‘ಮನುಷ್ಯ ಬದುಕೋದು ಸ್ವಲ್ಪ ದಿನ, ಅವನ ಬದುಕಿನ ದಾರಿಯಲ್ಲಿ ತೊಂದರೆಗಳು ಅನ್ನೋ ಮುಳ್ಳುಗಳೇ ಜಾಸ್ತಿ’ ಅಂತ ಬೈಬಲ್‌ ಹೇಳುತ್ತೆ. (ಯೋಬ 14:1) ನಾವು ಈ ತರ ಕಷ್ಟಪಟ್ಟು ಜೀವನ ಮಾಡಬೇಕು ಅಂತ ದೇವರು ಇಷ್ಟಪಡ್ತಾನಾ? ಇಲ್ಲ ಅಂದರೆ, ನಾವು ಹೇಗಿರಬೇಕು ಅಂತ ಆತನು ಇಷ್ಟಪಡ್ತಾನೆ? ಆತನು ಹೇಳಿದ ಮಾತು ಖಂಡಿತ ಆಗುತ್ತಾ? ಇದಕ್ಕೆ ಉತ್ತರ ನಾವು ಬೈಬಲ್‌ನಿಂದ ತಿಳಿದುಕೊಳ್ಳೋಣ.

1. ನಮ್ಮ ಜೀವನ ಹೇಗಿರಬೇಕು ಅಂತ ದೇವರ ಇಷ್ಟ?

ನಾವು ಖುಷಿಖುಷಿಯಾಗಿ ಇರಬೇಕು ಅಂತ ದೇವರ ಇಷ್ಟ. ಆತನು ಮೊದಲ ಮಾನವರಾದ ಆದಾಮ ಹವ್ವರನ್ನ ಸೃಷ್ಟಿ ಮಾಡಿ ಅವರನ್ನ ಸುಂದರವಾದ ಪರದೈಸಿನಲ್ಲಿ ಅಂದರೆ ಏದೆನ್‌ ತೋಟದಲ್ಲಿ ಇಟ್ಟನು. “ದೇವರು ಅವರನ್ನ ಆಶೀರ್ವದಿಸ್ತಾ ‘ನೀವು ತುಂಬ ಮಕ್ಕಳನ್ನ ಪಡೆದು ಜಾಸ್ತಿ ಜನ ಆಗಿ ಇಡೀ ಭೂಮಿ ತುಂಬಿಕೊಳ್ಳಿ. ಅದು ನಿಮ್ಮ ಅಧಿಕಾರದ ಕೆಳಗಿರಲಿ’” ಅಂತ ಹೇಳಿದನು. (ಆದಿಕಾಂಡ 1:28) ಅವರು ಮಕ್ಕಳನ್ನ ಪಡೆದುಕೊಳ್ಳಬೇಕು, ಇಡೀ ಭೂಮಿಯನ್ನ ಪರದೈಸಾಗಿ ಮಾಡಬೇಕು ಮತ್ತು ಪ್ರಾಣಿಗಳನ್ನ ನೋಡಿಕೊಳ್ಳಬೇಕು ಅನ್ನೋದು ಯೆಹೋವ ದೇವರ ಇಷ್ಟವಾಗಿತ್ತು. ಎಲ್ಲಾ ಜನರು ಆರೋಗ್ಯವಂತರಾಗಿ, ಖುಷಿ ಖುಷಿಯಾಗಿ ಶಾಶ್ವತವಾಗಿ ಇರಬೇಕು ಅನ್ನೋದು ಆತನ ಆಸೆ ಆಗಿತ್ತು.

ನಾವು ಕಷ್ಟಪಟ್ಟು ಜೀವನ ಮಾಡಬೇಕು ಅನ್ನೋದು ಆತನ ಇಷ್ಟವಾಗಿರಲಿಲ್ಲ.a ಆತನು ಮಾತು ಕೊಟ್ಟ ಹಾಗೆ ಮುಂದೆ ನಮಗೆ ಶಾಶ್ವತ ಜೀವನವನ್ನ ಕೊಡಲಿದ್ದಾನೆ. (ಯೆಶಾಯ 46:10, 11) ದೇವರು ಹೇಳಿದ ಪ್ರಕಾರ ಜೀವನ ಮಾಡೋರು ಶಾಶ್ವತವಾಗಿ ಇರಬೇಕು ಅನ್ನೋದು ದೇವರ ಆಸೆ. ಆ ಆಸೆ ನಿಜ ಆಗುತ್ತೆ.—ಪ್ರಕಟನೆ 21:3, 4 ಓದಿ.

