ಹೋಶೇಯ

13 “ಎಫ್ರಾಯೀಮ್‌ ಮಾತಾಡಿದಾಗ ಜನ ನಡುಗಿದ್ರು,

ಅವನು ಇಸ್ರಾಯೇಲಲ್ಲಿ ಪ್ರಮುಖನಾಗಿದ್ದ.+

 2 ಈಗ ಅವರು ಇನ್ನೂ ಹೆಚ್ಚು ಪಾಪ ಮಾಡ್ತಿದ್ದಾರೆ,

ತಮ್ಮ ಬೆಳ್ಳಿಯ ಮೂರ್ತಿಗಳನ್ನ ಮಾಡ್ತಿದ್ದಾರೆ,+

ಅವರು ಕೌಶಲದಿಂದ ಮೂರ್ತಿಗಳನ್ನ ಮಾಡ್ತಿದ್ದಾರೆ. ಅವೆಲ್ಲ ಕರಕುಶಲಗಾರರ ಕೈಕೆಲಸನೇ.

 3 ಹಾಗಾಗಿ ಅವರು ಬೆಳಿಗ್ಗೆಯ ಮೋಡದ ತರನೂ

ಬೇಗ ಕರಗಿ ಹೋಗೋ ಇಬ್ಬನಿ ತರನೂ

ಬಿರುಗಾಳಿ ಕಣದಿಂದ ಬಡ್ಕೊಂಡು ಹೋಗೋ ಹೊಟ್ಟಿನ ತರಾನೂ

ಹೊಗೆ ಕೊಳವೆಯಿಂದ ಬರೋ ಹೊಗೆ ತರನೂ ಇರ್ತಾರೆ.

 4 ಆದ್ರೆ ನೀನು ಈಜಿಪ್ಟ್‌ ದೇಶದಲ್ಲಿದ್ದ ಕಾಲದಿಂದ ಯೆಹೋವನಾದ ನಾನೇ ನಿನ್ನ ದೇವರಾಗಿದ್ದೀನಿ,+

ನನ್ನನ್ನ ಬಿಟ್ಟು ನೀನು ಬೇರೆ ದೇವರನ್ನ ಅರಿತುಕೊಂಡಿರಲಿಲ್ಲ,

ನನ್ನನ್ನ ಬಿಟ್ಟು ನಿನಗೆ ಬೇರೆ ರಕ್ಷಕನಿಲ್ಲ.+

 6 ನಾನು ಅವ್ರನ್ನ ಹುಲ್ಲುಗಾವಲುಗಳಿಗೆ ನಡೆಸಿದಾಗ ಅವರು ಅವುಗಳಿಂದ ತೃಪ್ತರಾದ್ರು,+

ತೃಪ್ತರಾದಾಗ ಅವರ ಹೃದಯ ಅಹಂಕಾರದಿಂದ ಉಬ್ಬಿಕೊಂಡಿತು.

 7 ನಾನು ಅವ್ರ ಪಾಲಿಗೆ ಪ್ರಾಯದ ಸಿಂಹದ ತರ ಇರ್ತಿನಿ,+

ದಾರಿ ಪಕ್ಕದಲ್ಲಿ ಅಡಗಿಕೊಂಡು ಹೊಂಚುಹಾಕೋ ಚಿರತೆ ತರ ಇರ್ತಿನಿ.

 8 ಮರಿಗಳನ್ನ ಕಳ್ಕೊಂಡ ಕರಡಿ ತರ ಅವ್ರ ಮೇಲೆ ಬಿದ್ದು

ಅವ್ರ ಎದೆಯನ್ನ ಸೀಳಿಹಾಕ್ತೀನಿ.

ಅವ್ರನ್ನ ಸಿಂಹದ ತರ ಅಲ್ಲೇ ತಿಂದುಹಾಕ್ತೀನಿ,

ಅವ್ರನ್ನ ಒಂದು ಕಾಡುಪ್ರಾಣಿ ಸೀಳಿ ತುಂಡುತುಂಡು ಮಾಡಿಬಿಡುತ್ತೆ.

 9 ಇಸ್ರಾಯೇಲೇ, ಅದು ನಿನ್ನನ್ನ ನಾಶಮಾಡುತ್ತೆ,

ಯಾಕಂದ್ರೆ ನೀನು ನನ್ನ ವಿರುದ್ಧ, ನಿನಗೆ ಸಹಾಯಮಾಡಿದ ನನ್ನ ವಿರುದ್ಧನೇ ತಿರುಗಿಬಿದ್ದೆ.

11 ನಾನು ಕೋಪಗೊಂಡು ನಿನಗೆ ಒಬ್ಬ ರಾಜನನ್ನ ಕೊಟ್ಟೆ,+

ನಾನು ಕ್ರೋಧದಿಂದ ಅವನನ್ನ ಕಿತ್ಕೊಳ್ತೀನಿ.+

12 ಎಫ್ರಾಯೀಮಿನ ತಪ್ಪುಗಳನ್ನ ಮೂಟೆಕಟ್ಟಿ ಇಡಲಾಗಿದೆ,*

ಅವನ ಪಾಪಗಳನ್ನ ಶೇಖರಿಸಿಡಲಾಗಿದೆ.

ಅವನು ಬುದ್ಧಿಯಿಲ್ಲದ ಮಗು,

ಹುಟ್ಟೋ ಸಮಯ ಬಂದ್ರೂ ಅವನಿಗೆ ಹೊರಗೆ ಬರೋಕೆ ಇಷ್ಟ ಇಲ್ಲ.

14 ನಾನು ಅವ್ರನ್ನ ಸಮಾಧಿಯ* ಅಧಿಕಾರದಿಂದ ಬಿಡಿಸ್ತೀನಿ,

ನಾನು ಅವ್ರನ್ನ ಮರಣದಿಂದ ಬಿಡಿಸ್ತೀನಿ.+

15 ಅವನು ಆಪುಹುಲ್ಲಿನ ಮಧ್ಯ ಸೊಂಪಾಗಿ ಬೆಳೆದ್ರೂ

ಪೂರ್ವ ದಿಕ್ಕಿಂದ ಗಾಳಿ ಬೀಸೋ ತರ ಯೆಹೋವ ಮಾಡ್ತಾನೆ,

ಮರುಭೂಮಿಯಿಂದ ಬರೋ ಆ ಗಾಳಿ ಅವನ ಬಾವಿಯನ್ನ ಒಣಗಿಸಿ, ಅವನ ಬುಗ್ಗೆಯನ್ನ ಬತ್ತಿಸುತ್ತೆ.

ಅವ್ರನ್ನ ಕತ್ತಿಯಿಂದ ಕೊಲ್ತಾರೆ,+

ಅವ್ರ ಮಕ್ಕಳನ್ನ ಕ್ರೂರವಾಗಿ ಕೊಲ್ಲಲಾಗುತ್ತೆ,

ಗರ್ಭಿಣಿ ಸ್ತ್ರೀಯರ ಹೊಟ್ಟೆಯನ್ನ ಸೀಳಲಾಗುತ್ತೆ.”