Нақыл сөздер

 2 Саған не айтсам екен, балам,

Құрсағымнан шыққан ұлым,

Ант беріп тапқан балам+?

 3 Күш-қайратыңды әйелдерге жұмсама+,

Патшаларды күйрететін жолға түспе+.

 4 Уа, Лемуел, лайық емес патшаларға,

Жараспас патшаларға шарап ішу,

Билеушілерге “Ішімдік қайда?” деп айту+.

 5 Әйтпесе олар ішіп алып, заңды ұмытар,

Бейшаралардың құқығын таптар.

 6 Ішімдікті өлім аузында жатқандарға+,

Шарапты жаны күйзелгендерге бер+.

 7 Олар ішіп, жоқшылығын ұмытсын,

Қайғы-қасіретін есіне алмасын.

 8 Үндей алмайтындарды жақтап сөйле,

Өмірі қыл үстінде тұрғандардың құқығын қорға+.

 9 Сөзін сөйлеп, әділ сотта,

Бейшара мен кедейлердің мүддесін қорға+.

11 Күйеуі оған толықтай сенім артады,

Ешқандай игіліктен құр қалмайды.

12 Өмір бойы күйеуіне оның жасары

Жамандық емес, жақсылық қана болады.

13 Ол жүн мен зығыр тауып келеді,

Өз қолымен қуана еңбек етеді+.

14 Сауда кемелері сияқты+,

Азық-түлігін алыстан тасиды.

15 Таң атпай ерте тұрады,

Үй ішін тамақтандырады.

16 Танапты мұқият таңдап, сатып алады,

Еңбектеніп* жүзімдік отырғызады.

17 Ауыр жұмысқа белін бекем буады+,

Білек сыбанып кіріседі.

18 Саудасының жүріп жатқанын көреді,

Шамы да түнде сөнбейді.

19 Ұршығын қолына алады,

Иірген жібін білікке орайды+.

20 Мүсәпірлерге оның алақаны кең,

Кедей-кепшікке қолы ашық+.

21 Қар түскенде ол үй ішін уайымдамайды,

Өйткені бәріне жылы* киім кигізеді.

22 Төсегіне жапқыш жасайды,

Зығыр мата мен күлгін жүннен киім киеді.

23 Күйеуі оның танымал қала қақпасында+,

Отырады ел ақсақалдарының арасында.

24 Ол зығыр матадан киім тігіп, сатады,

Белбеу жасап, саудагерлерге өткізеді.

25 Ол күш пен салтанатқа бөленеді,

Болашаққа сеніммен қарайды.

26 Аузынан даналық шығады+,

Тілінде мейірімділік заңы* бар.

27 Үй шаруасын мұқият бақылайды,

Жалқаулық дегенді білмейді+.

28 Балалары тұрып, аналарын бақытты дейді,

Күйеуі де оны мақтайды:

29 “Жақсы* әйелдер көп-ақ,

Бірақ сен бәрінен де асып түстің”.

30 Әсемдік алдамшы, өткінші сұлулық та+,

Ал Ехобадан қорқатын әйел лайық мақтауға+.

31 Беріңдер оған бейнетінің зейнетін+,

Істері үшін қақпа алдында мадақталсын+.