2. ಜೀವನದಲ್ಲಿ ಖುಷಿ ಮತ್ತು ತೃಪ್ತಿ ಇರಬೇಕಂದ್ರೆ ಏನು ಮಾಡಬೇಕು?

ಮನುಷ್ಯರಿಗೆ “ದೇವರ ಮಾರ್ಗದರ್ಶನ” ಬೇಕೇ ಬೇಕು. ಯೆಹೋವ ದೇವರು ನಮ್ಮನ್ನ ಸೃಷ್ಟಿಸಿದಾಗಲೇ ಆ ಬಯಕೆಯನ್ನ ನಮ್ಮಲ್ಲಿ ಇಟ್ಟಿದ್ದಾನೆ. ಹಾಗಾಗಿ ಆತನ ಬಗ್ಗೆ ತಿಳಿದುಕೊಳ್ಳಬೇಕು ಮತ್ತು ಆತನನ್ನ ಆರಾಧಿಸಬೇಕು ಅನ್ನೋ ಬಯಕೆ ನಮ್ಮಲ್ಲಿದೆ. (ಮತ್ತಾಯ 5:3-6 ಓದಿ.) ನಾವು ಆತನ ಜೊತೆ ಆಪ್ತ ಸ್ನೇಹವನ್ನ ಬೆಳೆಸಿಕೊಳ್ಳಬೇಕು, “ಎಲ್ಲ ವಿಷ್ಯಗಳಲ್ಲಿ ಆತನು ಹೇಳೋ ದಾರೀಲೇ ನಡಿಬೇಕು, ಆತನನ್ನ ಪ್ರೀತಿಸಬೇಕು, ಪೂರ್ಣ ಹೃದಯದಿಂದ” ಸೇವೆ ಮಾಡಬೇಕು ಅಂತ ಯೆಹೋವ ದೇವರು ಇಷ್ಟಪಡುತ್ತಾನೆ. (ಧರ್ಮೋಪದೇಶಕಾಂಡ 10:12; ಕೀರ್ತನೆ 25:14) ನಾವು ಹೀಗೆ ಮಾಡುವಾಗ ನಮಗೆ ಎಷ್ಟೇ ಕಷ್ಟ ಇದ್ದರೂ ಖುಷಿ ಖುಷಿಯಾಗಿ ಇರಬಹುದು. ಜೀವನಕ್ಕೆ ಒಂದು ಅರ್ಥನೂ ಇರುತ್ತೆ.

3. ಮನುಷ್ಯರು ಯಾವಾಗಲೂ ಖುಷಿಯಾಗಿ ಜೀವಿಸಬೇಕು ಅನ್ನೋದು ದೇವರ ಇಷ್ಟ

ವಿಡಿಯೋ ನೋಡಿ, ನಂತರ ಪ್ರಶ್ನೆಯನ್ನ ಚರ್ಚಿಸಿ.

ವಿಡಿಯೋ: ದೇವರು ಭೂಮಿಯನ್ನು ಯಾಕೆ ಸೃಷ್ಟಿಸಿದನು?—ತುಣುಕು (1:41)

• ದೇವರು ಯಾಕೆ ಈ ಸುಂದರ ಭೂಮಿಯನ್ನ ಸೃಷ್ಟಿ ಮಾಡಿದ್ದಾನೆ?

ಪ್ರಸಂಗಿ 3:11 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಯೆಹೋವ ದೇವರ ಇಷ್ಟವೇನು?

4. ಯೆಹೋವನು ಹೇಳಿದಂತೆ ಖಂಡಿತ ನಡೆಯುತ್ತೆ

ಕೀರ್ತನೆ 37:11, 29 ಮತ್ತು ಯೆಶಾಯ 55:11 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಯೆಹೋವನು ಹೇಳಿದಂತೆ ಖಂಡಿತ ಆಗುತ್ತೆ ಅಂತ ನಮಗೆ ಹೇಗೆ ಗೊತ್ತು?

