Ишая

Оған рухымды қондырамын+,

Қызметшім халықтарға әділдікті паш етеді+.

 2 Ол айқайламайды, дауыс көтеріп сөйлемейді,

Көшелерде де даусы естілмейді+.

 3 Майысқан қамысты сындырмайды,

Қоңырси жанған білтені де сөндірмейді+.

 4 Жер бетінде әділдік орнатпайынша, еш шаршамайды, талмайды+;

Аралдар оның нұсқауын күтумен болады.

 5 Көкті жаратып, матадай жайып жіберген+,

Жерді қалыптастырып, өнім бергізген+,

Адам баласына тіршілік лебін үрлеген+,

Жер басып жүргендерге өмір берген

Шынайы Құдай Ехоба+ былай дейді:

 6 “Мен, Ехоба, әділдігіме сай, сені шақырдым,

Қолыңнан мықтап ұстадым.

Мен сені қорғаймын, әрі халықтар үшін келісім+,

Ұлттар үшін жарық етіп беремін+.

 7 Сен соқырлардың көзін ашасың+,

Тұтқынды зынданнан алып шығасың,

Қараңғы қапастағыларды босатасың+.

Ұлылығымды ешкімге бермеймін,

Даңқымды пұттармен бөліспеймін+!

10 Теңізшілер мен саудагерлер,

Аралдар мен олардың тұрғындары+,

Ехобаға жаңа ән шырқаңдар+!

11 Шөл дала мен ондағы қалалар да,

Кедардың+ елді мекендері де дауыстасын+.

Жартасты жердің тұрғындары қуана айғайласын,

Тау бастарынан дауыстасын.

12 Ехобаны дәріптесін,

Аралдарда оның ұлылығын жария етсін+.

13 Ехоба батырдай аттанады+,

Сарбаздай құлшынып шығады+.

Ол айқайлайды, иә, ұран салады,

Жауларынан мықты екенін көрсетеді+.

14 Мен ұзақ уақыт бойы тіс жармадым,

Үндеместен сабыр сақтадым.

Ал енді толғақ қысқан әйелдей ыңыранамын,

Ентіге әзер демаламын.

15 Тау-төбелерді бос қалдырамын,

Өсімдік атаулыны қуратамын.

Өзендерді аралдарға айналдырамын,

Қамысты көлдерді кептіремін+.

16 Соқырларды өздері білмейтін жолмен жетелеймін+,

Бейтаныс жолдармен алып жүремін+.

Алдарындағы түнекті жарыққа айналдырамын+,

Ойлы-қырлы жерлерді жазық қыламын+.

17 Пұттарға сенім артатындар,

Темір мүсіндерге “Құдайымыз сендерсіңдер!” дейтіндер

Кері шегінеді, әбден масқара болады+.

19 Менің қызметшімдей соқыр,

Мен жіберген хабаршыдай саңырау бар ма?

20 Сен көп нәрсені көресің, бірақ ден қоймайсың,

Құлағың ашық, бірақ тыңдамайсың+.

22 Алайда бұл халық тоналды, талан-таражға салынды+,

Барлығы шұңқырға тасталды, түрмеге жабылды+.

Олар тоналды, бірақ құтқаратын ешкім болмады+,

Талан-таражға салынды, бірақ “Кері қайтарыңдар!” дейтін ешкім табылмады.

24 Жақыпты талан-таражға салдырған,

Исраилді тонаушылардың қолына берген кім?

Халық оған қарсы күнә жасады,

Жолдарымен жүруден бас тартты,

Заңдарына мойынсұнбады+.

25 Сондықтан Құдай оларға қаһарланды,

Ашуын төкті, сұрапыл соғыс жіберді+.