Ntalu

18 I bosi, Yave ovovese Arone vo: “Ongeye yo wan’aku ye nzo a se diaku yeno nukala se akwa kuma muna konso vilwa uvangama mu kuma kia nzo avauka,+ ongeye yo wan’aku nukala se akwa kuma muna konso vilwa uvangama muna salu kieno kia kinganga.+ 2 Bokela mpe mpangi zaku za kanda dia Levi, e kanda dia se diaku, kimana bayikama, basadila ngeye+ yo wan’aku vana ntwal’a saba kia Kimbangi.+ 3 Bafwete sala e salu wabavana ye salu yawonso ya saba.+ Kansi, ke bafwete finama salanganu ya fulu kiavauka ko ye ya ziku, kimana oyau yovo yeno nualembi fwa.+ 4 Oyau bekuyikama yo lungisa iyekwa yau mu kuma kia saba kia wananina ye salu yawonso ya saba, ke vakadi muntu* ko ona kavewa nswa ko okunufinama.+ 5 Nufwete lungisa iyekwa yeno mu kuma kia fulu kiavauka+ ye ziku,+ kimana makasi+ malembi bwila diaka o nkangu a Isaele. 6 Mono kibeni mvambwidi e mpangi zeno, Anelevi, vana vena Aneyisaele se lukau kwa yeno.+ Oyau baveno kwa Yave mu sala e salu kia saba kia wananina.+ 7 Ongeye yo wan’aku nulunga-lunga e salu yeno ya kinganga eyi itadidi e ziku ye lekwa ina kuna nim’a rido,+ oyeno nufwete sala e salu kiaki.+ Omono inuvene salu kia kinganga se lukau, konso muntu* ona kavewa nswa ko ofinama, kafwete vondwa.”+

8 Yave ovovese diaka Arone vo: “Mono kibeni inuvene kiyekwa kia lunga-lunga tukau tuvewanga kwa mono.+ Muna lekwa yawonso yavauka ina Aneyisaele bevananga, mpene ndambu kwa ngeye ye kwa wan’aku se kunku kieno kia mvu ke mvu.+ 9 Muna tukau tusundidi o vauka tuvewa vana tiya, eyi ikala se yeno: konso lukau bevana, kumosi yo tukau twau twa mbwaza+ yo tukau twau twa sumu+ yo tukau twau twa kuzuka+ tuna betwasa kwa mono. Ekiaki lekwa kisundidi vauka kwa ngeye ye kwa wan’aku. 10 Ofwete kio dila+ va fulu kisundidi o vauka. O wan’amakala awonso balenda kio dia kwau. Ekiaki kikala se lekwa kiavauka kwa yeno.+ 11 Eyayi mpe ikala se yeno: tukau bevananga+ Aneyisaele kumosi ye tukau twau twawonso twa zunganisa.+ Mpene to kwa ngeye ye kwa wan’aku amakala ye kwa wan’aku amakento se kunku kia mvu ke mvu.+ Konso muntu una vo wavelela muna nzo aku olenda to dia kwandi+

12 “O mazi mawonso masundidi o wete ye vinyu yawonso yampa isundidi o wete ye mbwaza, e mbongo au antete+ ina bevana kwa Yave, mpene yo kwa ngeye.+ 13 E mbongo antete ya lekwa yawonso ituka muna ntoto au, eyi betwasa kwa Yave, ikituka se yeno.+ Konso muntu una vo wavelela muna nzo aku olenda yo dia kwandi.