5. ಯೆಹೋವನನ್ನು ಆರಾಧಿಸಿದರೆ ನಮ್ಮ ಜೀವನ ಖುಷಿ ಖುಷಿಯಾಗಿ ಇರುತ್ತೆ

ವಿಡಿಯೋ: ನನ್ನ ಜೀವನದ ಉದ್ದೇಶ ಕಂಡುಕೊಂಡೆ (5:03)

• ಯೆಹೋವನ ಆಶೀರ್ವಾದದ ಬಗ್ಗೆ ತಿಳಿದುಕೊಂಡಾಗ ಟೆರೂಮಿಗೆ ಯಾಕೆ ಖುಷಿ ಆಯಿತು?

ಪ್ರಸಂಗಿ 12:13 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಯೆಹೋವನು ನಮಗಾಗಿ ತುಂಬ ವಿಷಯಗಳನ್ನ ಮಾಡಿದ್ದಾನೆ. ಅದಕ್ಕಾಗಿ ನಾವು ಆತನಿಗೆ ಹೇಗೆ ಕೃತಜ್ಞತೆ ತೋರಿಸಬಹುದು?

ನಾವೇನು ಕಲಿತ್ವಿ

ಇಡೀ ಭೂಮಿ ಸುಂದರ ತೋಟದಂತೆ ಆಗುವಾಗ ನಾವು ಅಲ್ಲಿ ಖುಷಿ ಖುಷಿಯಾಗಿ, ಶಾಶ್ವತವಾಗಿ ಬದುಕಬೇಕು ಅಂತ ಯೆಹೋವನು ಬಯಸುತ್ತಾನೆ. ನಾವು ಆತನನ್ನ ಪೂರ್ಣ ಹೃದಯದಿಂದ ಆರಾಧಿಸುವಾಗ ಈಗಲೂ ಮುಂದೆನೂ ಖುಷಿ ಖುಷಿಯಾಗಿ ಇರಬಹುದು.

ನೆನಪಿದೆಯಾ

• ಆದಾಮ ಹವ್ವರ ಜೀವನ ಹೇಗಿರಬೇಕು ಅನ್ನೋದು ಯೆಹೋವನ ಆಸೆಯಾಗಿತ್ತು?

• ಮಾನವರಿಗೆ ದೇವರು ಕೊಟ್ಟ ಮಾತು ಖಂಡಿತ ನೆರವೇರುತ್ತೆ ಅಂತ ಹೇಗೆ ಹೇಳಬಹುದು?

• ಜೀವನದಲ್ಲಿ ಖುಷಿ ಮತ್ತು ತೃಪ್ತಿ ಇರಬೇಕಂದ್ರೆ ಏನು ಮಾಡಬೇಕು?

ಇದನ್ನೂ ನೋಡಿ

ಏದೆನ್‌ ತೋಟ ನಿಜವಾಗಲೂ ಇತ್ತು ಅನ್ನೋದಕ್ಕಿರುವ ಆಧಾರಗಳನ್ನ ನೋಡಿ.

“ಏದೆನ್‌ ತೋಟ ನಿಜವಾಗ್ಲೂ ಇತ್ತಾ ಅಥವಾ ಕಟ್ಟುಕಥೆನಾ? (ಕಾವಲಿನಬುರುಜು ಲೇಖನ)

ಭೂಮಿ ಶಾಶ್ವತವಾಗಿ ಇರುತ್ತೆ ಅಂತ ಹೇಗೆ ಹೇಳಬಹುದು ಅನ್ನೋದನ್ನ ತಿಳಿಯಿರಿ.

“ಭೂಮಿ ನಾಶ ಆಗುತ್ತಾ?” (jw.org ಲೇಖನ)

ಜೀವನದ ಉದ್ದೇಶ ಏನು ಅಂತ ಬೈಬಲ್‌ ಹೇಳುತ್ತೆ ಅನ್ನೋದರ ಬಗ್ಗೆ ತಿಳಿಯಿರಿ.

“ಜೀವನದ ಉದ್ದೇಶವೇನು?” (jw.org ಲೇಖನ)

ಒಬ್ಬ ವ್ಯಕ್ತಿ ಹತ್ತಿರ ಎಲ್ಲಾ ಇದ್ದರೂ ಅವನಲ್ಲಿ ಏನೋ ಒಂದು ಕೊರತೆ ಇತ್ತು. ಆ ಕೊರತೆಯನ್ನ ಹೇಗೆ ನೀಗಿಸಿದ ಅನ್ನೋದರ ಬಗ್ಗೆ ತಿಳಿಯಿರಿ.

