LIV YU LAYF LƐK KRISTIAN

Jiova Lɛk Pipul dɛn we Klin

We bɔku mama ɛn papa dɛn kin tich dɛn pikin dɛn fɔ bi pɔsin we nit ɛn klin, dɛn kin tɛl dɛn pikin dɛn se, “Was yu an. Was yu pan. Pak di ples. Go trowe di dɔti.” Bɔt na wi Gɔd we oli fɔs bin dɔn gi dɛn advays dɛn de. (Ɛks 30:18-20; Dit 23:14; 2Kɔ 7:1) Wi de ɔnɔ Jiova we wi klin wi bɔdi ɛn di tin dɛn we wi gɛt. (1Pi 1:14-16) Bɔt dat min se wi nɔ fɔ klin wi os ɛn wi eria? Nɔ, nɔto so i bi. As Kristian dɛn wi fɔ du wi bɛst fɔ mek di wɔl klin, wi nɔ fɔ tan lɛk pipul dɛn we de trowe dɔti na strit ɔ na di eria. (Sam 115:16; Rɛv 11:18) Wi nɔ fɔ ivin trowe smɔl smɔl tin dɛn lɛk, swit ɔ chingɔm pepa, sɔv drink rɔba ɔ wata plastik, bikɔs dat de sho se wi na pɔsin we klin. “Bay aw wi de du ɔltin, wi de sho se na Gɔd wok wi de du.”—2Kɔ 6:3, 4.

WACH DI FIM WE GƐT DI TAYTUL, GƆD LƐK PIPUL DƐN WE KLIN, DƆN UNA ANSA DI KWƐSTYƆN DƐN WE DE DƆŊ:

Wetin bɔku pipul dɛn kin gi as ɛkskyuz fɔ mek dɛn nɔ klin dɛn tin dɛn?
Aw di Lɔ we Gɔd bin gi Mozis de sho wetin Jiova tink bɔt dɔti?
Aw wi go mek Jiova gɛt prez ilɛk wi nɔ tɔk natin?

Wan papa go insay in bɔypikin in dɔti motoka; di papa ɛn in pikin de tɔk bɔt di we aw Jiova tink we i kam pan fɔ bi pɔsin we klin; tu prist we bin de na Izrɛl trade, de nia di kɔpa besin fɔ was an ɛn fut; afta di pikin kɔmɔt fil savis, i go was in motoka — Aw a go sho se a de tink di we aw Jiova de tink we i kam pan fɔ bi pɔsin we klin?