Нақыл сөздер

7 Балам, айтқандарыма құлақ ас,

Өсиеттерімді* қазынадай сақта+.

 2 Өсиеттерімді орындап, ұзақ ғұмыр кеш+,

Тәлімімді* көзіңнің қарашығындай сақта.

 3 Оларды саусақтарыңа байлап,

Жүрегіңе* жазып қой+.

 4 Даналыққа: “Әпкемсің”,— де,

Ал түсінікті “туысым” деп ата.

 5 Олар сені қорғайды бұзылған әйелден+,

Азғын әйел мен оның майда тілінен+.

 6 Бірде үйімнің терезесінен,

Тор көзінен төмен қарадым.

 7 Аңғал* жастарды бақылап тұрып,

Арасынан парықсыз* бір жігітті байқадым+.

 8 Ол әйел тұратын көшенің бұрышынан өтіп,

Оның үйіне апаратын жолға түсті.

 9 Бұл күн батып, ымырт түсіп+,

Айнала қараңғы бола бастаған мезгіл еді.

10 Сонда жігіттің алдынан әйел шықты,

Жезөкшедей киінген+, жүрегі қулық-сұмдыққа толы.

11 Ол даурықпа әрі өрескел+,

Үйінде еш тұрмайды.

12 Бірде көшеде, бірде алаңда жүреді,

Әр бұрышта аңдып тұрады+.

13 Әйел жігітті ұстай алып, сүйді де,

Шімірікпей оған былай деді:

14 “Татулық құрбандығын ұсынуым керек еді+,

Серттерімді бүгін түгел орындадым.

15 Сондықтан да алдыңнан шықтым,

Өзіңді іздеп, міне, тауып алдым!

18 Жүр, таң атқанша махаббат ләззатымен сусындайық,

Құмарымызды бір қандырайық.

19 Күйеуім жоқ үйде,

Кетіп қалған алыс сапарға.

20 Ақша салған қалтасын алып кеткен,

Қайтып келмес ай толғанша”.

21 Әйел жігітті иландырып+, адастырды,

Майда тілімен оны еліктірді.

22 Сонда жігіт әйелге еріп жүре берді

Сойылуға бара жатқан бұқадай,

Бұғауланып, жазаланатын ақымақтай+.

Торға зымырай ұшқан құстай

Өмірімен қоштасарын ұқпады+.

24 Сонымен, балаларым, мені тыңдаңдар,

Айтқандарыма назар аударыңдар.

25 Жүректеріңді ондай әйелдің жолына бұрмаңдар,

Адасып, оның соқпағына түспеңдер+.

26 Ол көп адамның түбіне жеткен+,

Талайлар оның қолынан өлген+.

27 Оның үйі көрге* апарады,

Мәйіттер жатқан жерге түсіреді.