ನನ್ನ ಜೀವನಕ್ಕೆ ಅರ್ಥ ಸಿಕ್ತು (3:55)

2. ಯೇಸುವಿನ ಜೊತೆ ಯಾರು ಆಳ್ವಿಕೆ ಮಾಡುತ್ತಾರೆ?

ಯೇಸು ಒಬ್ಬನೇ ಆಳ್ವಿಕೆ ಮಾಡಲ್ಲ. ಆತನ ಜೊತೆ ‘ಎಲ್ಲ ಭಾಷೆ, ಜಾತಿ, ದೇಶದಿಂದ ಬಂದವರು ರಾಜರಾಗಿ ಈ ಭೂಮಿಯನ್ನ ಆಳ್ತಾರೆ.’ (ಪ್ರಕಟನೆ 5:9, 10) ಯೇಸುವಿಗೆ ಲಕ್ಷಾಂತರ ಜನ ಶಿಷ್ಯರಿದ್ದಾರೆ. ಅವರೆಲ್ಲರೂ ಸೇರಿ ಭೂಮಿಯನ್ನ ಆಳುತ್ತಾರಾ? ಇಲ್ಲ. 1,44,000 ಜನರು ಮಾತ್ರ ಯೇಸುವಿನ ಜೊತೆ ಸ್ವರ್ಗದಲ್ಲಿ ಆಳುತ್ತಾರೆ. (ಪ್ರಕಟನೆ 14:1-4 ಓದಿ.) ಉಳಿದವರು ಇದೇ ಭೂಮಿಯಲ್ಲಿ ದೇವರ ಸರ್ಕಾರದ ಪ್ರಜೆಗಳಾಗಿರುತ್ತಾರೆ.—ಕೀರ್ತನೆ 37:29.

ದೇವರ ಸರ್ಕಾರ ಈಗಾಗಲೇ ಆಳ್ವಿಕೆ ನಡೆಸುತ್ತಿದೆ. ಆದಷ್ಟು ಬೇಗ ಅದು ಇಡೀ ಭೂಮಿ ಮೇಲೆ ಒಳ್ಳೇ ಬದಲಾವಣೆಗಳನ್ನ ಮಾಡುತ್ತೆ. ನಾವೀಗ ಅಂಥ ಕೆಲವು ಬದಲಾವಣೆಗಳ ಬಗ್ಗೆ ನೋಡೋಣ.

1. ದೇವರ ಸರ್ಕಾರ ಭೂಮಿ ಮೇಲೆ ಶಾಂತಿ ಮತ್ತು ನ್ಯಾಯವನ್ನ ಹೇಗೆ ತರುತ್ತೆ?

ದೇವರ ಸರ್ಕಾರದ ರಾಜನಾದ ಯೇಸು ಹರ್ಮಗೆದೋನ್‌ ಯುದ್ಧದ ಮೂಲಕ ಕೆಟ್ಟ ಜನರನ್ನ ಮತ್ತು ಈ ಲೋಕದ ಸರ್ಕಾರಗಳನ್ನ ನಾಶ ಮಾಡುತ್ತಾನೆ. (ಪ್ರಕಟನೆ 16:14, 16) ಆಗ “ಇನ್ನು ಸ್ವಲ್ಪ ಸಮಯದಲ್ಲೇ ಕೆಟ್ಟವರು ಇಲ್ಲದೆ ಹೋಗ್ತಾರೆ” ಅನ್ನೋ ಮಾತು ಸಂಪೂರ್ಣವಾಗಿ ನೆರವೇರುತ್ತೆ. (ಕೀರ್ತನೆ 37:10) ಹೀಗೆ ಯೇಸು ತನ್ನ ಸರ್ಕಾರದ ಮೂಲಕ ಇಡೀ ಭೂಮಿಯಲ್ಲಿ ಶಾಂತಿ ಮತ್ತು ನ್ಯಾಯವನ್ನ ತರುತ್ತಾನೆ.—ಯೆಶಾಯ 11:4 ಓದಿ.

2. ದೇವರ ಇಷ್ಟ ಭೂಮಿಯಲ್ಲಿ ನೆರವೇರುವಾಗ ಜೀವನ ಹೇಗಿರುತ್ತೆ?

