдіретін,

Өзімді көзімен көргендер қолпаштап сөйлейтін.

12 Өйткені мен көмекке зәру жарлыны,

Жетім мен қамқоршысы жоқ бейшараны қорғайтынмын+.

13 Пәледен аман қалған адам маған батасын беретін+;

Мен жесірді де қуанышқа бөлейтінмін+.

14 Әділдікті киім қылдым,

Әділеттікті үстіме шапан, басыма шалма етіп кидім.

15 Зағипқа көз,

Ақсаққа аяқ болдым.

17 Қылмыскердің жағын сындырып+,

Жемтігін аузынан жұлып алатынмын.

18 Өзіме былай дейтінмін: “Мен ұзақ жасап*,

Өз үйімде өлемін+.

19 Тереңдегі суларға дейін тамыр жаямын,

Бұтақтарымда түні бойы шық тұрады.

20 Атақ-даңқым еш өшпейді,

Қолымдағы садағым да үздіксіз ата береді”.

21 Жұрт мені ден қойып тыңдап,

Кеңес бергенімше үнсіз күтетін+.

22 Менің сөзімнен кейін ешкімнің алып-қосары болмайтын,

Өйткені айтқандарым құлақтарына майдай жағатын.

23 Олар мені жаңбырды күткендей күтетін,

Сөздерімді көктемгі жауынның суындай сіміретін+.

24 Күлімсірей қарасам, өз көздеріне өздері сенбейтін,

Жүзімдегі нұр оларға сенімділік беретін*.

25 Басшылары сияқты, жұртқа жол көрсеттім;

Мен жасақтарының арасындағы патшадай өмір сүрдім+,

Қайғырғандарға жұбаныш беретін адам іспетті болдым+.