Ишая

11 Есейдің діңгегінен өркен+ шығады+,

Тамырынан шыққан өскін+ жеміс береді.

 2 Оған Ехобаның рухы қонып+,

Даналық+ пен мол түсінік дарытады,

Ол керемет кеңесші, зор күш+ пен мол білім иесі болады,

Әрі Ехобаны барынша қастерлейтін болады.

Ол тек көргеніне сай төрелік етпейді,

Тек естігеніне сай түзетпейді+.

 4 Қайта, жарлыға әділ үкім шығарады,

Жердегі момындардың мүддесі үшін халықты турашылдықпен түзетеді.

Оның сөздері жер тұрғындары үшін таяқпен дүре соққандай болады+,

Зұлымдарды аузынан шыққан демімен жоқ қылады+.

 5 Әділдікті беліне белбеу етіп тағады,

Адалдықпен белін бекем буады+.

 6 Сонда қасқыр мен қозы тату-тәтті тұрады+,

Лақ қабыланмен бірге тынығады,

Бұзау мен арыстан, қоңды мал — бәрі бірге жүреді*+,

Оларды кішкентай бала бастап алып жүреді.

 7 Сиыр мен аю қатар жайылып,

Бұзаулары мен қонжықтары бірге тынығады.

 8 Емізулі бала кобра інінің қасында ойнайды,

Емшектен шығарылған бала улы жыланның ініне қолын тығады.

 9 Бүкіл киелі тауымда еш қиянат жасалмайды+,

Ештеңе қиратылмайды+.

Өйткені теңіздің суға толы болатынындай,

Жер беті Ехоба туралы білімге толады+.

Ұлттар содан басшылық іздейтін болады+,

Оның тынығатын орны даңққа бөленеді.

13 Ефремнің күншілдігі құрып жоғалады+,

Яһудамен жауласатындар жоқ болады.

Ефрем Яһуданы күндеуін қояды,

Яһуда да Ефреммен жауласпайтын болады+.

14 Қайта, екеуі бірге батыстағы філістірдің желкесіне* шүйлігеді;

Шығыс халқын талан-таражға салады.

Едом мен Моабқа қарсы қолдарын созады+,

Аммон оларға бағынышты болады+.

15 Ехоба Мысыр теңізінің шығанағын бөліп тастайды*+,

Евфратқа жұдырығын түйеді+.

Ыстық демімен оның жеті саласын ұрады да*,

Жұрт сандалдарын шешпей-ақ өтетіндей етеді.

16 Исраил елі Мысырдан шыққан күні болғандай,

Құдай халқының тамтығына Ассириядан шығатын+ даңғыл жол дайын тұрады+.