Зәбүр

37 Зұлымдарға қарап, бойыңды ыза,

Заңсыздық жасаушыларға қарап, қызғаныш билемесін+.

 2 Олар шөп сияқты жылдам солады+,

Көк шөптей лезде қурап қалады.

 3 Ехобаға сенім арт та, игілік жаса+,

Еліңде тұра бер, адалдықтан тайма+.

 4 Ехобадан зор қуаныш тап,

Сонда ол жүрек қалауыңды орындайды.

 5 Жолыңды Ехобаға тапсыр+,

Соған арқа сүйе, сонда ол сенің игілігің үшін әрекет етеді+.

 6 Ол әділдігіңді таң шапағындай,

Адалдығыңды тал түстегі күндей жарқыратады.

 7 Ехобаның алдында тіс жарма+,

Оны шыдаммен күт;

Өз пиғылын жүзеге асырып,

Табысқа жеткен адамды көргенде, ызаланба+.

 8 Ашуланба, қаһарланба да+,

Зұлымдыққа бармас үшін, ызаға бой алдырма*.

 9 Өйткені зұлымдар құрып кетеді+,

Ал Ехобаға үміт артатындар жерді мұра етеді+.

10 Көп ұзамай зұлымдар жоқ болады+,

Тұрған жерлеріне қарайсың,

Бірақ оларды еш таппайсың+.

11 Ал момындар жерді мұра етеді+,

Керемет тыныштық орнағанын көріп+, шаттыққа кенеледі.

12 Зұлым адам әділге қарсы зымияндық ойлайды+,

Оған тісін қайрайды.

13 Бірақ Ехоба оған күледі,

Өйткені оның құритын күні келетінін біледі+.

14 Қаналушы мен жарлыны құлату үшін,

Тура жолмен жүргендерді сұлату үшін,

Зұлымдар семсерін суырады, садағын иеді.

15 Бірақ семсерлері өз жүректеріне қадалады+,

Садақтары быт-шыт болып сынады.

16 Көп зұлымның мол дәулетінен

Бір әділдің азғана мал-мүлкі әлдеқайда артық+.

17 Себебі зұлымның қолы сынады,

Ал әділ жанды Ехоба қолдайды.

18 Ехоба кінәратсыздардың өмір жолын біледі,

Олардың мұралы иелігі мәңгі сақталады+.

19 Қиын-қыстау кезеңде олар ұятқа қалмайды,

Жұт кезінде оларда молшылық болады.

20 Ал зұлымдар құрып кетеді+,

Ехобаның жаулары жайлаудың шүйгін шөбіндей солады,

Түтіндей лезде ғайып болады.

21 Зұлым адам қарыз алады да, қайтарып бермейді,

Ал әділ жан жомарт* әрі береген келеді+.

22 Құдайдың батасына ие болғандар жерді мұра етеді,

Ал оның қарғысына ұшырағандар құрып кетеді+.

23 Ехоба адамның жүрген жолын ұнатса+,

Оның қадамына бағыт береді+.

24 Мұндай адам жығылса да, омақаса құламайды+,

Өйткені Ехоба оны қолынан демеп, қолдайды+.

25 Кезінде мен жас болдым, енді қартайдым,

Бірақ Құдайдың әділді тастап кеткенін+

26 Әділ адам әрдайым қарызға береді+,

Балалары да батаға кенеледі.

27 Жамандықтан қашық, жақсылыққа асық бол+,

Сонда мәңгі өмір сүресің.

28 Себебі Ехоба әділдікті сүйеді,

Адал қызметшілерін ешқашан тастамайды+.

Оларды әрқашан қорғап жүреді+,

Ал зұлымның ұрпағы құрып кетеді+.

29 Әділдер* жерді мұра етеді+,

Онда мәңгі бақи өмір сүреді+.

30 Әділдің аузынан даналық шығады,

Тілімен әділдік туралы айтады+.

31 Ол Құдай заңын жүрегінде сақтайды+,

Жүргенде, аяғы еш таймайды+.

32 Зұлым әділді аңдиды,

Оның көзін құртудың жолын іздейді.

33 Бірақ Ехоба әділді оның қолына бермейді+,

Сотта да, оны айыпты көрмейді+.

34 Ехобаға үміт артып, оның жолымен жүр,

Сонда ол мерейіңді өсіріп, жерді мұраға береді.

35 Мен қатыгез, зұлым адамды көрдім,

Ол өз жерінде жайқалып өскен ағашқа ұқсайтын+.

36 Бірақ ол кенеттен құрып кетті, ғайып болды+,

Оны қанша іздесем де, таба алмадым+.

37 Кіршіксіз жанды бақыла, әділден+ көз жазба,

Себебі мұндай адамды алда тыныштық күтіп тұр+.

38 Ал заңсыздық жасаушылар түгелдей жойылады,

Зұлымдардың болашағына балта шабылады+.

39 Әділдерді Ехоба құтқарады+,

Ол — әділдердің қиын кездегі берік қамалы+.

40 Ехоба көмекке келіп, оларға азаттық сыйлайды+,

Зұлымның қолынан құтқарып, аман алып қалады,

Өйткені әділдер оны паналайды+.