Yezekele

6 E diambu dia Yave dizidi diaka kwa mono, oku vo: 2 “E mwan’a muntu, vilula e ndose aku kuna miongo mia Isaele yo sakula o lufwasu lwau. 3 Vova vo: ‘E miongo mia Isaele, nuwa e diambu dia Mfumu Yave: I wau wuwu kavovele o Mfumu Yave kwa miongo, kwa kundubulu, kwa nkoko ye kwa ndimba: “Tala! Omono ikunutwasila o nsosolo, fwasa ifwasa mabata meno. 4 Maziku meno mebangulwa, maziku meno ma ndumbu mewulwa,+ ituba mavimbu ma wantu eno vana ndambu a teke yeno yangemi.*+ 5 Ituba mavimbu ma nkangu a Isaele vana ndambu a teke yau yangemi, imwanganisa e visi yeno muna kinzieta kiawonso kia maziku meno.+ 6 Muna fulu yeno yawonso nuzingilanga, e mbanza zifwaswa,+ mabata meno mebangulwa yo fwasakeswa.+ O maziku meno mebangulwa yo wulwa, e teke yeno yangemi ifwaswa, maziku meno ma ndumbu mebangulwa, e salu yeno ifukiswa. 7 Awana bevondwa bebwila vovo nuina,+ oyeno nuzaya wo vo mono i Yave.+

8 “‘“Kansi, isisa nsadiswa, kadi akaka muna yeno bevuluka muna nsosolo vana vena e zula vava numwanganeswa muna zinsi.+ 9 Awana bevuluka bekunsungamena muna zula ina benatwa e kinkole.+ Bebakula vo yakendalala kikilu mu kuma kia ntima miau miakondwa e kwikizi* mina mingiambwidi+ yo meso mau matele e zumba ye teke yau yangemi.+ Befusuka e nsoni yo mona nkele mu kuma kia mambu mawonso mambi ye mangemi bavangidi.+ 10 Bezaya wo vo mono i Yave, ke nkatu ko yavova vo ikubatwasila e mpasi zazi.”’+

11 “I wau wuwu kavovele o Mfumu Yave: ‘Sika makonzo maku yo duda malu maku, kendalala mu kuma kia mambu mawonso mambi ye mangemi mavangidi e nzo a Isaele, kadi bevondwa muna nsosolo, muna mvengele ye muna vuku.+ 12 Ndiona wina kwandá mu vuku kefwila, ndiona wina o lukufi mu nsosolo kefwila, ye konso ndiona osala o moyo mu mvengele kefwila; ikubavaikisila e nsita zame zawonso.+ 13 Nuzaya wo vo mono i Yave,+ vava mavimbu mau mebwa vana vena e teke yau yangemi, muna kinzieta kia maziku mau,+ vana konso kundubulu kiazanguka, muna mbata zawonso za miongo ye kuna nsi a nti miawonso miasavuka, kuna nsi a tayi ya nti mianene kuna bayokelanga e ndumbu* mu yangidika e ntima mia teke yau yawonso yangemi.+ 14 Lambula ilambula o koko kwame muna yau yo kitula e nsi se yankatu, e fulu yau yawonso bezingilanga isala e nkatu lutila makanga mena vana ndambu a Dibela. Bezaya wo vo mono i Yave.’”