Зәбүр

103 Жаным Ехобаны мадақтасын,

Тұла бойым киелі есімін даңқтасын!

 2 Жаным Ехобаны мадақтасын,

Оның жасаған ешбір ісін ұмытпасын+!

 3 Ол барлық күнәмді кешіреді+,

Дертімнің бәрінен айықтырады+.

 4 Өмірімді көрден қайтарып алып+,

Айнымас сүйіспеншілігі мен мейірімін тәж етіп кигізеді+.

 5 Бүкіл ғұмырымды игілікке толтырады+,

Қырандай қайта түлетіп, жасартады+.

 6 Қысым көргендердің мүддесі үшін

Ехоба әділ+ де әділетті әрекет етеді+.

 7 Ол Мұсаға өз жолдарын көрсетті+,

Исраил ұлдарына істерін паш етті+.

 8 Ехоба мейірімді де жанашыр+,

Ашулануға асықпайды, айнымас сүйіспеншілігі мол+.

 9 Ол қателікті жіпке тізбейді+,

Мәңгі ашулана да бермейді+.

10 Бізді күнәларымызға қарап жазаламайды+,

Есемізді де заңсыздығымызға сай қайтармайды+.

11 Себебі көк жерден қанша жоғары болса,

Оның өзінен қорқатындарға деген айнымас сүйіспеншілігі де сонша зор+.

12 Шығыс батыстан қанша қашық болса,

Ол бізден қылмыстарымызды сонша қашықтатты+.

13 Әкенің ұлдарына мейірімін түсіретініндей,

Ехоба да өзінен қорқатындарға мейірімін төгеді+.

14 Өйткені ол біздің неден жаратылғанымызды жақсы біледі+,

Топырақ екеніміз оның есінде+.

15 Пенденің күндері шөптікіне ұқсайды+,

Ол дала гүліндей лезде шешек атады+.

16 Ал жел тұрғанда, ғайып болады,

Ешқашан болмағандай құрып жоғалады.

17 Ехоба өзінен қорқатындарға

Мәңгі бақи айнымас сүйіспеншілік танытады+,

Ал олардың балаларының балаларына+,

18 Өзінің келісімін ұстанатындарға+,

Нұсқауларын орындауға бел буғандарға әділдік танытады.

19 Ехоба көкте өз тағын берік орнатты+,

Ол бәрінің үстінен патшалық құрады+.

20 Ехобаның даусына құлақ асатын, айтқан сөзін іске асыратын

Құдіреті зор періштелері+, оны мадақтаңдар!

21 Ехобаның күллі әскері,

Еркін орындап жүрген қызметшілері+, оны мадақтаңдар+!

22 Билігі орнаған жердің бәріндегі Ехобаның күллі істері,

Сендер де оны мадақтаңдар!