ದೇವರ ಸರ್ಕಾರದಲ್ಲಿ “ನೀತಿವಂತರು ಭೂಮಿಯನ್ನ ಆಸ್ತಿಯಾಗಿ ಪಡ್ಕೊತಾರೆ, ಅವರು ಅದ್ರಲ್ಲಿ ಶಾಶ್ವತವಾಗಿ ವಾಸಿಸ್ತಾರೆ.” (ಕೀರ್ತನೆ 37:29) ಇಡೀ ಭೂಮಿಯಲ್ಲಿ ಯೆಹೋವನನ್ನು ಮತ್ತು ಜೊತೆಮಾನವರನ್ನು ಪ್ರೀತಿಸುವ ಜನರೇ ಇರುವಾಗ ಜೀವನ ಹೇಗಿರುತ್ತೆ ಅಂತ ಸ್ವಲ್ಪ ಯೋಚನೆ ಮಾಡಿ ನೋಡಿ. ಅಲ್ಲಿ ಯಾರಿಗೂ ಕಾಯಿಲೆ ಇರಲ್ಲ, ಎಲ್ಲರೂ ಖುಷಿಖುಷಿಯಾಗಿ ಇರುತ್ತಾರೆ, ಶಾಶ್ವತವಾಗಿ ಜೀವಿಸುತ್ತಾರೆ.

3. ಕೆಟ್ಟವರನ್ನೆಲ್ಲ ನಾಶ ಮಾಡಿದ ಮೇಲೆ ದೇವರ ಸರ್ಕಾರ ಏನು ಮಾಡುತ್ತೆ?

ಕೆಟ್ಟವರನ್ನ ನಾಶ ಮಾಡಿದ ಮೇಲೆ, ಯೇಸು ರಾಜನಾಗಿ 1,000 ವರ್ಷ ಆಳ್ವಿಕೆ ಮಾಡುತ್ತಾನೆ. ಆ ಸಮಯದಲ್ಲಿ ಮಾನವರೆಲ್ಲ ಪರಿಪೂರ್ಣರಾಗಲು ಯೇಸು ಮತ್ತು 1,44,000 ಜೊತೆ ರಾಜರು ಸಹಾಯ ಮಾಡುತ್ತಾರೆ. 1,000 ವರ್ಷದ ಆಳ್ವಿಕೆಯ ಕೊನೆಯಲ್ಲಿ ಇಡೀ ಭೂಮಿ ಸುಂದರ ಪರದೈಸ್‌ ಆಗುತ್ತೆ. ಅಲ್ಲಿ ಜನರು ಯೆಹೋವನ ನಿಯಮಗಳನ್ನ ಪಾಲಿಸುತ್ತಾ ಖುಷಿಖುಷಿಯಾಗಿ ಇರುತ್ತಾರೆ. ಯೇಸು ತನ್ನ ಅಧಿಕಾರವನ್ನ ವಾಪಸ್‌ ಯೆಹೋವ ದೇವರಿಗೆ ಕೊಡುತ್ತಾನೆ. ಆಗ ಮುಂಚೆಗಿಂತಲೂ ಯೆಹೋವನ ‘ಹೆಸ್ರು ಪವಿತ್ರವಾಗುತ್ತೆ.’ (ಮತ್ತಾಯ 6:9, 10) ಯೆಹೋವ ದೇವರ ತರ ಜನರನ್ನ ಪ್ರೀತಿಸುವ ಒಳ್ಳೇ ರಾಜ ಬೇರೆ ಯಾರೂ ಇಲ್ಲ ಅಂತ ಎಲ್ಲರಿಗೂ ಗೊತ್ತಾಗುತ್ತೆ. ನಂತರ ಸೈತಾನನನ್ನು, ಕೆಟ್ಟ ದೂತರನ್ನು ಮತ್ತು ಆತನ ಆಳ್ವಿಕೆಯನ್ನ ವಿರೋಧಿಸುವ ಪ್ರತಿಯೊಬ್ಬರನ್ನು ಯೆಹೋವನು ನಾಶ ಮಾಡುತ್ತಾನೆ. (ಪ್ರಕಟನೆ 20:7-10) ಹೀಗೆ ದೇವರ ಸರ್ಕಾರ ತರಲಿರುವ ಆಶೀರ್ವಾದಗಳು ಎಂದೆಂದೂ ಇರುತ್ತೆ.

