ಯೋಬ
36 ಎಲೀಹು ಮತ್ತೆ ಹೀಗಂದ:
2 “ನನಗಿನ್ನೂ ಮಾತಾಡೋಕೆ ಇದೆ, ದಯವಿಟ್ಟು ತಾಳ್ಮೆಯಿಂದ ಕೇಳು,
ದೇವರ ಪರವಾಗಿ ಇನ್ನೂ ಕೆಲವು ವಿಷ್ಯಗಳನ್ನ ಹೇಳಬೇಕು.
3 ನನಗೆ ಗೊತ್ತಿರೋದನ್ನ ವಿವರಿಸ್ತೀನಿ,
ನನ್ನನ್ನ ಸೃಷ್ಟಿ ಮಾಡಿದವನು ಎಷ್ಟು ನೀತಿವಂತ ಅಂತ ಹೇಳ್ತೀನಿ.+
4 ನನ್ನ ಮಾತು ನಂಬು, ನಾನು ಸುಳ್ಳು ಹೇಳ್ತಿಲ್ಲ,
ಪರಿಪೂರ್ಣ ಜ್ಞಾನ ಇರೋ ದೇವ್ರಿಂದ+ ನಾನು ಕಲಿತ ವಿಷ್ಯಗಳನ್ನ ಹೇಳ್ತೀನಿ.
5 ದೇವರು ಬಲಶಾಲಿ,+ ಆತನು ಯಾರನ್ನೂ ಕೈಬಿಡಲ್ಲ,
ಆತನ ತಿಳುವಳಿಕೆ ಅಪಾರ.
7 ಆತನು ನೀತಿವಂತರನ್ನ ಯಾವಾಗ್ಲೂ ನೋಡ್ತಾನೆ,+
ಅವ್ರನ್ನ ರಾಜರ ಜೊತೆ* ಸಿಂಹಾಸನದಲ್ಲಿ ಕೂರಿಸ್ತಾನೆ,+
ಸದಾ ದೊಡ್ಡ ಸ್ಥಾನದಲ್ಲಿ ಇಡ್ತಾನೆ.
8 ಆದ್ರೆ ಅವ್ರಿಗೆ ಕೋಳ ಹಾಕಿದ್ರೆ,
ಕಷ್ಟಗಳೆಂಬ ಹಗ್ಗಗಳಿಂದ ಕಟ್ಟಿದ್ರೆ
9 ದೇವರು ಅವರು ಮಾಡಿದ ತಪ್ಪನ್ನ ಅವ್ರಿಗೆ ತಿಳಿಸ್ತಾನೆ,
ಅವರ ಪಾಪಕ್ಕೆ ಅವರ ಅಹಂಕಾರನೇ ಕಾರಣ ಅಂತ ಹೇಳ್ತಾನೆ.
10 ಅವ್ರಿಗೆ ಬುದ್ಧಿ ಹೇಳಿ ತಿದ್ತಾನೆ,
ತಪ್ಪು ಮಾಡೋದನ್ನ ಬಿಟ್ಟುಬಿಡಿ ಅಂತ ಎಚ್ಚರಿಸ್ತಾನೆ.+
11 ದೇವರ ಮಾತು ಕೇಳಿ ಆತನ ಸೇವೆ ಮಾಡಿದ್ರೆ
ಅವರು ಸುಖಸಮೃದ್ಧಿಯಿಂದ ಬಾಳ್ತಾರೆ,
ಅವರು ಜೀವನಪೂರ್ತಿ ಸಂತೋಷ ನೆಮ್ಮದಿಯಿಂದ ಇರ್ತಾರೆ.+
12 ಅವರು ಮಾತು ಕೇಳದಿದ್ರೆ ಕತ್ತಿಯಿಂದ ಸಾಯ್ತಾರೆ,+
ಜ್ಞಾನ ಪಡ್ಕೊಳ್ಳದೆನೇ ಸತ್ತು ಹೋಗ್ತಾರೆ.
13 ಮನಸ್ಸಲ್ಲಿ ದೇವ್ರನ್ನ ಬಿಟ್ಟುಬಿಟ್ಟವರು* ಒಳಗೊಳಗೆ ಕೋಪ ಇಟ್ಕೊಳ್ತಾರೆ.
ಆತನು ಅವ್ರಿಗೆ ಶಿಕ್ಷೆ ಕೊಟ್ಟಾಗ್ಲೂ ಸಹಾಯಕ್ಕಾಗಿ ಬೇಡ್ಕೊಳ್ಳಲಿಲ್ಲ.
15 ಆದ್ರೆ ಕಷ್ಟದಲ್ಲಿ ಇರೋರನ್ನ ದೇವರು ಕಾಪಾಡ್ತಾನೆ,
ಬೇರೆಯವ್ರಿಂದ ಕಿರುಕುಳ ಅನುಭವಿಸುವವರ ಕಿವಿಯಲ್ಲಿ ದೇವರು ಮಾತಾಡ್ತಾನೆ.
