29 Nkimanyi nti bwe ndivaawo, emisege emikambwe giriyingira mu mmwe+ era tegiriyisa bulungi kisibo, 30 era mu mmwe mmwennyini mulivaamu abantu aboogera ebintu ebikyamye okusendasenda abayigirizwa okubagoberera.+

4 Naye ekigambo ekyaluŋŋamizibwa Katonda kigamba* nti, mu biseera eby’omu maaso abamu bajja kuva mu kukkiriza, olw’okuwuliriza ebigambo ebibuzaabuza ebyaluŋŋamizibwa,*+ n’okuyigiriza kwa badayimooni,

2 Kyokka era wajjawo bannabbi ab’obulimba mu bantu, ng’era bwe wajja okujjawo abayigiriza ab’obulimba mu mmwe.+ Era mu nkiso bajja kuleetera abantu okwekutulakutulamu obubiina obw’omutawaana era bajja kwegaana mukama waabwe eyabagula,+ beereeteko okuzikirira okw’amangu.

2 nti musaanidde okujjukira ebigambo ebyayogerwa edda bannabbi abatukuvu n’ekiragiro Mukama waffe era Omulokozi kye yawa okuyitira mu batume bammwe. 3 Okusookera ddala, mukimanye nti mu nnaku ez’enkomerero walijjawo abasekerezi n’okusekerera kwabwe nga bagoberera okwegomba kwabwe+