Зәбүр

72 Уа, Құдай, патшаға шешімдеріңе сай төрелік етуді үйретші,

Патша ұлына әділдігіңді сыйлашы+.

 2 Ол халқыңның ісін әділдікпен жүргізіп,

Бейшара жандарыңды әділеттікке сай қорғасын+.

 3 Халыққа таулар тыныштық,

Қыраттар әділдік әкелсін.

 4 Патша елдегі бейшараларды қорғасын,

Балаларын да аман сақтасын,

Ал қанаушылардың көзін құртсын+.

 5 Уа, Құдай, олар сенен қорқатын болады,

Күн нұрын шашып, аспанда ай тұрған кездің бәрінде —

Ұрпақтан ұрпаққа — солай болады+.

 6 Патша шөбі орылған шабындыққа жауған жаңбырдай,

Жерді суаратын нөсердей болады+.

 7 Оның заманында әділ жан өркендейді+,

Аспанда ай тұрған кездің бәрінде шартарапта тыныштық болады+.

 8 Ол теңізден теңізге дейін,

Евфраттан жердің шетіне дейін билік құрады+.

 9 Шөл даланың тұрғындары оған бас ұрады,

Жаулары топырақ жалайтын болады+.

10 Тарсис пен аралдардың патшалары оған алым төлейді+,

Шеба мен Себа патшалары сый-тартулар әкеледі+.

11 Оның алдында күллі патшалар бас иеді,

Күллі халықтар қызмет етеді.

13 Бейшара мен кедейге жаны ашиды,

Жарлылардың өмірін аман сақтайды.

Жұрт ол үшін ұдайы дұға ете берсін,

Күн сайын оған бата берілсін.

16 Жер бетіне астық мол шығады+,

Таулардың басында да ағыл-тегіл болады.

Патшаның егіні Ливан орманындай жайқалады+,

Қалалардағы халық жер бетіндегі шөптей көп болады+.

17 Оның есімі мәңгі бақи өшпесін+,

Күн нұрын шашып тұрған кездің бәрінде даңқы арта берсін.

Патша арқылы халық батаға ие болсын+;

Ұлттардың бәрі оны бақытты деп жар салсын.

18 Керемет істер жасайтын жалғыз Құдай+ —

Исраилдің Құдайы Ехоба мадақталсын+!

19 Оның ұлы есімі мәңгі дәріптелсін+,

Оның салтанаты жержүзін толтырсын+.