² Періште Езекиелге өзеннің Өлі теңізге барып құятынын айтты. Өзеннің суы аққан жердің бәрінде теңіздің тұзды суы тұщыланып, іші балыққа толды. Ал өзеннің жағасын бойлай әртүрлі мәуелі ағаштар өсіп тұрды. Олар ай сайын нәрлі жеміс беретін, ал жапырақтары сауықтыратын. Бұл көргендерінің бәрі Езекиелдің жүрегінде үміт отын жағып, жанын жайландырды. Ғибадатхана жайлы аянның өзен жайлы осы тұсы пайғамбардың өзі үшін және оның жер аударылған басқа бауырлары үшін нені білдірді? Ал біз үшін оның мәні қандай?

 6. а) Аянның астарында қандай уәде жатты? ә) Аянның ескерту боларлық қандай тұсы болды? (Сілтемені де қараңыз.)

⁶ Тіршілік дарытатын су. Езекиелдің аянында өзен Өлі теңізге құйып, оның көп бөлігін қалпына келтірген. Соның арқасында бұл теңізде Ұлы теңіздегідей, яғни Жерорта теңізіндегідей неше түрлі балықтар пайда болған. Сол жерде тіпті балық шаруашылығы дамыған. Бұл шаруашылық Өлі теңіздің жағасындағы бір-бірінен біршама алшақ жатқан екі қаланың арасын алып жатқан. Аянда періште Езекиелге: “Өзен суы аққан жердің бәрінде тіршілік пайда болады”,— деген. Сонда бұл Ехобаның үйінен аққан су Өлі теңіздің барлық жеріне ағып баратынын білдірген бе? Жоқ. Періште тіршілік дарытатын өзен теңіздің шалшықты жерлеріне ақпайтынын айтқан. Ол жерлер “тұзды болып жата бермек” едіb (Езек. 47:8—11). Сонымен, аянның астарында мынадай уәде жатты: таза ғибадат халықты өркендетіп, қалпына келтірмек еді. Алайда аянның ескерту боларлық тұсы да болды: Ехобаның батасын бәрі бірдей қабылдап, бәрі бірдей сауықпайды.

ЕЖЕЛДЕ: Мойынсұнғыш халқының саны көбейген сайын Ехоба батасын молынан төгіп, оларды рухани жағынан өркендетті.

БІЗДІҢ ЗАМАНЫМЫЗДА: Рухани жұмақтағы саны күн санап артқан адамдарға Ехоба рухани батасын молынан төгуде және рухани мағынада оларға өмір дарытуда.

БОЛАШАҚТА: Армагеддоннан аман өтетіндерге қайта тірілетін миллиардтаған адам қосылады. Ехобаның баталары олардың бәріне жететіндей мол болады.

12. а) Шындық хабары адамдарға қалай әсер етуде? ә) Аянның қазіргі уақытта біз үшін ескерту боларлық қандай тұсы бар? (Сілтемені де қараңыз.)

¹² Тіршілік дарытатын су. Аянда періште: “Өзен суы аққан жердің бәрінде тіршілік пайда болады”,— деген. Қалпына келген рухани мекенімізге қоныс тепкендердің бәріне шындық хабары қалай әсер еткені жайлы ойлап көріңізші. Киелі кітаптағы шындықтар миллиондаған ақжүрек жандарға өмір дарытты әрі рухани денсаулықтарын нығайтуға көмектесті. Алайда аянның қазіргі уақытта ескерту боларлық тұсы да бар: Өлі теңіздің батпақты, шалшықты жерлері болғанындай, шындықты бағаламай кетіп, оны өмірде қолданудан қалатын адамдар да боладыc. Солардың арасында біз де болып жүрмейік! (Мұсаның 5-жазбасы 10:16—18 оқыңыз).