ಹೆಚ್ಚನ್ನ ತಿಳಿಯೋಣ

4. ದೇವರ ಸರ್ಕಾರ ಮಾನವ ಸರ್ಕಾರಗಳನ್ನ ನಾಶ ಮಾಡುತ್ತೆ

“ಮನುಷ್ಯ ಮನುಷ್ಯನ ಮೇಲೆ ಅಧಿಕಾರ ನಡೆಸಿ ಹಾನಿ ಮಾಡಿದ್ದಾನೆ.” (ಪ್ರಸಂಗಿ 8:9) ಈ ಹಾನಿಯ ಕೆಟ್ಟ ಪರಿಣಾಮಗಳನ್ನೆಲ್ಲ ಯೆಹೋವ ದೇವರು ತನ್ನ ಸರ್ಕಾರದ ಮೂಲಕ ಸರಿಪಡಿಸುತ್ತಾನೆ.

ದಾನಿಯೇಲ 2:44 ಮತ್ತು 2 ಥೆಸಲೊನೀಕ 1:6-8 ಓದಿ, ನಂತರ ಈ ಪ್ರಶ್ನೆಗಳನ್ನ ಚರ್ಚಿಸಿ:

• ಯೆಹೋವ ದೇವರು ಮತ್ತು ಯೇಸು ಕ್ರಿಸ್ತನು ಮಾನವ ಸರ್ಕಾರಗಳಿಗೆ ಮತ್ತು ಅದನ್ನ ಬೆಂಬಲಿಸುವವರಿಗೆ ಏನು ಮಾಡುತ್ತಾರೆ?

• ಯೆಹೋವ ದೇವರು ಮತ್ತು ಯೇಸು ಮಾಡುವ ತೀರ್ಪು ನ್ಯಾಯವಾಗಿರುತ್ತೆ ಅಂತ ನಿಮಗೆ ಅನಿಸುತ್ತಾ? ಯಾಕೆ ಹಾಗೆ ಅನಿಸುತ್ತೆ?

5. ಯೇಸು ಒಬ್ಬ ಒಳ್ಳೇ ರಾಜ

ದೇವರ ಸರ್ಕಾರದ ರಾಜನಾಗಿ ಯೇಸು ಭೂಮಿಯಲ್ಲಿರೋ ಜನರಿಗೆ ಅನೇಕ ವಿಧಗಳಲ್ಲಿ ಸಹಾಯ ಮಾಡುತ್ತಾನೆ. ಜನರಿಗೆ ಸಹಾಯ ಮಾಡೋ ಮನಸ್ಸು ಯೇಸುವಿಗಿದೆ ಮತ್ತು ಅದನ್ನ ಮಾಡುವ ಶಕ್ತಿಯನ್ನೂ ದೇವರು ಆತನಿಗೆ ಕೊಟ್ಟಿದ್ದಾನೆ. ಯೇಸು ಅದನ್ನ ಈಗಾಗಲೇ ಹೇಗೆ ಮಾಡಿದ್ದಾನೆ ಅಂತ ತಿಳಿಯಲು ಈ ವಿಡಿಯೋ ನೋಡಿ.

ವಿಡಿಯೋ: ದೇವರ ಸರ್ಕಾರ ಏನೆಲ್ಲಾ ಮಾಡುತ್ತೆ ಅಂತ ಯೇಸು ತೋರಿಸಿಕೊಟ್ಟನು (1:13)

ಮುಂದೆ ದೇವರ ಸರ್ಕಾರದಲ್ಲಿ ಆತನು ಏನು ಮಾಡ್ತಾನೆ ಅಂತ ಯೇಸು ಭೂಮಿಯಲ್ಲಿದ್ದಾಗ ತೋರಿಸಿಕೊಟ್ಟನು. ಮುಂದೆ ಕೊಡಲಾಗಿರುವ ಯಾವ ಆಶೀರ್ವಾದಗಳನ್ನ ನೀವು ನೋಡಕ್ಕೆ ಇಷ್ಟಪಡುತ್ತೀರಾ? ಆ ಆಶೀರ್ವಾದಗಳ ಬಗ್ಗೆ ತಿಳಿಯಲು ಕೊಡಲಾಗಿರುವ ವಚನಗಳನ್ನ ಸಹ ಓದಿ.

