ಕೀರ್ತನೆ

 2 ಬೆಳಿಗ್ಗೆ ನಿನ್ನ ಶಾಶ್ವತ ಪ್ರೀತಿಯನ್ನ,+

ರಾತ್ರಿ ನಿನ್ನ ನಂಬಿಗಸ್ತಿಕೆಯನ್ನ ಹೇಳೋದು ಒಳ್ಳೇದು.

 3 ಹತ್ತು ತಂತಿಗಳಿರೋ ತಂತಿವಾದ್ಯದ ಜೊತೆ,

ವೀಣೆಯ ಮಧುರ ಸಂಗೀತದ ಜೊತೆ ಸ್ತುತಿಸೋದು ಒಳ್ಳೇದು.+

 4 ಯಾಕಂದ್ರೆ ಯೆಹೋವನೇ, ನಿನ್ನ ಕೆಲಸಗಳಿಂದ ನನ್ನನ್ನ ಖುಷಿಪಡಿಸಿದ್ದೀಯ,

ಆ ಕೆಲಸಗಳನ್ನ ನೋಡಿ ಸಂಭ್ರಮದಿಂದ ನಾನು ಜೈಕಾರ ಹಾಕ್ತೀನಿ.

 6 ವಿವೇಕ ಇಲ್ಲದವನು ಅವುಗಳನ್ನ ತಿಳ್ಕೊಳ್ಳೋಕೆ ಆಗಲ್ಲ,

ಯಾವ ಮೂರ್ಖನೂ ಈ ವಿಷ್ಯನ ಅರ್ಥಮಾಡ್ಕೊಳ್ಳೋಕೆ ಆಗಲ್ಲ.+

 7 ದುಷ್ಟ ಕಳೆಗಳ ಹಾಗೆ* ಮೊಳಕೆ ಒಡೆಯೋದೂ

ತಪ್ಪು ಮಾಡೋರೆಲ್ಲ ಚೆನ್ನಾಗಿ ಬೆಳೆಯೋದೂ

ಶಾಶ್ವತವಾಗಿ ನಾಶ ಆಗೋಕೇ.+

 9 ಯೆಹೋವನೇ, ನೀನು ನಿನ್ನ ಶತ್ರುಗಳ ಸೋಲನ್ನ ನೋಡು,

ಅವರು ಹೇಗೆ ನಾಶವಾಗಿ ಹೋಗ್ತಾರೆ ಅಂತ ನೋಡು,

ತಪ್ಪು ಮಾಡೋರೆಲ್ಲ ಚೆಲ್ಲಾಪಿಲ್ಲಿ ಆಗ್ತಾರೆ.+

10 ಆದ್ರೆ ನೀನು ನನಗೆ ಜಾಸ್ತಿ ಬಲ ಕೊಟ್ಟು ನನ್ನಲ್ಲಿ ಕಾಡುಕೋಣದ ಶಕ್ತಿಯನ್ನ ತುಂಬ್ತೀಯ,

ತಾಜಾ ಎಣ್ಣೆಯನ್ನ ತ್ವಚೆಗೆ ಹಚ್ಕೊಂಡು ಚೈತನ್ಯ ಪಡ್ಕೊತೀನಿ.+

11 ನನ್ನ ಶತ್ರುಗಳ ಸೋಲನ್ನ ನನ್ನ ಕಣ್ಣು ನೋಡುತ್ತೆ,+

ನನ್ನ ಮೇಲೆ ಆಕ್ರಮಣಮಾಡೋ ದುಷ್ಟಜನ್ರು ಬಿದ್ದುಹೋಗೋದನ್ನ ನನ್ನ ಕಿವಿ ಕೇಳಿಸ್ಕೊಳ್ಳುತ್ತೆ.

12 ಆದ್ರೆ ನೀತಿವಂತರು ಖರ್ಜೂರದ ಮರದ ತರ ಚೆನ್ನಾಗಿ ಬೆಳೀತಾರೆ

ಲೆಬನೋನಿನ ದೇವದಾರು ಮರದ ತರ ದೊಡ್ಡದಾಗಿ ಬೆಳೀತಾರೆ.+

13 ಅವರು ಯೆಹೋವನ ಆಲಯದಲ್ಲಿ ಇದ್ದಾರೆ,

ನಮ್ಮ ದೇವರ ಅಂಗಳದಲ್ಲಿ ಅವರು ವೃದ್ಧಿಯಾಗ್ತಾರೆ.+

14 ಅವರು ಮುದುಕರಾದ್ರೂ ಫಲ ಕೊಡ್ತಾ ಇರ್ತಾರೆ,+

ಅವ್ರಲ್ಲಿ ಹುರುಪು,* ಹೊಸತನ ಹಾಗೇ ಇರುತ್ತೆ.+