បណ្ណាល័យអ៊ីនធឺណិតរបស់ប៉មយាម

ច្បាប់លេវី ២៦:៦

គម្ពីរបរិសុទ្ធសេចក្ដីបកប្រែពិភពលោកថ្មី
- ៦ ខ្ញុំនឹងធ្វើឲ្យស្រុករបស់អ្នករាល់គ្នាមានសុខសន្តិភាព+ ហើយនឹងគ្មានអ្នកណាមកធ្វើឲ្យអ្នករាល់គ្នាភ័យខ្លាចទេ។+ ខ្ញុំនឹងបណ្ដេញសត្វសាហាវទាំងឡាយចេញពីស្រុកនោះ។ គ្មានអ្នកណាលើកដាវច្បាំងនឹងអ្នករាល់គ្នាឡើយ។

អេសាយ ១១:៦-៩

គម្ពីរបរិសុទ្ធសេចក្ដីបកប្រែពិភពលោកថ្មី
- ៦ នៅគ្រានោះ ឆ្កែចចកនឹងនៅ*ជាមួយនឹងកូនចៀម+
  ឯពពែស្ទាវនឹងដេកជាមួយនឹងខ្លារខិន
  ចំណែកកូនគោនិងតោ ព្រមទាំងសត្វធាត់ៗនឹងនៅជាមួយគ្នា*+
  ហើយកូនក្មេងនឹងនាំមុខពួកវា។
  
  ៧ គោញីនិងខ្លាឃ្មុំនឹងស៊ីចំណីជាមួយគ្នា ហើយកូនៗវានឹងដេកជាមួយគ្នាដែរ។
  
  តោនឹងស៊ីចំបើងដូចជាគោវិញ។+
  
  ៨ កូនដែលនៅបៅ នឹងលេងនៅក្បែររន្ធពស់វែក
  ឯកូនដែលលែងបៅ នឹងដាក់ដៃក្នុងរូងពស់មានពិស។
  
  ៩ ពួកវានឹងមិនធ្វើទុក្ខ+ ឬបង្កគ្រោះថ្នាក់អ្វីនៅលើភ្នំបរិសុទ្ធរបស់ខ្ញុំឡើយ+
  ព្រោះផែនដីនឹងពេញទៅដោយចំណេះរបស់ព្រះយេហូវ៉ា
  ដូចជាទឹកពេញពាសសមុទ្រដែរ។+

អេសាយ ៣៥:៩

គម្ពីរបរិសុទ្ធសេចក្ដីបកប្រែពិភពលោកថ្មី
- ៩ លើផ្លូវនោះនឹងគ្មានសត្វតោ ឬសត្វសាហាវឆ្លងកាត់ទេ
  គឺគ្មានពួកវាទាល់តែសោះ+
  មានតែអស់អ្នកដែលបានត្រូវលោះប៉ុណ្ណោះ ដែលនឹងដើរលើផ្លូវនោះ។+

អេសាយ ៦៥:២៥

គម្ពីរបរិសុទ្ធសេចក្ដីបកប្រែពិភពលោកថ្មី
- ២៥ ពេលនោះ ឆ្កែចចកនិងកូនចៀមនឹងស៊ីចំណីជាមួយគ្នា
  ហើយតោនឹងស៊ីចំបើងដូចគោដែរ។+
  
  សត្វពស់នឹងស៊ីដីជាអាហារ។
  
  ពួកវានឹងមិនធ្វើទុក្ខឬនាំឲ្យមានការហិនវិនាសនៅលើភ្នំបរិសុទ្ធរបស់ខ្ញុំឡើយ»។+ នេះជាប្រសាសន៍របស់ព្រះយេហូវ៉ា។

ហូសេ ២:១៨

គម្ពីរបរិសុទ្ធសេចក្ដីបកប្រែពិភពលោកថ្មី
- ១៨ ខ្ញុំនឹងធ្វើកិច្ចព្រមព្រៀងដើម្បីជាប្រយោជន៍ដល់រាស្ត្រខ្ញុំ គឺធ្វើកិច្ចព្រមព្រៀងជាមួយនឹងសត្វព្រៃនៅឯវាល+
  ព្រមទាំងជាមួយនឹងសត្វស្លាបនៅលើមេឃនិងសត្វលូនវារនៅលើដី។+
  
  ខ្ញុំនឹងបំបាត់ចោល ធ្នូ ដាវ និងសង្គ្រាមឲ្យអស់ពីក្នុងស្រុក+
  ហើយខ្ញុំនឹងឲ្យរាស្ត្រខ្ញុំរស់នៅដោយសុខសាន្ត។+