-
តើជីវិតដំបូងកើតមកពីណា?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៣. តើអ្វីធ្វើឲ្យមនុស្សខុសគ្នាពីសត្វ?
បន្ទាប់ពីព្រះយេហូវ៉ាបានបង្កើតផែនដី លោកបង្កើតរុក្ខជាតិនិងសត្វ។ រួចមក«ព្រះបានបង្កើតមនុស្សឲ្យមានភាពដូចលោក»។ (សូមអាន ដើមកំណើត ១:២៧) តើអ្វីធ្វើឲ្យមនុស្សខុសគ្នាពីសត្វ? ដោយសារព្រះបានបង្កើតយើងឲ្យមានលក្ខណៈដូចលោក ដូច្នេះយើងអាចបង្ហាញគុណសម្បត្តិដូចលោក ដូចជាសេចក្ដីស្រឡាញ់និងយុត្តិធម៌។ លោកក៏បានបង្កើតយើងឲ្យមានសមត្ថភាពរៀនភាសា ឲ្យចូលចិត្តរបស់ស្អាតៗនិងតន្ត្រី។ ម្យ៉ាងទៀត យើងចេះគោរពស្រឡាញ់ព្រះដែលជាអ្នកបង្កើត ប៉ុន្តែសត្វមិនចេះធ្វើដូច្នេះទេ។
-
-
តើជីវិតដំបូងកើតមកពីណា?សប្បាយនឹងជីវិតដែលគ្មានទីបញ្ចប់! អញ្ជើញទទួលប្រយោជន៍ពីការរៀនគម្ពីរ
-
-
៥. កំណត់ហេតុក្នុងគម្ពីរអំពីការបង្កើតគឺគួរឲ្យជឿជាក់
ក្នុងសៀវភៅដើមកំណើត ជំពូកទី១ គម្ពីររៀបរាប់អំពីការបង្កើតផែនដីនិងជីវិតទាំងឡាយ។ តើអ្នកជឿថាកំណត់ហេតុនោះជារឿងពិត ឬជារឿងប្រឌិត? លេងវីដេអូ រួចពិភាក្សាសំណួរដូចតទៅ៖
តើគម្ពីរបង្រៀនថាផែនដីនិងជីវិតទាំងឡាយបានត្រូវបង្កើតមកក្នុងរយៈពេល៦ថ្ងៃ ដែលក្នុងមួយថ្ងៃមាន២៤ម៉ោងឬ?
តើអ្នកគិតថាកំណត់ហេតុក្នុងគម្ពីរអំពីការបង្កើតគឺសមហេតុសមផលឬទេ? ហេតុអ្វី?
សូមអាន ដើមកំណើត ១:១ រួចពិភាក្សាសំណួរនេះ៖
អ្នកវិទ្យាសាស្ត្រនិយាយថាសកលលោកមានទីចាប់ផ្ដើម។ ដូច្នេះ តើអ្វីដែលអ្នកទើបនឹងអានក្នុងគម្ពីរស្របគ្នានឹងការសន្និដ្ឋានរបស់ពួកគេឬទេ?
មនុស្សខ្លះសួរថា៖ «តើព្រះបានបង្កើតភាវរស់តូចមួយ រួចឲ្យវាវិវត្តន៍ទៅជាជីវិតទាំងឡាយនៅផែនដីឬ?»។ សូមអាន ដើមកំណើត ១:២១, ២៥, ២៧ រួចពិភាក្សាសំណួរនេះ៖
តើគម្ពីរបង្រៀនថាព្រះបានបង្កើតភាវរស់តូចមួយ រួចឲ្យវាវិវត្តន៍ទៅជាសត្វក្នុងទឹក សត្វលើគោក និងទៅជាមនុស្សឬទេ? ឬក៏លោកបង្កើតជីវិតទាំងអស់«តាមពូជ»វិញ?
-