16 ಆತನು ನಿನ್ನನ್ನ ಕಷ್ಟದ ಬಿಗಿಮುಷ್ಟಿಯಿಂದ ಬಿಡಿಸಿ+
ವಿಶಾಲವಾದ ಸ್ಥಳಕ್ಕೆ ಕರ್ಕೊಂಡು ಹೋಗ್ತಾನೆ, ಯಾರೂ ನಿನ್ನನ್ನ ತಡೆಯಲ್ಲ+
ನಿನ್ನ ಮೇಜಿನ ಮೇಲೆ ಭರ್ಜರಿ ಊಟ ಸಿದ್ಧಮಾಡಿ ಸಮಾಧಾನ ಮಾಡ್ತಾನೆ.+
17 ದೇವರು ಕೆಟ್ಟವ್ರಿಗೆ ಶಿಕ್ಷೆ ಕೊಡ್ತೀನಿ ಅನ್ನೋ ತೀರ್ಪು ಕೊಟ್ಟಾಗ,+
ನ್ಯಾಯ ಸಿಕ್ತು ಅಂತ ನಿನಗೆ ನೆಮ್ಮದಿ ಆಗುತ್ತೆ.
19 ಹಾಗೇನಾದ್ರೂ ಆದ್ರೆ ನೀನೆಷ್ಟೇ ಸಹಾಯ ಕೇಳಿದ್ರೂ
ನೀನೆಷ್ಟೇ ಪ್ರಯತ್ನಪಟ್ರೂ ಕಷ್ಟದಿಂದ ಹೊರಗೆ ಬರೋಕೆ ನಿನಗೆ ಆಗಲ್ಲ.+
20 ಯಾವಾಗ ರಾತ್ರಿ ಆಗುತ್ತೋ ಅಂತ ಕಾಯಬೇಡ,
ಯಾಕಂದ್ರೆ ರಾತ್ರಿಯಲ್ಲೇ ಜನ್ರು ನಾಶ ಆಗ್ತಾರೆ.
21 ಎಚ್ಚರ! ಕೆಟ್ಟದು ಮಾಡೋಕೆ ಹೋಗಬೇಡ,
ಕಷ್ಟದಿಂದ ತಪ್ಪಿಸ್ಕೊಳ್ಳೋಕೆ ಕೆಟ್ಟದು ಮಾಡಬೇಡ.+
22 ನೋಡು! ದೇವರು ತುಂಬ ಶಕ್ತಿಶಾಲಿ,
ಆತನ ತರ ಕಲಿಸುವವರು ಬೇರೆ ಯಾರೂ ಇಲ್ಲ.
23 ಯಾವ ದಾರಿಯಲ್ಲಿ ಹೋಗಬೇಕಂತ* ದೇವ್ರಿಗೆ ಯಾರಾದ್ರೂ ಹೇಳಕ್ಕಾಗುತ್ತಾ?+
‘ನೀನು ಮಾಡಿದ್ದು ತಪ್ಪು’ ಅಂತ ಆತನಿಗೆ ಹೇಳೋಕೆ ಯಾರಿಗಾದ್ರೂ ಆಗುತ್ತಾ?+
25 ಮನುಷ್ಯರೆಲ್ಲ ಆತನ ಕೆಲಸಗಳನ್ನ ನೋಡಿದ್ದಾರೆ,
ಒಂದಲ್ಲ ಒಂದಿನ ಸಾಯೋ ಮನುಷ್ಯ ದೇವರ ಕೆಲಸಗಳನ್ನ ದೂರದಿಂದ ನೋಡ್ತಾನಷ್ಟೇ.
27 ಆತನು ನೀರಿನ ಹನಿಗಳನ್ನ ಮೇಲಕ್ಕೆ ಎಳ್ಕೊಳ್ತಾನೆ,+
ಆಮೇಲೆ ಅದು ಮಳೆಯಾಗುತ್ತೆ, ಮಂಜು ಆಗುತ್ತೆ,
28 ಮೋಡಗಳಾಗಿ ಆಮೇಲೆ ಭೂಮಿಗೆ ನೀರು ಸುರಿಯುತ್ತೆ,+
ಎಲ್ಲ ಮನುಷ್ಯರ ಮೇಲೆ ಮಳೆ ನೀರು ಬೀಳುತ್ತೆ.
29 ಆಕಾಶದಲ್ಲಿ ಹರಡಿರೋ ಮೋಡಗಳ ಬಗ್ಗೆ ಯಾರಿಗಾದ್ರೂ ಅರ್ಥ ಮಾಡ್ಕೊಳ್ಳೋಕೆ ಆಗುತ್ತಾ?
ಆತನ ಡೇರೆ ಒಳಗಿಂದ ಬರೋ ಗುಡುಗಿನ ಬಗ್ಗೆ ಯಾರಿಗಾದ್ರೂ ತಿಳ್ಕೊಳ್ಳೋಕೆ ಆಗುತ್ತಾ?+
30 ಮೋಡಗಳ ಮೇಲೆ ಆತನು ಹೇಗೆ ಮಿಂಚು ಹೊಡಿಸ್ತಾನೆ,+
ಸಮುದ್ರದ ಆಳಗಳನ್ನ ಹೇಗೆ ಮುಚ್ಚುತ್ತಾನೆ ಅಂತ ಯೋಚ್ನೆ ಮಾಡು.
32 ಆತನು ತನ್ನ ಕೈಗಳಿಂದ ಮಿಂಚನ್ನ ಹಿಡಿತಾನೆ,
ಆಮೇಲೆ ಅದನ್ನ ಗುರಿಯಿಟ್ಟು ಬಿಡ್ತಾನೆ.+
33 ಗುಡುಗಿನ ಆರ್ಭಟ ಆತನ ಬಗ್ಗೆ ಹೇಳುತ್ತೆ,
ಪ್ರಾಣಿಗಳಿಗೂ ಆತನು ಬರೋದು* ಗೊತ್ತಾಗುತ್ತೆ.