6. ದೇವರ ಸರ್ಕಾರ ಸುಂದರ ಭವಿಷ್ಯವನ್ನ ತರುತ್ತೆ

ವಿಡಿಯೋ: ನಮಗೆ ಸಿಗಲಿರುವ ಸುಂದರ ಭವಿಷ್ಯದ ನಸುನೋಟ! (4:38)

ಕೀರ್ತನೆ 145:16 ಓದಿ, ನಂತರ ಈ ಪ್ರಶ್ನೆಯನ್ನ ಚರ್ಚಿಸಿ:

• ಯೆಹೋವ ದೇವರು ‘ಎಲ್ಲ ಜೀವಿಗಳ ಬಯಕೆಯನ್ನ ಈಡೇರಿಸುತ್ತಾನೆ’ ಅಂತ ಗೊತ್ತಾದಾಗ ನಿಮಗೆ ಹೇಗೆ ಅನಿಸುತ್ತೆ?

ನಾವೇನು ಕಲಿತ್ವಿ

ದೇವರ ಸರ್ಕಾರ ಭೂಮಿಯನ್ನ ಪರದೈಸಾಗಿ ಮಾಡುತ್ತೆ. ಅಲ್ಲಿ ಒಳ್ಳೇ ಜನರು ಮಾತ್ರ ಇರುತ್ತಾರೆ, ಅವರು ಯೆಹೋವ ದೇವರನ್ನ ಯಾವಾಗ್ಲೂ ಆರಾಧಿಸುತ್ತಾರೆ.

ನೆನಪಿದೆಯಾ

• ದೇವರ ಸರ್ಕಾರ ಯೆಹೋವನ ಹೆಸರನ್ನ ಹೇಗೆ ಪವಿತ್ರ ಮಾಡುತ್ತೆ?

• ಬೈಬಲ್‌ನಲ್ಲಿ ಕೊಡಲಾಗಿರುವ ಎಲ್ಲಾ ಆಶೀರ್ವಾದಗಳು ಪರದೈಸಿನಲ್ಲಿ ನಿಜವಾಗುತ್ತೆ ಅಂತ ಹೇಗೆ ನಂಬಬಹುದು?

• ದೇವರ ಸರ್ಕಾರ ತರಲಿರುವ ಯಾವ ಆಶೀರ್ವಾದಗಳನ್ನ ನೋಡೋಕೆ ನೀವು ಇಷ್ಟಪಡುತ್ತೀರಾ?

ಇದನ್ನೂ ನೋಡಿ

ಹರ್ಮಗೆದೋನ್‌ ಅಂದರೇನು ಅನ್ನೋದನ್ನ ತಿಳಿಯಿರಿ.

“ಹರ್ಮಗೆದೋನ್‌ ಯುದ್ಧ ಅಂದರೇನು?” (jw.org ಲೇಖನ)

ಯೇಸು ರಾಜನಾಗಿ 1,000 ವರ್ಷ ಆಳ್ವಿಕೆ ಮಾಡುವಾಗ ಮತ್ತು ನಂತರ ಏನಾಗುತ್ತೆ ಅಂತ ತಿಳಿಯಿರಿ.

“ನ್ಯಾಯತೀರ್ಪಿನ ದಿನದಲ್ಲಿ ಏನಾಗುತ್ತೆ?” (ಕಾವಲಿನಬುರುಜು, ಲೇಖನ)

ನೀವು ನಿಮ್ಮ ಕುಟುಂಬದವರ ಜೊತೆ ಪರದೈಸಲ್ಲಿ ಇದ್ದೀರಾ ಅಂತ ಚಿತ್ರಿಸಿಕೊಳ್ಳಿ.

ಪರದೈಸಿನ ಜೀವನ ಚಿತ್ರಿಸಿಕೊಳ್ಳಿ (1:50)

ರಾಜಕೀಯ ಹೋರಾಟಗಳನ್ನ ಮಾಡ್ತಿದ್ದ ಒಬ್ಬ ವ್ಯಕ್ತಿಗೆ ತುಂಬ ಪ್ರಶ್ನೆಗಳು ಇತ್ತು. ಆ ಪ್ರಶ್ನೆಗಳಿಗೆ ಹೇಗೆ ಉತ್ತರ ಸಿಕ್ಕಿತು ಅಂತ “ಜೀವನದ ಬಗ್ಗೆ ಇರುವ ಅನೇಕ ಪ್ರಶ್ನೆಗಳು ನನ್ನನ್ನ ಯಾವಾಗ್ಲೂ ಕಾಡ್ತಾ ಇತ್ತು” ಅನ್ನೋ ಲೇಖನದಲ್ಲಿ ತಿಳಿಯಿರಿ.

“ಬದುಕು ಬದಲಾದ ವಿಧ” (ಕಾವಲಿನಬುರುಜು ಲೇಖನ)