14 “Yawonso yavambulwa* muna Isaele, ikituka se yaku.+

15 “Konso mwan’antete muna vangwa yawonso yamoyo,+ ina besunzula kwa Yave, kiakala mwan’antete a muntu yovo a bulu, okituka se wame. Kansi, o mwan’antete a muntu ofwete kunkûla, o mwan’antete a bulu+ kiafunzuka ofwete mpe kunkûla.+ 16 Vava kelungisa ngonde mosi yovo vioka, ofwete kunkûla muna ntalu a lukûlu, e ntalu yasikidiswa i sekele tanu*+ za palata, mun’owu wa sekele ya fulu kiavauka,* i sia vo, ngera 20.* 17 Kansi, o mwan’antete a ngombe yovo mwan’antete a meme a koko yovo mwan’antete a nkombo kunkûdi ko.+ Eyayi lekwa yavauka. Ofwete zaza menga mau vana ziku,+ o mazi mau ofwete mo futumuna se lukau lwayoka vana tiya, lekwa kia nsunga* kuna kwa Yave.+ 18 E mbizi au ikituka se yaku. Ikituka yaku+ nga i tulu kia lukau lwa zunganisa ye tó kialunene kia kulu. 19 O tukau twawonso twavauka tuna Aneyisaele bevana kwa Yave,+ mpene to kwa ngeye ye kwa wan’aku amakala ye kwa wan’aku amankento se kunku kia mvu ke mvu.+ Ediadi kangu dia mungwa diakwele mvu* vana vena Yave yo ngeye ye mbongo aku.”

20 Yave ovovese diaka Arone vo: “Kukala ye vua ko muna nsi au, ke kunku kimosi ko kia ntoto vana bena kikituka se kiaku.+ Omono i kunku kiaku ye vua diaku vana vena Aneyisaele.+

21 “Tala, e tini kiakumi+ kiawonso muna Isaele mpene kio kwa wan’a Levi se vua mu kuma kia salu besalanga, e salu kia saba kia wananina. 22 O nkangu a Isaele ke ulendi diaka finama vana saba kia wananina ko, avo bavangidi wo sumu benata yo fwa. 23 Anelevi yau kibeni besala e salu kia saba kia wananina, yau mpe bekala akwa kuma muna vilwa uvangama.+ Owau nkanikinu a mvu ke mvu muna mbandu zeno zawonso: oyau ke bafwete tambula konso vua ko vana vena Aneyisaele.+ 24 Kadi e tini kiakumi bevana o nkangu a Isaele kwa Yave, mpene kio se vua kwa Anelevi. Ekiaki i kuma ibavovesele vo: ‘Oyau ke bafwete tambula konso vua+ ko vana kati kwa Aneyisaele.’”

25 I bosi, Yave ovovese Mose vo: 26 “Zayisa Anelevi vo: ‘Vava nutambula kwa Aneyisaele e tini yakumi ina inuvene se vua dieno,+ nubonga tini kiakumi muna tini yayi yakumi yo vana kio se lukau kwa Yave.+ 27 E tini kiokio kiakumi kibadikilwa se lukau lweno, nga mbwaza za bundilu+ dieno yovo ulolo wa vinyu ya kaminu dieno yovo wa mazi ma kaminu dieno. 28 Muna mpila yayi, oyeno mpe nuvana lukau kwa Yave muna tini yakumi yawonso nutambula kwa Aneyisaele, muna tini yoyo yakumi i nuvanina lukau lwa Yave kwa Arone wa nganga. 29 Muna tukau twawonso tusundidi o wete nutambulanga, i muna nubongela lukau lwa mpila zawonso yo vana kwa Yave+ se lekwa kiavauka.’

30 “Ofwete kubazayisa vo: ‘Vava nuvana kina kisundidi o wete muna ina nutambula, ina isala ibadikilwa kwa yeno, Anelevi, nga mbwaza za bundilu dieno yovo ulolo wa vinyu ya kaminu dieno yovo wa mazi ma kaminu dieno. 31 Oyeno ye esi nzo zeno nulenda yo dila va konso fulu, kadi i mfutu a salu kieno muna saba kia wananina.+ 32 Avo nutekele kukivanina ina isundidi o wete muna lekwa yoyo, ke nuvola sumu ko muna diambu diadia; ke nufwete funzula lekwa yavauka ko ya Aneyisaele, avo nuvangidi wo fwa nufwa.’”+