Асаптын ыры.
79 Оо, Кудай, элдер сенин мурасыңа кирип келишти+,
Ыйык ибадатканаңды арамдашты+,
Иерусалимди урандыга айлантышты+.
2 Кызматчыларыңдын өлүгүн асмандагы куштарга+,
Ишенимдүү кызматчыларыңдын денесин жердеги жырткычтарга жем кылышты+.
3 Иерусалимдин тегерегинде алардын канын суудай агызышты,
Аларды көмөр эч ким болгон жок+.
4 Биз кошуналарыбызга маскара болдук+,
Тегерегибиздегилерге шылдың, күлкү болдук+.
5 Оо, Жахаба, качанга чейин ачууланасың? Түбөлүккөбү?+
Жаалың качанга чейин оттой жалындай берет?+
6 Каарыңды өзүңдү таанып-билбеген элдерге+,
Ысмыңды чакырбаган падышалыктарга төк+.
7 Анткени алар Жакыпты жеп-жутушту+,
Анын турак жайын ээн калтырышты+.
8 Ата-бабаларыбыздын күнөөлөрү үчүн бизди жазалай көрбө+.
Бизге тезирээк кайрымдуулук көрсөт+,
Анткени биз аябай алсырап калдык+.
9 Оо, куткаруучу Кудайыбыз+,
Ысмыңдын даңкы үчүн бизге жардам бер+.
Ысмың үчүн бизди куткарып, күнөөлөрүбүздү кечир+.
10 Элдер: «Булардын Кудайы кайда?» — дешпесин+.
Кызматчыларыңдын төгүлгөн каны үчүн өч алынганы+
Көз алдыбызда элдерге белгилүү болсун+.
11 Туткундардын үшкүрүгүн ук+.
Өлүмгө өкүм кылынгандарды күчтүү билегиң менен куткар+.
12 Оо, Жахаба, коңшуларыбыздын сага кылган акаратын+
Койнуна жети эселеп салып бер+.
13 Ал эми биз — сенин элиң, жайытыңдагы койлор+ —
Сага түбөлүктөн түбөлүккө ыраазычылык билдиребиз,
Даңкыңды муундан муунга жарыялайбыз+.