Masese
21 Motema ya mokonzi ezali lokola mikɛli ya mai na lobɔkɔ ya Yehova.+ Abalusaka yango esika nyonso asepeli kobalusa.+
2 Nzela nyonso ya moto elongobani na miso na ye moko,+ kasi Yehova amekamekaka mitema mpo na koyeba ndenge ezali.+
3 Mpo na Yehova, kosalela boyengebene mpe bosembo ezali malamu koleka mbeka.+
4 Miso ya lolendo ná motema ya lofundo,+ mwinda ya bato mabe, ezali lisumu.+
5 Myango ya moto ya etingya ememaka mpenza na litomba,+ kasi moto nyonso oyo asalaka makambo mbangumbangu akokelela mpenza kokelela.+
6 Kozwa biloko ya motuya na nzela ya lolemo ya lokuta ezali mwa molinga oyo mopɛpɛ ezali kobengana,+ mpo na baoyo bazali koluka liwa.+
7 Kopunza oyo bato mabe bapunzaka ekokɔmbɔla bango,+ mpo baboyi kosalela bosembo.+
8 Moto, ɛɛ, mopaya, atɛngamá na nzela na ye;+ kasi moto ya pɛto azali na kolongobana na mosala na ye.+
9 Kofanda na mwa esika moko boye likoló ya nsamba ezali malamu+ koleka kofanda ndako moko na mwasi oyo abimisaka kowelana.+
10 Molimo ya moto mabe eyoki mposa ya makambo ya mabe;+ bakomonisela moninga na ye boboto ata moke te na miso na ye.+
11 Ntango bafutisaka mosɛki lomande, moto oyo azangi mayele akómaka na bwanya;+ mpe ntango bapesaka moto ya bwanya mayele ya kososola, azwaka boyebi.+
12 Ye oyo azali Moyengebene atyaka likebi na ndako ya moto mabe,+ akweisaka bato mabe mpo bázala na mpasi.+
13 Moto nyonso oyo azali kokanga litoi na ye na koganga ya komilelalela ya moto oyo azangá,+ ye moko mpe akobenga kasi bakoyanola ye te.+
14 Likabo oyo epesami na nkuku ekitisaka nkanda;+ mpe kanyaka na ntolo+ ekitisaka nkanda ya makasi mpenza.
15 Mpo na moyengebene, kosalela bosembo ezali esengo,+ kasi eloko moko ya nsɔmɔ ekokómela baoyo basalaka makambo oyo eyokisaka mpasi.+
16 Moto oyo atiki nzela ya mayele ya kososola mpe akómi koyengayenga+ akopema na lisangá ya baoyo bazangi makasi kati na liwa.+
17 Ye oyo alingi kosakanasakana akozala moto ya kokelela;+ ye oyo alingi vinyo mpe mafuta akozwa bomɛngo te.+
18 Moto mabe azali lisiko mpo na moyengebene;+ mpe mokosi azwaka esika ya bato ya kolongobana.+
19 Kofanda na mokili ya esobe ezali malamu koleka kofanda na mwasi oyo abimisaka kowelana mpe mitungisi.+
20 Eloko ya motuya oyo bato balukaka mpe mafuta ezali na esika ya kofanda ya moto ya bwanya,+ kasi moto oyo azali zoba akosilisa yango.+
21 Ye oyo azali kolanda boyengebene+ mpe motema boboto akozwa bomoi, boyengebene mpe nkembo.+
22 Moto ya bwanya amati mpe akɔti na engumba ya bato ya nguya, mpo akweisa makasi ya eloko oyo yango etyelaka motema.+
23 Ye oyo azali kobatela monɔkɔ na ye mpe lolemo na ye azali kobatela molimo na ye ezwa mpasi te.+
24 Moto ya lofundo, moto ya komikumisa oyo azali komitombola, yango nde nkombo ya moto oyo azali kosala na lofundo ntango azali na nkɛlɛ.+
25 Mposa ya moto ya gɔigɔi ekoboma ye, mpo mabɔkɔ na ye eboyi kosala mosala.+ 26 Mokolo mobimba amonisi ete azali na mposa makasi, kasi moyengebene apesaka mpe apimelaka moto eloko te.+
27 Mbeka ya bato mabe ezali eloko oyo eyinamá.+ Ekozala kutu boni ntango moto amemi yango elongo na etamboli ya nsɔni.+
28 Motatoli ya lokuta akokufa,+ kasi moto oyo azali koyoka akoloba mpo na libela.+
29 Moto mabe amonisi na elongi na ye ete azangi nsɔni,+ kasi moto ya kolongobana nde akopika banzela na ye makasi.+
30 Bwanya ezali te, bososoli ezali te, toli mpe te wana ezali kotɛmɛla Yehova.+
31 Mpunda ezali eloko oyo ebongisami mpo na mokolo ya etumba,+ kasi lobiko ezali ya Yehova.+